လံာ်စီၤၡမူၤအ့လးအခီၣ်ထံးတဘ့ၣ် 22:3 - Sgaw Karen Common Bible

³ စီၤဒၤဝံးဟးထီၣ်ဆူညါစးထီၣ်ဖဲန့ၣ်တုၤလၢဝ့ၢ်မံးစပၤလၢ ကီၢ်မိၤအးအပူၤဒီးစံးဘၣ်ကီၢ်မိၤအးအစီၤပၤ, “ဝံသးစူၤပျဲယမိၢ်ယပၢ်ဟဲအိၣ်ဒီးနၤတုၤလၢယထံၣ်တၢ်လၢကစၢ် ယွၤကမၤဝဲလၢယဂီၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 22:3 Iomraidhean Croise

လံာ်တၢ်ကဲထီၣ်အခီၣ်ထံး 47:11

အန့ၣ်ဒီး, ဒ်စီၤပၤမၤလိာ်တ့ၢ်ဝဲအသိးန့ၣ်, စီၤယိၤသးဒုးအိၣ်ဒုးဆိးအပၢ်ဒီးအဒီပုၢ်ဝဲၢ်ခွါတဖၣ်လၢ ကီၢ်အဲၤကူပတူးအပူၤ, ဖဲတၢ်လီၢ်အဂ့ၤကတၢၢ်ဘူးဒီးဝ့ၢ်ရၤမစ့, ဒီးဟ့ၣ်လီၤဃုာ်အီၤတၢ်စုလီၢ်ခီၣ်ခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

၁ တံၤမသ့း 5:4

ဘၣ်ဆၣ်မုၣ်ကမဲတဂၤမ့ၢ်အိၣ်ဒီးအဖိ, မ့တမ့ၢ်အလံၤတဖၣ်န့ၣ်ဒီး, အဝဲသ့ၣ်ကဘၣ်မၤလိဆိတၢ်မၤလၢပှဲၤအတၢ်ဘူၣ်တၢ်ဘါအမူ အဒါတဖၣ်လၢအဒူၣ်ဖိထၢဖိဒၣ်ဝဲအဂီၢ်, ဒီးလၢကျဲဒ်အံၤန့ၣ်မၤဘျုးက့ၤမိၢ်ပၢ်ဖံဖုတဖၣ်, အဂ့ၢ်မ့ၢ်လၢတၢ်အံၤမ့ၢ်တၢ်ဘၣ်ကစၢ်ယွၤအသးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 11:29

တုၤနုၤတစု, ယွၤအသးလီၤဘၣ်လၢစီၤယံးဖသၤအလိၤလီၤ. အဝဲလဲၤခီဂာ်ကီၢ်ကံးလဧး, ကီၢ်မနၤၡ့ၤ, ဒီးဟဲက့ၤဆူဝ့ၢ် မံးစပၤလၢကီၢ်ကံးလဧးအပူၤဒီးလဲၤဆူကီၢ်ဧၣ်မိၣ်န့ၣ်လီၤ.

လံာ်နီၢ်ရူၤသး 4:10

ဒီးယမၤန့ၢ်စ့ၢ်ကီးလံပှၤမိၤအးမုၣ်ဖိနီၢ်ရူၤသးလၢအမ့ၢ် စီၤမၤဃလိၣ်အမုၣ်ကမဲတဂၤလၢအကကဲထီၣ်ယမါ, ဒ်သိးယကဒုးအိၣ်ထီၣ်က့ၤ တၢ်န့ၢ်သါလၢပှၤသံတဂၤအဒူၣ်ဖိထၢဖိအဂီၢ်န့ၣ်လီၤ. ဒီးအစၢၤအသွဲၣ်ကအိၣ်ဒံးဝဲဆူညါလၢအပှၤကလုာ်အကျါဒီးလၢ အဝ့ၢ်ဒၣ်ဝဲအပူၤန့ၣ်လီၤ. သုမ့ၢ်ပှၤအုၣ်အသးတဖၣ်လၢမုၢ်တနံၤအံၤန့ၣ်လီၤ.”

လံာ်နီၢ်ရူၤသး 4:17

ဒီးပိာ်မုၣ်လၢအခိၣ်အဃၢၤတဖၣ်ယုၢ်န့ၢ်ဖိသၣ်အမံၤလၢစီၤဧိၤဘ့းလီၤ. ဒီးစံးဝဲ, “ဖိခွါတဂၤအိၣ်ဖျဲၣ်ထီၣ်လၢနီၢ်နၤဧမံအဂီၢ်လံ.” ဒီးလၢခံန့ၣ်စီၤဧိၤဘ့းကဲထီၣ်စီၤယံးၡဲအပၢ်, စီၤယံးၡဲကဲထီၣ်စီၤဒၤဝံးအပၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:47

ဖဲစီၤစီလူးကဲထီၣ်ကီၢ်အံၣ်စရ့လးအစီၤပၤဝံၤအလီၢ်ခံန့ၣ်, အဝဲဒုးကယဲၢ်အဒုၣ်အဒါခဲလၢာ်လၢတၢ်လီၢ်ကိးပူၤဒဲး, လၢအမ့ၢ်ပှၤဂီၢ်မုၢ်လၢကီၢ်မိၤအး, ကီၣ်ဧၣ်မိၣ်, ဒီးကီၢ်အဒိၣ်, ဒီးစီၤပၤတဖၣ်လၢဝ့ၢ်စိဘၤ, ဒီးပှၤဖလ့ၡသးဖိ တဖၣ်န့ၣ်လီၤ. ဖဲအဒုးတၢ်တပူၤလၢ်လၢ်န့ၣ်မၤနၢၤတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:2

ပှၤဂီၢ်မုၢ်လၢဘၣ်တၢ်မၤနးမၤဖှီၣ်အီၤတဖၣ်မ့ၢ်ဂ့ၤ, အဒ့ၣ်ကမၣ်အိၣ်မ့ၢ်ဂ့ၤ, အသးတမံတဖၣ်မ့ၢ်ဂ့ၤလဲၤဆူအအိၣ်, ပှၤခဲလၢာ်အဂၤလွံၢ်ကယၤဃၣ်ဃၣ်ဒီးအဝဲကဲထီၣ်အဝဲသ့ၣ်အခိၣ်အနၢ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:4

လၢတၢ်န့ၣ်အဃိ, စီၤဒၤဝံးပာ်တ့ၢ်အမိၢ်အပၢ်ဒီးကီၢ်မိၤအး အစီၤပၤဒီးအဝဲသ့ၣ်အိၣ်ဖဲန့ၣ်ဖဲလၢစီၤဒၤဝံးအိၣ်ခူသူၣ် လၢလ့ကအိအပူၤအဆၢကတီၢ်တဖၣ်အခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:18

မၤသးဒ်န့ၣ်ဒီးစီၤၡမူၤအ့လးတဲဘၣ်အီၤတၢ်ကိးမံၤဒဲးဒီး တပာ်ခူသူၣ်တ့ၢ်ဝဲတၢ်နီတမံၤဘၣ်. စီၤဧ့လံၤစံးဝဲ, “အဝဲမ့ၢ်ယွၤလီၤ. အဝဲကမၤတၢ်လၢအထံၣ်ဝဲလၢအဂ့ၤကိးမံၤဒဲးန့ၣ်လီၤ.”