လံာ်စီၤၡမူၤအ့လးအခီၣ်ထံးတဘ့ၣ် 22:21 - Sgaw Karen Common Bible

²¹ အဝဲတဲဘၣ်စီၤဒၤဝံးလၢစီၤစီလူးမၤသံကွံာ်ယွၤအပှၤလုၢ်တၢ် အခိၣ်တဖၣ်ဒ်လဲၣ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:21 Iomraidhean Croise

လံာ်စီၤၡမူၤအ့လးအခီၣ်ထံးတဘ့ၣ် 2:33

သနာ်က့ဒီးယကပာ်တ့ၢ်ဒုးမူပှၤလီၤစၢၤလီၤသွဲၣ်လၢနၤတဖၣ် အကျါတဂၤလီၤ. အဝဲကမၤယတၢ်မၤဒ်ပှၤလုၢ်တၢ်အခိၣ်တဂၤအသိးလီၤ. ဘၣ်ဆၣ်ဒီးအဝဲဒၣ်အမဲာ်ကဘျီၣ်ဒီးအတၢ်မုၢ်လၢ်ခဲလၢာ်ကလီၤမၢ်ကွံာ် ဒီးကယဲၢ်နစၢၤနသွဲၣ်အဂၤခဲလၢာ်ကသံလၢတၢ်သံဆူၣ်သံစိး တမံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:20

ဘၣ်ဆၣ်ဒီးစီၤအဃံၤမ့လ့းအဖိခွါတဖၣ်အကျါတဂၤ, စီၤအ့ဘယၤသၣ်ပူၤဖျဲးဝဲဒီးလဲၤပာ်ဖှိၣ်အသးဒီးစီၤဒၤဝံး န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:22

စီၤဒၤဝံးစံးဘၣ်အီၤ, “ဖဲယထံၣ်စီၤဒိအ့းဖဲန့ၣ်လၢမုၢ် တနံၤန့ၣ်ယသ့ၣ်ညါလၢအဝဲကက့ၤတဲစီၤစီလူးသပှၢ်ကတၢၢ်န့ၣ်လီၤ. မၤသးဒ်န့ၣ်ဒီးယမူယဒါအိၣ်လၢနဘူးနတံၢ်တဖၣ်အတၢ်သံအဂ့ၢ်န့ၣ်လီၤ.