လံာ်စီၤၡမူၤအ့လးအခီၣ်ထံးတဘ့ၣ် 22:20 - Sgaw Karen Common Bible

²⁰ ဘၣ်ဆၣ်ဒီးစီၤအဃံၤမ့လ့းအဖိခွါတဖၣ်အကျါတဂၤ, စီၤအ့ဘယၤသၣ်ပူၤဖျဲးဝဲဒီးလဲၤပာ်ဖှိၣ်အသးဒီးစီၤဒၤဝံး န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:24

ပှၤလုၢ်တၢ်အခိၣ်စီၤစၤဒိးအိၣ်ဝဲဖဲန့ၣ်ဒီးပှၤလ့ၤဝံဖိတဖၣ် အိၣ်စ့ၢ်ကီးဒီးအီၤ, စိာ်ဝဲယွၤအတၢ်အၢၣ်လီၤအီလီၤအတလါစီဆှံန့ၣ်လီၤ. အဝဲသ့ၣ်ပာ်လီၤအီၤဒီးတချုးဒံးဘၣ်လၢပှၤဂီၢ်မုၢ်ခဲလၢာ် ဟးထီၣ်ကွံာ်လၢဝ့ၢ်ပူၤဘၣ်န့ၣ်အဝဲသ့ၣ်တစိာ်ထီၣ်ကဒီးအီၤဘၣ်. ပှၤလုၢ်တၢ်အခိၣ်စီၤအ့ဘယၤသၢ်အိၣ်စ့ၢ်ကီးဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:25

စီၤၡဝၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်, စီၤစၤဒိးဒီးစီၤအ့ဘယၤသၢ် မ့ၢ်ပှၤလုၢ်တၢ်အခိၣ်တဖၣ်,

လံာ်စီၤပၤအခီၣ်ထံးတဘ့ၣ် 1:7

အဝဲကတိၤတၢ်ဒီးစီၤယိၤအာ်လၢအမ့ၢ်နီၢ်စရူၤယၤအဖိခွါ, ဒီးပှၤလုၢ်တၢ်အခိၣ်စီၤအ့ဘယၤသၢ်ဘၣ်ထွဲဒီးတၢ်ဂ့ၢ်န့ၣ်, ဒီးအဝဲသ့ၣ်ဘၣ်သူၣ်ဘၣ်သးလၢကမၤစၢၤအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:11

စီၤဒၤဝံးကိးန့ၢ်ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤစၤဒိး ဒီးစီၤအ့ဘယၤသၣ်, ဒီးပှၤလ့ၤဝံဖိဃုဂၤလၢအမ့ၢ်ဝဲ, စီၤအူရံၤအ့လး, စီၤဧစံယၤ, စီၤယိၤအ့လး, စီၤၡမါယၤ, စီၤအလံၤအ့လးဒီးစီၤဧးမံၤနဒးသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:16

စီၤအဃံတူာ်အဖိခွါစီၤစၤဒိးဒီးစီၤအ့ဘယၤသၢ်အဖိခွါစီၤ အဃံမ့လးမ့ၢ်ပှၤလုၢ်တၢ်အခိၣ်တဖၣ်, ဒီးစီၤၡၤဝၡၤမ့ၢ်ကွီၢ်ဘျီၣ် အပှၤကွဲးလံာ်ဒိၣ်လီၤ.

လံာ်စီၤယိၤဘး 1:19

ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:3

(ပှၤလုၢ်တၢ်အခိၣ်လၢသိးဝဲဒီးအ့ဖိးန့ၣ်မ့ၢ်ဝဲယွၤအပှၤလုၢ် တၢ်အခိၣ်လၢဝ့ၢ်ၡံလိၤအပူၤ, စီၤဧ့လံၤအလံၤခွါဒီးစီၤအဃံးတူာ်အဒီပုၢ်ဝဲၢ်စီၤအံကဘိး အဖိခွါစီၤအဃံယၤန့ၣ်လီၤ.) စီၤယိနၤသၣ်ဟးထီၣ်န့ၣ်ပှၤတဖၣ်တသ့ၣ်ညါဘၣ်ဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:33

သနာ်က့ဒီးယကပာ်တ့ၢ်ဒုးမူပှၤလီၤစၢၤလီၤသွဲၣ်လၢနၤတဖၣ် အကျါတဂၤလီၤ. အဝဲကမၤယတၢ်မၤဒ်ပှၤလုၢ်တၢ်အခိၣ်တဂၤအသိးလီၤ. ဘၣ်ဆၣ်ဒီးအဝဲဒၣ်အမဲာ်ကဘျီၣ်ဒီးအတၢ်မုၢ်လၢ်ခဲလၢာ်ကလီၤမၢ်ကွံာ် ဒီးကယဲၢ်နစၢၤနသွဲၣ်အဂၤခဲလၢာ်ကသံလၢတၢ်သံဆူၣ်သံစိး တမံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:21

အဝဲတဲဘၣ်စီၤဒၤဝံးလၢစီၤစီလူးမၤသံကွံာ်ယွၤအပှၤလုၢ်တၢ် အခိၣ်တဖၣ်ဒ်လဲၣ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:6

ဖဲစီၤအဃံၤမ့လ့းအဖိခွါစီၤအ့ဘယၤသၣ်ပူၤဖျဲးဒီးလဲၤမၤဃုာ်တၢ်ဒီး စီၤဒၤဝံးလၢဝ့ၢ်ကံလၤန့ၣ်အဝဲလဲၤစိာ်အ့ဖိး ဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:9

ဖဲစီၤဒၤဝံးနၢ်ဟူဝဲလၢစီၤစီလူးကူၣ်ထီၣ်ကျဲၤလီၤတၢ်လၢ ကဟဲဒုးအီၤဒီး, အဝဲစံးဘၣ်ပှၤလုၢ်တၢ်အခိၣ်စီၤအ့ဘယၤသၣ်, “ဟဲစိာ်အ့ဖိးဆူအံၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 30:7

စီၤဒၤဝံးစံးဘၣ်ပှၤလုၢ်တၢ်အခိၣ်, စီၤအဃံၤမ့လ့းအဖိခွါ စီၤအ့ဘယၤသၢ်, “ဟဲစိာ်န့ၢ်ယၤအ့ဖိးတက့ၢ်.” ဒီးစီၤအ့ဘယၤသၢ်ဟဲစိာ်တၢ်န့ၣ်ဆူအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:12

ပှၤတဂၤလၢစီၤဘံၣ်ယၤမံၣ်အဒူၣ်ဃ့ၢ်ကျဲဒီဘိညါစးထီၣ်လၢတၢ်ဒုးပျီ ဆူဝ့ၢ်ၡံလိၤဒီးတုၤဃီၤဖဲန့ၣ်တနံၤဃီလီၤ. လၢတၢ်ဒုးနဲၣ်အတၢ်သးအုးအပူၤဖှီယာ်အဆ့ဒီးပဲထီၣ်ဖၣ်ကမူၣ် လၢအခိၣ်လိၤန့ၣ်လီၤ.