လံာ်စီၤၡမူၤအ့လးအခီၣ်ထံးတဘ့ၣ် 22:17 - Sgaw Karen Common Bible

¹⁷ အန့ၣ်ဝံၤဒီးစီၤစီလူးစံးဘၣ်ပှၤပၢၤအသးသမူတဖၣ်လၢအဆၢထၢၣ် ဖဲအဃၢၤန့ၣ်, “မၤသံကွံာ်ယွၤအပှၤလုၢ်တၢ်အခိၣ်တဖၣ်တက့ၢ်. အဝဲသ့ၣ်ကူၣ်ထီၣ်ဖးလီၤသကိးတၢ်အၢတမံၤဃီဒီးစီၤဒၤဝံးဒီး သ့ၣ်ညါဝဲတၢ်ဂ့ၢ်ခဲလၢာ်ဘၣ်ဆၣ်ဒီး တတဲဘၣ်ယၤလၢအဝဲထွးထီၣ်ဃ့ၢ် အဂ့ၢ်န့ၣ်ဘၣ်.” ဘၣ်ဆၣ်ဒီးပှၤပၢၤအသးသမူတဖၣ် ဂ့ၢ်လိာ်ဝဲလၢကယူာ်ထီၣ်အစုဒ်သိးကမၤသံ ယွၤအပှၤလုၢ်တၢ်အခိၣ်တဖၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:1

တၢ်န့ၣ်အလီၢ်ခံ, စီၤအးဘၡါလိၣ်ကတဲာ်ကတီၤဝဲ, လ့ၣ်ကဟၣ်တဆိဒီးကသ့ၣ်တဖၣ်လၢအဂီၢ်ဒၣ်ဝဲဒီးပှၤသုးဖိအဂၤယဲၢ်ဆံ လဲၤတၢ်ဒီးအီၤဒီးကဟုကယာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:5

ဒီးခဲအံၤမ့ၢ်လၢစီၤအးဘၡါလိၣ်သံလံအဃိ, စီးဒၤဝံးဒီးနီၢ်ဃးကံၤအဖိခွါစီၤအဒိနံၤယၤမ့ၢ်ဖိခွါ အဒိၣ်ကတၢၢ်လၢဖိလၢအအိၣ်မူတ့ၢ်တဖၣ်အကျါန့ၣ်လီၤ. အဝဲသူၣ်ဆူၣ်သးဂဲၤလၢကကဲထီၣ်ဘၣ်စီၤပၤဒိၣ်မးလီၤ. လၢအကစၢ်ဒၣ်ဝဲအဂီၢ်, အဝဲကတဲာ်ကတီၤလ့ၣ်ကဟၣ်တဖၣ်, ကသ့ၣ်တဖၣ်ဒီးပှၤလၢအကလဲၤယုၤဒီးကဟုကယာ်အီၤယဲၢ်ဆံဂၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 14:27

လၢတၢ်မၤပှဲၤက့ၤတၢ်သ့ၣ်တဖၣ်န့ၣ်အလီၢ်အဂီၢ်, စီၤပၤရဃၤဘၣ်မၤကတီၤတိၢ်ဘီတဖၣ်, ဒီးဟ့ၣ်လီၤအးလီၤဝဲဆူ ပဒိၣ်ပပှၢ်တဖၣ်လၢအအိၣ်မူအိၣ်ဒါလၢတၢ်ပၢၤနီအတြဲၤဖးဒိၣ်တ ဖၣ်, အစုပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤခံဘ့ၣ်တဘ့ၣ် 10:25

ဖဲစီၤယ့ၤဟူလုၢ်ထီၣ်တၢ်လုၢ်တၢ်ပာ်ဝံၤတဘျီဃီန့ၣ်, အဝဲစံးဘၣ်ပှၤခိးတၢ်တဖၣ်ဒီးသုးခိၣ်သုးနၢ်တဖၣ်စံးဝဲ, “လဲၤနုာ်ဒီးမၤသံကွံာ်အဝဲသ့ၣ်ခဲလၢာ်တက့ၢ်. ပျဲပှၤပူၤဖျဲးနီတဂၤတဂ့ၤ.” အဝဲသ့ၣ်လဲၤနုာ်ဝဲအိၣ်ဒီးနးတဖၣ်လၢအထုးထီၣ်ပာ်ဝဲ, ဒီးမၤသံကွံာ်အဝဲသ့ၣ်ခဲလၢာ်, ဒီးတွံၢ်ထုးထီၣ်အစိၣ်တဖၣ်ဆူ တၢ်ချၢန့ၣ်လီၤ. အနံၣ်ဝံၤဒီးအဝဲသ့ၣ်လဲၤနုာ်ဝဲဆူဘဧၤလးအတၢ်လုၢ်ဟံၣ်အသးကံၢ်ပူၤ,

လံာ်တၢ်ဟးထီၣ်ကွံာ် 1:17

ဘၣ်ဆၣ်ဒီးပိာ်မုၣ်လၢအကွၢ်ပဟုးတဖၣ်န့ၣ်မ့ၢ်ပှၤလၢအပျံၤကစၢ်ယွၤ ဒီးတမၤဝဲဒ်အဲၤကူပတူးအစီၤပၤမၤလိာ်ဝဲအသိးန့ၣ်ဘၣ်. မ့မ့ၢ်ပျဲဖိသၣ်ပိာ်ခွါတဖၣ်မူဝဲဒၣ်န့ၣ်လီၤ.

မၤတၢ် 4:19

ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:45

ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:31

ဒိကနၣ်တက့ၢ်. တၢ်ဆၢကတီၢ်လၢယကမၤသံကွံာ်ပှၤသးစၢ်တဖၣ်လၢ နဟံၣ်ဖိဃီဖိ, နဒူၣ်ဖိထၢဖိအပူၤန့ၣ်ဟဲတုၤလံ. မၤသးဒ်န့ၣ်ဒီး, လၢနဒူၣ်ဖိထၢဖိအကျါန့ၣ်ပှၤကအိၣ်မူတုၤအသး ပှၢ်န့ၣ်တအိၣ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 20:33

အန့ၣ်ဒီး, စီၤစီလူးကွံာ်ဆဲးအဘီလၢစီၤယိနၤသၣ်ဒ်သိးအကမၤသံကွံာ်အီၤလီၤ. ဒီးစီၤယိနၤသၣ်သ့ၣ်ညါနၢ်ပၢၢ်ဝဲလၢအပၢ်န့ၣ် ပာ်လီၤအသးသပှၢ်ကတၢၢ်လၢကမၤသံစီၤဒၤဝံးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:13

စီၤစီလူးသံကွၢ်အီၤ, “ဘၣ်မနုၤလၢနၤဒီးစီၤဒၤဝံးကူၣ် ထီၣ်ဖးလီၤတၢ်ထီဒါယၤန့ၣ်လဲၣ်. ဘၣ်မနုၤလၢနဟ့ၣ်အီၤတၢ်အီၣ်တနီၤဒီးနးတဘ့ၣ်ဒီးသံကွၢ်တၢ်လၢ ကစၢ်ယွၤလၢအဂီၢ်န့ၣ်လဲၣ်. ခဲအံၤအဝဲဃၣ်အသးထီဒါယၤဒီးအိၣ်ခိးဝဲတၢ်အခွဲးဂ့ၤယာ်ဘၣ် လၢကမၤသံယၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:16

စီၤပၤစံးဝဲဒၣ်, “စီၤအဃံၤမ့လ့းဧၢ, နၤဒီးနဘူးနတံၢ်ခဲလၢာ်ကဘၣ်သံဝဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:11

စီၤၡမူၤအ့လးစံးဝဲ, “အအံၤမ့ၢ်တၢ်လၢသုစီၤပၤကမၤဘၣ်သု န့ၣ်လီၤ. အဝဲကဒုးကဲထီၣ်သုဖိခွါတဖၣ်လၢအသုးဖိတဖၣ်, တနီၤကမၤတၢ်လၢအဝဲအလ့ၣ်ကဟၣ်ဒုးသုးတဖၣ်အဂီၢ်ဒီးပှၤအဂၤတဖၣ် ကဃ့ၢ်လၢအဝဲအလ့ၣ်ကဟၣ်ဒုးသုးတဖၣ်အမဲာ်ညါလီၤ.