လံာ်စီၤၡမူၤအ့လးအခီၣ်ထံးတဘ့ၣ် 21:5 - Sgaw Karen Common Bible

⁵ စီၤဒၤဝံးစံးဆၢဝဲ, “မ့ၢ်လီၤ, အဝဲသ့ၣ်တမၤဝဲဘၣ်. ယပှၤတဖၣ်န့ၣ်ပာ်ကဆှီအသးဒ်တၢ်ဘူၣ်တၢ်ဘါအလုၢ်အလၢ်အသိး, ဖဲလၢပဟးထီၣ်လၢတၢ်ဖံးတၢ်မၤမုၢ်ဆ့ၣ်မုၢ်ဂီၤအဂီၢ်ဒၣ်လဲာ် န့ၣ်လီၤ. မ့မ့ၢ်လၢပအိၣ်ဒီးမူဒါလီၤဆီဒ်အံၤတကလုာ်န့ၣ်ကပာ်ကဆှီအသး ဒိၣ်န့ၢ်အန့ၣ်တက့ၢ်ဆံးအါလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 21:5 Iomraidhean Croise

လံာ်တၢ်ဟးထီၣ်ကွံာ် 19:14

အန့ၣ်ဝံၤဒီး, စီၤမိၤၡ့ဟဲက့ၤလီၤလၢကစၢၢ်လိၤဒီးတဲဘၣ်ပှၤ ဂီၢ်မုၢ်လၢကကတဲာ်ကတီၤအသးလၢတၢ်ဘူၣ်ထီၣ်ဘါထီၣ်အဂီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဆှုၣ် အတၢ်ကူတၢ်သိးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 19:15

ဒီးစီၤမိၤၡ့တဲဘၣ်အဝဲသ့ၣ်, “အိၣ်ကတဲာ်ကတီၤသုသးလၢခဲ တဆ့ၣ်တနံၤအဂီၢ်, ဒီးလၢအကတီၢ်အပူၤအံၤဟးဆှဲးတၢ်အိၣ်ဃုာ်မံဃုာ်န့ၣ်တက့ၢ်.”

လံာ်တၢ်ဟးထီၣ်ကွံာ် 25:30

စီၢ်နီၤခိၣ်န့ၣ်ကဘၣ်တၢ်ပာ်အီၤလၢတၢ်အၢၣ်လီၤအီလီၤအတလါစီ ဆှံအမဲာ်ညါဒီးလၢစီၢ်နီၤခိၣ်အလိၤန့ၣ်ကိၣ်စီဆှံလၢတၢ်လုၢ် မၤဘူၣ်အီၤဆူယအိၣ်န့ၣ်ကဘၣ်အိၣ်ဝဲထီဘိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:9

ဒီးကိၣ်န့ၣ်ကကဲထီၣ်စီၤအၤဟရိၣ်ဒီးအစၢၤအ သွဲၣ်တဖၣ်အတၢ်ဒီးကဘၣ်အီၣ်ဝဲလၢတၢ်လီၢ်စီဆှံအပူၤန့ၣ်လီၤ. အဂ့ၢ်ဒ်အံၤမ့ၢ်တၢ်စီဆှံကတၢၢ်လၢအဂီၢ်လၢတၢ်လုၢ်မ့ၣ်အူ အကျါန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 8:26

ဒီးဟံးန့ၢ်ဝဲကိၣ်တလိၣ်လၢတအိၣ်ဘၣ်ဒီးကိၣ်မံၣ်လၢကုပူၤ, လၢအဘၣ်တၢ်ပာ်စီဆှံအီၤဆူယွၤအအိၣ်, ကိၣ်တလိၣ်လၢအ ဘၣ်တၢ်မၤအီၤလၢသိ, ဒီးကိၣ်အဘ့ၣ်ဘၣ်တဘ့ၣ်, ဒီးပာ်ထီၣ်ဝဲလၢတၢ်အသိဒီးတၢ်အကံၣ်ဒုၣ်အထွဲတခီအဖီခိၣ်န့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

1 ကရံၣ်သူး 7:5

မ့တမ့ၢ်လၢသုအိၣ်ဒီးတၢ်အၢၣ်လီၤဆိပာ်သုသး, လၢသုကအိၣ်လီၤဖးတစိၢ်တလီၢ်ဒ်သိးသုကအိၣ်ဒီးတၢ်ဆၢ ကတီၢ်လၢတၢ်ထုကဖၣ်အဂီၢ်န့ၣ်, တဘၣ်အိၣ်လီၤဖးလိာ်သုသးတဂၤဒီးတဂၤတဂ့ၤ. ဘၣ်ဆၣ်ဒီးတၢ်န့ၣ်ဝံၤအလီၢ်ခံအိၣ်က့ၤဒီး တၢ်ဘၣ်ထွဲလိာ်သုသးဒ်နီၢ်ဒီမိဝၤအသိးတက့ၢ်. လၢကျဲဒ်အံၤအပူၤန့ၣ်, သုကပူၤဖျဲးဒီးတၢ်ဟ့ၣ်လီၤသုသးဆူမုၣ်ကီၤလံၢ်အတၢ်လ့ပစီ အပူၤလၢသုတၢ်ပၢၤသူၣ်ပၢၤသးတအိၣ်ဘၣ်အဃိန့ၣ်လီၤ.

၁ ပ့းတရူး 3:17

အဂ့ၢ်ဒ်လဲၣ်န့ၣ်, တၢ်အံၤမ့မ့ၢ်ကစၢ်ယွၤအတၢ်ဘၣ်အသး ဒီး, ပဘၣ်တၢ်နးတၢ်ဖှီၣ်လၢပမၤတၢ်ဂ့ၤအဃိန့ၣ်, ဂ့ၤန့ၢ်ပဘၣ်တၢ်လၢပမၤတၢ်အၢအဃိတက့ၢ်န့ၣ်လီၤ.