လံာ်စီၤၡမူၤအ့လးအခီၣ်ထံးတဘ့ၣ် 21:2 - Sgaw Karen Common Bible

² စီၤဒၤဝံးစံးဆၢဝဲ, “ယဟဲဖဲအံၤလၢစီၤပၤအတၢ်ဖံးတၢ်မၤ အဂ့ၢ်လီၤ. အဝဲတဲယၤဒ်သိးတၢ်လၢအဝဲမၢလီၤယၤလၢယကမၤအံၤ, ယသုတပျဲပှၤသ့ၣ်ညါနီတဂၤတဂ့ၤလီၤ. မ့မ့ၢ်ယပှၤတဖၣ်န့ၣ်ယမၤလိာ်တ့ၢ်အဝဲသ့ၣ်လၢကထံၣ်လိာ်ယၤဖဲ တၢ်လီၢ်လီၤဆီတပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:2 Iomraidhean Croise

လံာ်တၢ်ကဲထီၣ်အခီၣ်ထံး 27:20

ဒီးစီၤအံၤစဲးစံးဝဲဒၣ်, “ယဖိခွါဧၢ, နထံၣ်န့ၢ်တၢ်ချ့ထဲအံၤလၢကျဲ ဒ်လဲၣ်.” ဒီးစီၤယၤကိာ်စံးဆၢအီၤ, “ယွၤ, နကစၢ်ယွၤမၤစၢၤယၤဒ်သိး ယကထံၣ်န့ၢ်အီၤလီၤ.”

လံာ်တၢ်ကဲထီၣ်အခီၣ်ထံး 27:24

သံကွၢ်ကဒီးဝဲ, “နမ့ၢ်စီၤဧ့ၡီၤသပှၢ်တၢၢ်ဧါ” ဒီးစီၤယၤကိာ်စံးဆၢဝဲ, “ယၤလီၤ.”

လံာ်စီၤပၤအခီၣ်ထံးတဘ့ၣ် 13:18

အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.

လံာ်စီၤနဃ့မယၤ 11:32

လၢဝ့ၢ်ဧၤနသိး, ဝ့ၢ်နိၤဘး, ဝ့ၢ်ဧနၤနယၤ,

စံးထီၣ်ပတြၢၤ 119:29

ပၢၤဃးယၤလၢတၢ်ကဘျံးကဘျၣ်အကျဲတဖၣ်, ဒီးမၤဘျုးမၤဖှိၣ်ယၤခီဖျိ နတၢ်သိၣ်တၢ်သီန့ၣ်တက့ၢ်.

စံးထီၣ်ပတြၢၤ 141:3

ယွၤဧၢ, ပာ်တၢ်ပၢၤလၢယထးခိၣ် ဒီးပၢၤဃာ်ယနိးဖံးအတြဲၤတက့ၢ်.

လံာ်ယၡါယၤ 10:32

တနံၤအံၤ, ဒုၣ်ဒါတဖၣ်အိၣ်ဝဲလၢဝ့ၢ်နိၤဘးအပူၤ, ဒီးအဝဲသ့ၣ် တြုၤအစုခိၣ်တဖၣ်လၢကစၢၢ်စံယိၣ်, ဖဲဝ့ၢ်ယရူၤၡလ့ၣ်န့ၣ်လီၤ.

ကလၤတံ 2:12

တချုးလၢပှၤဘၣ်ထွဲဒီးစီၤယၤကိာ်တနီၤဟဲတုၤဒံးဘၣ်န့ၣ်, စီၤပ့းတရူးအီၣ်အီတ့ၢ်တၢ်တပူၤဃီဒီးအဒီပုၢ်ဝဲၢ်ပှၤ ကလုာ်ဂၤတဖၣ်လီၤ. မ့မ့ၢ်ဖဲပှၤသ့ၣ်တဖၣ်အံၤဟဲတုၤဝံၤ အလီၢ်ခံန့ၣ်, အဝဲဒၣ်ထုးဖးကွံာ်အသးဒီးတအီၣ်တၢ်ဒီးပှၤကလုာ်ဂၤတဖၣ် လၢၤဘၣ်. အဂ့ၢ်မ့ၢ်လၢ အဝဲဒၣ်ပျံၤပှၤသ့ၣ်တဖၣ်လၢ အအဲၣ်ဒိးပှၤကလုာ်ဂၤတဖၣ်ဒိးတၢ်ကူးတရံးအဃိ န့ၣ်လီၤ.

ကလီးစဲ 3:9

တဘၣ်ကတိၤလိာ်သုသးလၢတၢ်ကတိၤကဘျံးကဘျၣ်တဂ့ၤ. အဂ့ၢ်မ့ၢ်လၢသုပာ်တ့ၢ်ကွံာ်လံသုတၢ်အိၣ်မူဒီးလုၢ်လၢ် အလီၢ်လံၤတဖၣ်,

လံာ်စီၤၡမူၤအ့လးအခီၣ်ထံးတဘ့ၣ် 19:17

စီၤစီလူးသံကွၢ်နီၢ်မံကၤလး, “ဘၣ်မနုၤနမၤကဘျံးကဘျၣ်ယၤ ဒ်အံၤဒီးပျဲယဒုၣ်ယဒါပူၤဖျဲးကွံာ်ဝဲဒၣ်န့ၣ်လဲၣ်.” ပိာ်မုၣ်စံးဆၢဝဲဒၣ်, “အဝဲစံးလၢယမ့ၢ်တမၤစၢၤအီၤဒ်သိးအကပူၤဖျဲးဘၣ်ဒီး ကမၤသံကွံာ်ယၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 21:3

ခဲအံၤ, တၢ်အီၣ်တၢ်အီမနုၤအိၣ်ဒီးနၤလဲၣ်. ဟ့ၣ်ယၤကိၣ်ယဲၢ်ဖျၢၣ်မ့တမ့ၢ်တၢ်ဂၤတမံၤမံၤလၢအအိၣ်ဒီးနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 22:22

စီၤဒၤဝံးစံးဘၣ်အီၤ, “ဖဲယထံၣ်စီၤဒိအ့းဖဲန့ၣ်လၢမုၢ် တနံၤန့ၣ်ယသ့ၣ်ညါလၢအဝဲကက့ၤတဲစီၤစီလူးသပှၢ်ကတၢၢ်န့ၣ်လီၤ. မၤသးဒ်န့ၣ်ဒီးယမူယဒါအိၣ်လၢနဘူးနတံၢ်တဖၣ်အတၢ်သံအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:9

စီၤဒိအ့းအိၣ်ဆၢထၢၣ်ဖဲန့ၣ်ဃုာ်ဒီးစီၤစီလူးအသုးခိၣ်သုး နၢ်တဖၣ်ဒီးစံးဝဲ, “ယထံၣ်တ့ၢ်စီၤဒၤဝံးဖဲအလဲၤဆူစီၤအဃံးတူာ် အဖိခွါစီၤအဃံၤမ့လ့းလၢအအိၣ်လၢဝ့ၢ်နိဘးန့ၣ်လီၤ.