လံာ်စီၤၡမူၤအ့လးအခီၣ်ထံးတဘ့ၣ် 20:41 - Sgaw Karen Common Bible

⁴¹ ဖဲပှၤသးစၢ်ဖိက့ၤဝဲန့ၣ်, စီၤဒၤဝံးဂဲၤဆၢထၢၣ်လၢလၢၢ်အၤစ့းဒီးတီၤလီၤဝဲလၢအခီၣ်လ့ၢ်ခိၣ်ဒီးပိာ်လီၤအမဲာ်သၣ်လၢ ဟီၣ်ခိၣ်သၢစုလီၤ. စီၤဒၤဝံးဒီးစီၤယိနၤသၣ်ခံဂၤလိာ်ဟီၣ်ဝဲဖဲအနၢမူလိာ် အသးအခါန့ၣ်လီၤ. စီၤဒၤဝံးအတၢ်သးအုးဒိၣ်န့ၢ်ဒံးစီၤယိနၤသၣ်တက့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:41 Iomraidhean Croise

လံာ်တၢ်ကဲထီၣ်အခီၣ်ထံး 29:11

ဒီးနၢမူဝဲနီၢ်ရၤဃ့လးဒီးကိးထီၣ်ဝဲလၢတၢ်သူၣ်ခုသးခု အဃိလီၤ.

လံာ်တၢ်ကဲထီၣ်အခီၣ်ထံး 29:13

ဒီးတုၤစီၤလၤဘၣ်နၢ်ဟူအဖိဒိၣ်ခွါစီၤယၤကိာ်အကစီၣ်န့ၣ်လဲၤ ဃ့ၢ်ဝဲလၢကထံၣ်လိာ်အီၤဒီးဖိးဃုဃာ်အီၤဒီးနၢမူအီၤ, ဒီးဟဲက့ၤကိးအီၤဆူအဟံၣ်ပူၤန့ၣ်လီၤ. တုၤစီၤယၤကိာ်တဲစီၤလၤဘၣ်လၢကယဲၢ်တၢ်ခဲလၢာ်လၢအမၤတ့ၢ်အသး ဝံၤဒီး,

လံာ်တၢ်ကဲထီၣ်အခီၣ်ထံး 33:4

မ့မ့ၢ်စီၤဧ့ၡီၤဃ့ၢ်သဂၢၢ်အီၤ, ဖိးဟုအီၤဒီးနၢမူအီၤန့ၣ် လီၤ. အဝဲသ့ၣ်ခံဂၤလိာ်ဟီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:28

အဝဲသ့ၣ်စံးဆၢဝဲ, “နခ့ဆံးပှၤဆံးပပၢ်အိၣ်မူဒံးဝဲအိၣ် ဆူၣ်အိၣ်ချ့ကစီဒီလီၤ.” ဒီးအဝဲသ့ၣ်ချံးခီၣ်တီၤလီၤဒီးသကူးလီၤအသးလၢအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 45:15

ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:2

မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:26

ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်. နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:4

ပိာ်မုၣ်န့ၣ်လဲၤဆူစီၤပၤအအိၣ်, ထိၣ်လီၤပှီၤအသး, ဆုးလီၤအခိၣ်ဆူဟီၣ်ခိၣ်လိၤလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, မၤစၢၤယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 19:39

အန့ၣ်ဝံၤဒီး, စီၤဒၤဝံးဒီးကယဲၢ်အပှၤခဲလၢာ်ခီဂာ် ထံကျိယၢ်ဒ့ၣ်န့ၣ်လီၤ. အဝဲနၢမူစီၤဘၢ်စံးလဲဒီးဟ့ၣ်လီၤအီၤလၢအတၢ်ဆိၣ်ဂ့ၤဆိၣ်ဝါ ဒီးစီၤဘၢ်စံးလဲက့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:6

ဖဲစီၤစီလူးအလံၤခွါ, စီၤယိနၤသၣ်အဖိခွါ, စီၤမဖံဘိၤၡ့းဟဲတုၤဝဲန့ၣ်, အဝဲတီၤလီၤလၢစီၤဒၤဝံး အမဲာ်ညါလၢတၢ်ယူးယီၣ်အပူၤလီၤ. စီၤဒၤဝံးစံးဝဲဒၣ်, “စီၤမဖံဘိၤၡ့းဧၢ,” ဒီးအဝဲဒၣ်စံးဆၢဝဲဒၣ်, “ကစၢ်ဧၢ, နကုၢ်နပှၤလီၤ.”

လံာ်စီၤပၤအခီၣ်ထံးတဘ့ၣ် 1:16

နီၢ်ဘၤသၡ့ဘၤသကူးလီၤအသးလၢစီၤပၤအမဲာ်ညါ, ဒီးအဝဲသံကွၢ်အီၤ, “နသးလီမနုၤတမံၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 1:23

ဒီးပှၤတဲဘၣ်စီၤပၤလၢဝံအိၣ်ဝဲဖဲန့ၣ်ဒီးစီၤနၤသၣ်လဲၤ နုာ်ဝဲဒီးသကူးလီၤအသးလၢစီၤပၤအမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:31

နီၢ်ဘၤသၡ့ဘၤသကူးလီၤအသးဒီးစံးဝဲ, “မ်ယကစၢ်စီၤပၤမူဝဲလီၤစိၤလီၤထီန့ၣ်တက့ၢ်.”

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:40

စီၤယိနၤသၣ်ဟ့ၣ်လီၤအစုကဝဲၤတဖၣ်ဆူပှၤသးစၢ်ဖိအအိၣ်ဒီးတဲ အီၤလၢကက့ၤစိာ်ဆူဝ့ၢ်ပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:9

ဒီးစံး, “ဘၣ်မနုၤလၢနဒိကနၣ်ပှၤဂီၢ်မုၢ်လၢအစံးဝဲလၢ ယကျဲးစၢးမၤဆါနၤန့ၣ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:23

ဖဲနီၢ်အဘံၤကါယံးလးထံၣ်ဘၣ်စီၤဒၤဝံးန့ၣ် အဝဲစံၣ်လီၤဝဲချ့ချ့ဒီးကွံာ်လီၤအသးလၢဟီၣ်ခိၣ်လိၤ.