လံာ်စီၤၡမူၤအ့လးအခီၣ်ထံးတဘ့ၣ် 20:30 - Sgaw Karen Common Bible

³⁰ စီၤစီလူးသးဒိၣ်ထီၣ်လၢစီၤယိနၤသၣ်အဖီခိၣ်နးနးကလဲာ်ဒီး စံးဘၣ်အီၤ, “နဲဒၣ်ပှၤလၢအဘိးကဒါကွံာ်တၢ်မ့ၢ်တၢ်တီဒီးပူထီၣ်တၢ်တဂၤဧၢ, ခဲအံၤယသ့ၣ်ညါလၢနအိၣ်လၢစီၤဒၤဝံးအအိၣ်တခီဒီးနမၤဟးဂီၤ နသူးနသ့ၣ်ဒီးနမိၢ်ဒၣ်နဲအလၤကပီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:30 Iomraidhean Croise

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

တၢ်ကတိၤဒိ. 19:19

ပှၤတဂၤဂၤမ့ၢ်အိၣ်ဒီးတၢ်သးထီၣ်ကဲၤတမံၤန့ၣ်, မ်အတူၢ်တၢ်အဘူးအလဲတဖၣ်န့ၣ်တက့ၢ်. နမ့ၢ်ထုးထီၣ်ကွံာ်အီၤလၢ တၢ်ကီတၢ်ခဲအပူၤတဘျီဒီးနကဘၣ်မၤကဒီးအီၤတဘျီန့ၣ်လီၤ.

တၢ်ကတိၤဒိ. 21:24

ဒုးနဲၣ်ယၤပှၤလၢအပာ်ထီၣ်ထီအသးတဂၤန့ၣ်တက့ၢ်, ဒီးယကဒုးနဲၣ်နၤပှၤတဂၤလၢအပာ်အသးကဖိလိ, ပာ်ထီၣ်ထီအသးဒီးတကွၢ်ဆိကမိၣ်တၢ်လၢပှၤဂၤနီတဂၤအဂီၢ်န့ၣ် လီၤ.

တၢ်ကတိၤဒိ. 25:28

နပၢၤဃးနတၢ်သူၣ်ဒိၣ်သးဖျိးမ့ၢ်တန့ၢ်ဘၣ်ဒီး, နမၤစၢၤလီၤနသးတသ့ဘၣ်ဒ်ဝ့ၢ်တဝ့ၢ်လၢအခိၣ်ဒူတအိၣ်, ဒီးအိၣ်အိးထီၣ်အသးလၢတၢ်ဟဲဒုးန့ၢ်အီၤအဂီၢ်အသိးန့ၣ်လီၤ.

တၢ်ကတိၤဒိ. 27:3

လၢၢ်ဧိၤလ့ဧိၤဒီးမဲးဧိၤဟီၣ်ဧိၤအတၢ်ဃၢတၢ်စုာ်န့ၣ်တုၤအဘၣ် တၢ်ထိၣ်သတြီၤအီၤဒီးတၢ်ကိၢ်တၢ်ဂီၤလၢတၢ်သူၣ်တထံသးတဆးဒုး အိၣ်ထီၣ်သ့န့ၣ်, တမ့ၢ်တၢ်နီတမံၤဘၣ်.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

အ့းဖ့းစူး 4:31

ပာ်တ့ၢ်ကွံာ်ကယဲၢ်မ့ၢ်တၢ်သးဆါ, တၢ်သူၣ်ထီၣ်သးထီၣ်, တၢ်သူၣ်ဒိၣ်သးဖျိး, တၢ်အ့ၣ်လိာ်ဆိးက့သီၣ်သီၣ်သဲသဲ, တၢ်ကတိၤဒုၣ်ဒွဲၣ်ဃုာ်ဒီးတၢ်သူၣ်ဟ့သးဟ့ကိးကလုာ်ဒဲး တက့ၢ်.

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:29

အဝဲစံးဝဲ, ဝံသးစူၤပျဲယလဲၤတက့ၢ်. အဂ့ၢ်ဒ်အံၤ, ပဒူၣ်ဖိထၢဖိမၤတၢ်လုၢ်တၢ်ပာ်, ဘူၣ်တၢ်ဘါတၢ်လၢဝ့ၢ်ပူၤဒီးယဝဲၢ်မၤလိာ်ယၤလၢယကဘၣ်အိၣ်ဖဲန့ၣ်လီၤ. လၢတၢ်န့ၣ်အဃိဒီးနမ့မ့ၢ်ယတံၤသကိးဒီးပျဲယလဲၤဒီးထံၣ်ဘၣ် ယဘူးယတံၢ်တဖၣ်တက့ၢ်. မၤသးဒ်န့ၣ်ဒီး, အဝဲတအိၣ်ဘၣ်လၢအလီၢ်လၢနစီၢ်နီၤခိၣ်ဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:31

စီၤယိနၤသၣ်စံးဝဲ,