လံာ်စီၤၡမူၤအ့လးအခီၣ်ထံးတဘ့ၣ် 20:3 - Sgaw Karen Common Bible

³ ဘၣ်ဆၣ်ဒီးစီၤဒၤဝံးဆိၣ်တၢ်ဒီးစံးဝဲဒၣ်, “နပၢ်သ့ၣ်ညါဝဲဂ့ၤဂ့ၤကလဲာ်လၢနအဲၣ်ယၤထဲလဲၣ်ထဲလဲၣ်အဂ့ၢ်လီၤ. ဒီးအဝဲပာ်လီၤအသးလၢအတပျဲဒုးသ့ၣ်ညါနၤအတၢ်တိာ်ကျဲၤလၢ ကမၤဝဲအဂ့ၢ်န့ၣ်ဘၣ်. အဂ့ၢ်ဒ်အံၤ, ကမၤဘၣ်ဒိဘၣ်ထံးနသးဒိၣ်မးအဃိလီၤ. ယဆိၣ်တၢ်လၢနၤလၢယွၤလၢအမူဝဲတဂၤအမဲာ်ညါလၢယပူၤဖျဲးဒီး တၢ်သံထဲခီၣ်ကါတခါဧိၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:21

ဘၣ်ဆၣ်ဒီးစီၤအံတဲၤစံးဆၢဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်ဒီးနၤလၢယွၤအမံၤအပူၤလၢထီဘိယကလဲၤတၢ်ဒီးနၤဖဲ နလဲၤတၢ်တပူၤလၢ်လၢ်, လၢတၢ်မူအပူၤမ့ၢ်ဂ့ၤ, လၢတၢ်သံအပူၤမ့ၢ်ဂ့ၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 2:2

ဒီးဖဲအလဲၤတၢ်အခါန့ၣ်, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ်လဲၤဆူဝ့ၢ်ဘ့ၤသ့လးန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤ, ယဆိၣ်တၢ်ဒီးယွၤလၢအမူဝဲတဂၤဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိအဝဲသ့ၣ်လဲၤသကိးဝဲဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:4

အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ် လဲၤဆူဝ့ၢ်ယရံၤဃိန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤယဆိၣ်တၢ်ဒီးယွၤလၢအမူဝဲတဂၤဒီးနၤလၢ ယတဟးဖးဒီးနၤဘၣ်.” လၢတၢ်န့ၣ်အဃိလဲၤသကိးဝဲဆူဝ့ၢ်ယရံၤဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:6

အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်, ယွၤမၤလိာ်တ့ၢ်ယၤလၢယကဘၣ် လဲၤဆူထံကျိယၢ်ဒ့ၣ်န့ၣ်လီၤ.” ဘၣ်ဆၣ်စီၤအလံၤၡါစံးဆၢအီၤ, “လၢယတၢ်သးတီအပူၤယဆိၣ်တၢ် ဒီးယွၤလၢအမူဝဲတဂၤဒီးနၤလၢယတဟးဖးဒီးနၤန့ၣ်ဘၣ်.” လၢတၢ်န့ၣ်အဃိအဝဲသ့ၣ်လဲၤတၢ်ဆူညါ,

စံးထီၣ်ပတြၢၤ 116:3

တၢ်သံအတၢ်ပျံၤတၢ်ဖုးအိၣ်ဝးတရံးယၤ, တၢ်သွၣ်ခိၣ်အတၢ်လီၤပျံၤလီၤဖုး အိၣ်ဘူးဒီးယၤန့ၣ်လီၤ. ယပှဲၤလုာ်ကွံာ်ဒီးတၢ်ပျံၤတၢ်ဖုး ဒီးတၢ်ဘၣ်ယိၣ်ဘၣ်ဘီန့ၣ်လီၤ.

လံာ်ယံးရမံယၤ 38:16

လၢတၢ်န့ၣ်အဃိ, စီၤပၤစံးဒကံယၤအၢၣ်လီၤယၤလၢ တၢ်ခူသူၣ်အပူၤစံးဝဲ, “ယဆိၣ်တၢ်လၢ ကစၢ်ယွၤလၢ အမူဝဲ, ကစၢ်ယွၤလၢ အဟ့ၣ်ပှၤတၢ်မူအမံၤအပူၤ, လၢယတမၤသံနၤမ့ၢ်ဂ့ၤ, ဟ့ၣ်လီၤကွံာ်နၤဆူ ပှၤလၢအသးအိၣ် မၤသံနၤတဖၣ်အစုပူၤမ့ၢ်ဂ့ၤ န့ၣ်ဘၣ်.”

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်သိၣ်လီၤသီလီၤတၢ် 28:66

ထီဘိသုသးသမူကအိၣ်လၢတၢ်ဘၣ်ယိၣ်ဘၣ်ဘီအပူၤလီၤ. ကိးမုၢ်နံၤမုၢ်နၤဒဲးန့ၣ်သုကအိၣ်ပှဲၤဒီးတၢ်ပျံၤတၢ်ဖုး, ဒီးသုကအိၣ်မူလၢတၢ်ပျံၤဘၣ်တၢ်သံအပူၤတပယူာ်ဃီ န့ၣ်လီၤ.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

ဧ့ၤဘြံၤ 6:16

ဖဲပှၤကညီဆိၣ်လီၤအသးန့ၣ်, အဝဲသ့ၣ်သူပှၤလၢအဒိၣ်န့ၢ် အဝဲသ့ၣ်အမံၤဒီးတၢ်ဆိၣ်မ့ၢ်တၢ်လၢအမၤကတၢၢ်ကွံာ် တၢ်ဂ့ၢ်လိာ်ဘှီလိာ်ခဲလၢာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:26

ဒီးနီၢ်ဃးနၤစံးဘၣ်အီၤ, “ဝံသးစူၤယၤတဘျး, တၢ်ဒိၣ်ဧၢ, နသ့ၣ်နီၣ်ယၤဒံးဧါ. ယမ့ၢ်ပိာ်မုၣ်တဂၤလၢနထံၣ်တ့ၢ်အိၣ်ဆၢထၢၣ် ဖဲအံၤဒီးဘါထုကဖၣ်တၢ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:55

ဖဲစီၤစီလူးထံၣ်စီၤဒၤဝံးလဲၤထီၣ်ဒ်သိးကဒုးစီၤကၤလယး န့ၣ်အဝဲသံကွၢ်အသုးခိၣ်ကျၢၢ်စီၤအဘံန့ၢ်, “စီၤအဘံန့ၢ်ဧၢ, အဝဲမ့ၢ်မတၤအဖိခွါလဲၣ်.” စီၤအဘံန့ၢ်စံးဆၢဝဲ, “တၢ်ဒိၣ်စီၤပၤဖးဒိၣ်ဧၢ, ယတသ့ၣ်ညါဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:2

စီၤယိၤနၤသၣ်စံးဆၢဝဲ, “ကစၢ်ယွၤတြီတၢ်လၢနကဘၣ်သံအဂ့ၢ် လီၤ. ယပၢ်တဲဘၣ်ယၤတၢ်အကါဒိၣ်မ့ၢ်ဂ့ၤတၢ်အကါတဒိၣ်မ့ၢ်ဂ့ၤကိးမံၤ ဒဲးလၢအမၤဝဲဒီးတပာ်ခူသူၣ်ဝဲလၢယၤဘၣ်. တၢ်န့ၣ်တမ့ၢ်ဒ်န့ၣ်အသိးဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:4

စီၤယိနၤသၣ်စံးဝဲ, “ယကမၤတၢ်တမံၤဂ့ၤတမံၤဂ့ၤလၢနအဲၣ် ဒိးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:26

ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”