လံာ်စီၤၡမူၤအ့လးအခီၣ်ထံးတဘ့ၣ် 20:27 - Sgaw Karen Common Bible

²⁷ လၢခံတနံၤ, ဖဲလါထီၣ်သီအမူးဝံၤဝဲန့ၣ်, စီၤဒၤဝံးအလီၢ်လီၤဟိဒံးဝဲဒီးစီၤစီလူးသံကွၢ်စီၤယိ နၤသၣ်, “ဘၣ်မနုၤလၢစီၤဒၤဝံးတဟဲဘၣ်ဆူတၢ်အီၣ်သကိးလၢမဟါတနံၤ ဒီးတနံၤညါအံၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:27 Iomraidhean Croise

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

၁ ပ့းတရူး 2:4

ဟဲဆူကစၢ်အအိၣ်, လၢအမ့ၢ်လၢၢ်မူတဖျၢၣ်လၢအဘၣ်တၢ်ညိကွံာ်အီၤလၢပှၤကညီဒ်တၢ် အလုၢ်အပှ့ၤတအိၣ်ဘၣ်အသိး, ဘၣ်ဆၣ်ဘၣ်တၢ်ဃုထၢအီၤလၢကစၢ်ယွၤဒ်တၢ်လုၢ်ဒိၣ်ပှ့ၤဒိၣ် အသိးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 18:11

ဒီးစံးလီၤအသး, “ယကဆဲးတ့ၢ်အီၤလၢဂီၤပၤအလိၤလီၤ.” ဒီးကွံာ်ဝဲဘီန့ၣ်ဆူစီၤဒၤဝံးအအိၣ်ခံဘျီဘၣ်ဆၣ်ဒီးစီၤ ဒၤဝံးပဒ့ၣ်အသးပူၤတဘျီဘၣ်တဘျီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:15

ဘၣ်ဆၣ်ဒီးစီၤစီလူးမၢကဒါက့ၤအဝဲသ့ၣ်လၢအကလဲၤကွၢ်စီၤဒၤဝံး လၢအဝဲသ့ၣ်အနီၢ်ကစၢ်ဒၣ်ဝဲလီၤ. စီၤစီလူးမၤလိာ်အဝဲသ့ၣ်, “ဟဲက့ၤစိာ်အီၤဆူအံၤလၢအလီၢ်မံခးအပူၤ, ဒီးယကမၤသံအီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:26

ဘၣ်ဆၣ်ဒီးအနံၤဝဲန့ၣ်စီၤစီလူးတတဲတၢ်နီတမံၤဘၣ်. အဂ့ၢ်ဒ်အံၤဆိကမိၣ်ဝဲ, “တၢ်မၤအသးဒီးအီၤတမံၤမံၤဒီး တကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိးဘၣ်အဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:28

စီၤယိနၤသၣ်စံးဆၢအီၤ, “အဝဲဃ့ကညးယၤလၢယကပျဲအီၤဒ်သိးအကက့ၤဆူဝ့ၢ်ဘ့ၤသလ့ဃ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:5

စီၤဒၤဝံးစံးဝဲ, “ခဲမုၢ်ဆ့ၣ်န့ၣ်မ့ၢ်လါထီၣ်သီအမူးဒီး ယကဘၣ်အီၣ်တၢ်ဒီးစီၤပၤလီၤ. ဘၣ်ဆၣ်ဒီးမ့ၢ်ဘၣ်သူၣ်ဘၣ်သးနၤန့ၣ်, ယကလဲၤအိၣ်ခူသူၣ်လၢပျီပူၤတုၤလၢခဲတဆ့ၣ်တနံၤမုၢ်ဟါလီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:10

ဒီးလၢခံကတၢၢ်န့ၣ်, စီၤနၤဘလးစံးဆၢဝဲဒၣ်, “စီၤဒၤဝံး, အဝဲမ့ၢ်မတၤလဲၣ်ယတနၢ်ဟူအဂ့ၢ်နီတစုဘၣ်. ထံကီၢ်အံၤပှဲၤဝဲဒၣ်ဒီးကုၢ်တဖၣ်လၢအဃ့ၢ်ဟးထီၣ်လၢအကစၢ်အအိၣ် လၢမုၢ်နံၤတဖၣ်အံၤအပူၤလီၤ.