လံာ်စီၤၡမူၤအ့လးအခီၣ်ထံးတဘ့ၣ် 20:16 - Sgaw Karen Common Bible

¹⁶ မ်ပတၢ်အၢၣ်လီၤလိာ်ပသးတဂၤဒီးတဂၤကကျၢၤဒံးဒၣ်ဝဲတက့ၢ်. တၢ်န့ၣ်မ့ၢ်ဟးဂီၤကွံာ်ဒီးယွၤကစံၣ်ညီၣ်နၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:16 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်စီၤၡမူၤအ့လးခံဘ့ၣ်တဘ့ၣ် 21:8

ဘၣ်ဆၣ်ဒီး, အဝဲဟံးန့ၢ်စီၤစီလူးအဖိခွါခံဂၤ လၢစီၤအၤယၤအဖိမုၣ်နီၢ်ရံးစဖၤဆံးစၢ်န့ၢ်အီၤလၢအမ့ၢ်ဝဲ, စီၤအၢ်မိၤနံဒီးစီၤမဖံဘိၤၡ့းန့ၣ်လီၤ. အဝဲဟံးန့ၢ်စ့ၢ်ကီးစီၤစီလူးအဖိမုၣ်နီၢ်မ့ရာ်အဖိခွါယဲၢ် ဂၤလၢအဆံးစၢ်န့ၢ်ဝဲလၢစီၤဘၢ်စံးလဲအဖိခွါ စီၤဧ့ဒြံၤအ့လးလၢဝ့ၢ်မဃိလၤ အဂီၢ်န့ၣ်လီၤ.

လံာ်ယံးရမံယၤ 40:9

စီၤကဒါလယၤစံးဘၣ်အဝဲသ့ၣ်, “ယအုၣ်ခီၣ်လီၤယသးလၢအလီၢ် တအိၣ်လၢသုကပျံၤတၢ်ဒ်သိးသုကဟ့ၣ်လီၤသုသးဆူ ပှၤဘၤဘူၤလိၣ်ဖိတဖၣ်အစုပူၤန့ၣ်ဘၣ်. အိၣ်ဆိးဖဲကီၢ်အံၤအ ပူၤ, မၤကီၢ်ဘၤဘူၤလိၣ်အစီၤပၤအတၢ်မၤ, ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်န့ၣ်လီၤ.

လံာ်သိၣ်လီၤသီလီၤတၢ် 23:21

တုၤသုမၤတၢ်ဆိၣ်လီၤတမံၤဒီးယွၤသုကစၢ်ယွၤန့ၣ်, သုးဆၢသုးကတီၢ်လၢသုကမၤတၢ်လၢသုအၢၣ်လီၤအီၤန့ၣ်တဂ့ၤ. ယွၤကဟံးဃာ်သုဒ်သုတၢ်အၢၣ်လီၤအသိး, ဒီးသုမ့ၢ်တတိၢ်န့ၢ်ဖံးဃာ်အီၤဒီးကကဲထီၣ်တၢ်ဒဲးဘးလၢသု ဂီၢ်န့ၣ်လီၤ.

လံာ်စီၤယိၤၡူ 22:23

ပမ့ၢ်တဒိကနၣ်ယွၤဒီးဘှီထီၣ်ပတၢ်လုၢ်လီၢ်လၢပကလုၢ်ထီၣ်တၢ် လုၢ်မ့ၣ်အူအဂီၢ်မ့ၢ်ဂ့ၤ, သူအီၤလၢပကလုၢ်ထီၣ်တၢ်အီၣ်တၢ်အီ မ့ၢ်ဂ့ၤ, တၢ်လုၢ်မၤဃူမၤဖိးတၢ်မ့ၢ်ဂ့ၤန့ၣ်ဒီး, မ်ယွၤအကစၢ် ဒၣ်ဝဲစံၣ်ညီၣ်ပှၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:42

အန့ၣ်ဝံၤဒီးစီၤယိနၤသၣ်စံးဘၣ်စီၤဒၤဝံး, “ကစၢ်ယွၤအိၣ်ဒီးနၤလီၤ. ယွၤကမၤလီၤတံၢ်ဝဲလၢနၤဒီးယၤ, ဒီးနစၢၤနသွဲၣ်ဒီး, ယစၢၤယသွဲၣ်တဖၣ်ကဟံးဃာ်အတၢ်အၢၣ်လီၤစီ ဆှံလၢပမၤတ့ၢ်အီၤယၢ်ခီယၢ်ခီန့ၣ်လီၤ.” အန့ၣ်ဝံၤဒီးစီၤဒၤဝံးဟးထီၣ်ဝဲဒီး စီၤယိနၤသၣ်က့ၤကဒါက့ၤဆူဝ့ၢ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:8

တၢ်န့ၣ်မ့ၢ်တၢ်ဂ့ၢ်လၢသုကူၣ်ထီၣ်ဖးလီၤထီဒါယၤန့ၣ်ဧါ. ယဖိခွါဒၣ်ယဲမၤတၢ်ဒီသိၣ်ဒီမှံၤဒီးစီၤဒၤဝံးန့ၣ် သုတတဲဘၣ်ယၤ နီတဂၤဘၣ်. ပှၤတသူၣ်အိၣ်သးအိၣ်ယၤမ့ၢ်ဂ့ၤ, တဲဘၣ်ယၤလၢစီၤဒၤဝံး, ပှၤလၢယပှၤဒၣ်ယဲအကျါတဂၤန့ၣ်ခဲအံၤဃုတၢ်အခွဲးအယာ်ဒ်သိး ကမၤသံယၤဒီးယဖိခွါဟ့ၣ်ဂံၢ်ဟ့ၣ်ဘါအီၤအဂ့ၢ်မ့ၢ်ဂ့ၤန့ၣ် နီတဂၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 23:18

ပှၤခံဂၤန့ၣ်မၤတၢ်ဒီတံၤဒီသကိးလိာ်အတၢ်အၢၣ်လီၤအီလီၤအစီအဆှံတမံၤလီၤ. စီၤဒၤဝံးအိၣ်ဝဲဖဲဃိရဲးဒီးစီၤယိၤနၤသၣ်က့ၤဆူအဟံၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:22

တချုးမုၢ်ဆ့ၣ်ထီၣ်အံၤန့ၣ်ယမ့ၢ်တမၤသံဘၣ်ပှၤပိာ်ခွါတဖၣ်အံၤ တုၤလၢအလီၢ်ခံကတၢၢ်တဂၤဘၣ်ဒီး မ်ကစၢ်ယွၤတီၢ်ယၤတုၤယသံတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:26

ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 31:2

ဘၣ်ဆၣ်ဒီးပှၤဖလ့ၡသးဖိတဖၣ်ချုးန့ၢ်အဝဲသ့ၣ်ဒီးမၤသံကွံာ် စီၤစီလူးအဖိခွါသၢဂၤ, စီၤယိနၤသၣ်, စီၤအဘံနဒာ်ဒီးစီၤမၤလကံၡူၤန့ၣ်လီၤ.