လံာ်စီၤၡမူၤအ့လးအခီၣ်ထံးတဘ့ၣ် 2:8 - Sgaw Karen Common Bible

⁸ အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8 Iomraidhean Croise

လံာ်တၢ်ကဲထီၣ်အခီၣ်ထံး 41:14

စီၤပၤမၢပှၤလဲၤကိးန့ၢ်အီၤစီၤယိၤသး, ဒီးစီၤယိၤသးဘၣ် တၢ်ဟဲက့ၤကိးအီၤတဘျီဃီလၢဃိာ်ပူၤန့ၣ်လီၤ. ဖဲလူၤအခၣ်ဆူၣ်ဒီးလဲကူလဲသိးဝံၤဝဲန့ၣ်, အဝဲဟဲနုာ်ဆူစီၤပၤအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 41:40

ယကပာ်နၤလၢပှၤပၢယထံယကီၢ်အလီၢ်, ဒီးပှၤဂီၢ်မုၢ်ခဲလၢာ်ကစူၢ်တၢ်ကလုၢ်တဖၣ်လၢနဟ့ၣ်လီၤန့ၣ်လီၤ. လၢတၢ်စိတၢ်ကမီၤအလီၢ်န့ၣ်, နကမ့ၢ်ပှၤခံဂၤတဂၤလၢယၤဝံၤအလီၢ် ခံန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:8

လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံလၢယၤ, ယွၤသ့တၢ်လၢာ်စံးဘၣ်အီၤဒ်အံၤ, ယဟံးထီၣ်နၤလၢတၢ်ကွၢ်ထွဲသိဖိတဖၣ် လၢပျီတဖၣ်အပူၤဒီးဒုးကဲထီၣ်နၤလၢပှၤပၢဘၣ်ယပှၤ ဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:2

“နတမ့ၢ်တၢ်နီတမံၤဘၣ်. ဘၣ်ဆၣ်ယဒုးကဲထီၣ်နၤလၢယပှၤဂီၢ်မုၢ် အံၣ်စရ့လးလၢအခိၣ်အနၢ်န့ၣ်လီၤ. ဒီးခဲကနံၣ်အံၤနမၤတ့ၢ်တၢ်ဒဲးဘးဒ်စီၤယၤရၤဘၣ်အသိး, ဒီးနဆှၢဃီၤယပှၤဂီၢ်မုၢ်ဆူတၢ်ဒဲးဘးအပူၤန့ၣ်လီၤ. အဝဲသ့ၣ်အတၢ်ဒဲးဘးတဖၣ်ထိၣ်ဂဲၤထီၣ်ယတၢ်သးဒိၣ်,

လံာ်စီၤပၤခံဘ့ၣ်တဘ့ၣ် 9:6

အန့ၣ်ဒီးအဝဲသ့ၣ်ခံဂၤလဲၤနုာ်ဆူတၢ်အိပူၤ, ဒီးဝံသးစၢ်တဂၤန့ၣ်, လူလီၤသ့ၣ်စၤယံးအသိလၢစီၤယ့ၤဟူအခိၣ်လိၤဒီးစံးဘၣ်အီၤ, “ယွၤ, ကီၢ်အံၣ်စရ့လးအကစၢ်ယွၤစံးဝဲ, ယဖှူနၤဒ်စီၤပၤလၢယပှၤဂီၢ်မုၢ်အံၣ်စရ့လးအဂီၢ်န့ၣ်လီၤ.

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

လံာ်စီၤယိၤဘး 2:8

ဒီးစီၤယိၤဘးဟံးန့ၢ်သပၢၤက့ဒ်သိးအကဝာ်အသး, ဒီးဆ့ၣ်နီၤလၢဖၣ်ဆါအကျါလီၤ.

စံးထီၣ်ပတြၢၤ 102:25

လၢပျၢၤန့ၣ်နတ့ဟီၣ်ခိၣ်ဒီးလၢနစုဒၣ်နဲန့ၣ် နဒုးကဲထီၣ်မူခိၣ်လီၤ.

စံးထီၣ်ပတြၢၤ 104:5

နပာ်လီၤဂၢၢ်ကျၢၤဟီၣ်ခိၣ်လၢ အခီၣ်ထံးတဖၣ်အဖီခိၣ် ဒ်သိးအသုတဟူးတဝးဘၣ်နီတဘျီတဂ့ၤန့ၣ်လီၤ.

စံးထီၣ်ပတြၢၤ 107:41

မ့မ့ၢ်ပှၤလၢအလိၣ်ဘၣ်တၢ်မၤစၢၤန့ၣ် ပာ်ထီၣ်ထီဝဲလၢအတၢ်နးတၢ်ဖှီၣ်အပူၤ ဒီးဒုးအါထီၣ်အဒူၣ်ဖိထၢဖိတဖၣ် ဒ်သိအဖုတဖၣ်အသိးန့ၣ်လီၤ.

စံးထီၣ်ပတြၢၤ 24:2

အဂ့ၢ်ဒ်အံၤ, ပာ်လီၤဝဲအခီၣ်ထံးလၢထံယိာ်ပူၤလၢဟီၣ်ခိၣ် အဖီလာ်, ဒီးဒုးအိၣ်ဂၢၢ်ဆိးကျၢၤအီၤလၢ ပီၣ်လဲၣ်အတၢ်ဃိာ်အပူၤန့ၣ်လီၤ.

စံးထီၣ်ပတြၢၤ 75:3

တၢ်လၢအမူဝဲခဲလၢာ်မ့ၢ်ကနိးကစုာ်, ဒီးဟီၣ်ခိၣ်ဒၣ်လဲာ်မ့ၢ်ဟူးဝးဝဲဘၣ်ဆၣ်, ယကမၤဂၢၢ်ကျၢၤအခီၣ်ထံးတဖၣ်န့ၣ်လီၤ. စ့လၤ

စံးထီၣ်ပတြၢၤ 75:4

ယစံးဘၣ်ပှၤအၢပှၤသီတဖၣ်လၢ အသုတပာ်ကဖိအသးလၢၤတဂ့ၤ

စံးထီၣ်ပတြၢၤ 75:7

မ့မ့ၢ်ကစၢ်ယွၤမ့ၢ်ပှၤလၢအစံၣ်ညီၣ်တၢ်, စံၣ်ညီၣ်ပှၤတနီၤဒီးမၤပူၤဖျဲးပှၤအဂၤတနီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:14

ဘၣ်ဆၣ်ဒီး, လၢအဝဲအသးပှၢ်ထီၣ်အဆၢကတီၢ်န့ၣ်, အဝဲမ့ၢ်မၢးတုၤဒၣ်လဲာ်တတူၢ်လိာ်တၢ်ဟ့ၣ်ကူၣ်ဟ့ၣ်ဖးဘၣ်ဒီး, အဝဲတဂ့ၤထဲသိးဒီးပှၤသးစၢ်တဂၤလၢအဖှီၣ်ဝဲဘၣ်ဆၣ်အိၣ်ဒီး တၢ်ကူၣ်တၢ်ဆးန့ၣ်ဘၣ်.

လံာ်ယၡါယၤ 22:23

ယကစၢတံၢ်အီၤဂၢၢ်ဂၢၢ်ကျၢၤကျၢၤလၢအလီၢ်ဒ်နီၣ်ခိၣ်စူ တဘိအသိး, ဒီးအဝဲကမ့ၢ်တၢ်လၤကပီၤအဂ့ၢ်မိၢ်ပှၢ်လၢ အဒူၣ်ထၢဒီဒူၣ်အဂီၢ်လီၤ.

လံာ်ဒၤနံးယ့လး 2:48

အန့ၣ်ဝံၤဒီးစီၤပၤဟ့ၣ်လီၤစီၤဒၤနံးယ့လးလၢတၢ်လၤကပီၤဖး ဒိၣ်ဒီးခိၣ်ဖးအါအါကလဲာ်, ဒီးဒုးကဲထီၣ်အီၤလၢကီၢ်ဘၤဘူၤ လိၣ်ဒီကီၢ်ညါအကိတိာ်ခိၣ်ကျၢၢ်ဒီးပှၤအခိၣ်အဒိၣ်ကတၢၢ်လၢ စီၤပၤအပှၤဟ့ၣ်ကူၣ်တၢ်ခဲလၢာ်အဖီခိၣ်န့ၣ်လီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 6:3

တယံာ်ဘၣ်ဒီးစီၤဒၤနံးယ့လးအိၣ်ဖျါထီၣ်ဝဲလၢအမၤတၢ်သ့ ဂ့ၤန့ၢ်ဒံးပှၤပၢဆှၢအံးကွၢ်တၢ်အဂၤတဖၣ်ဒီးပဒိၣ်ဖးဒိၣ်တဖၣ် န့ၣ်လီၤ. မ့ၢ်လၢအဝဲဒၣ်ဖျိးစိအဃိ, စီၤပၤပာ်သူၣ်ပာ်သးတ့ၢ် ဒ်သိးကပာ်ထီၣ်အီၤလၢဘီမုၢ်ဒီဘ့ၣ်ညါအဖီခိၣ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:17

စီၤၡမူအ့လးစံးဆၢဝဲ, “နမ့ၢ်ဆိကမိၣ်လီၤနသးလၢနတမ့ၢ်တၢ် အကါဒိးနီတမံၤဒၣ်လဲာ်န့ၣ်, နမ့ၢ်ပှၤအံၣ်စရ့လးဖိအဒူၣ်တဖၣ်အခိၣ်လီၤ. ယွၤဖှူနၤဒ်ကီၢ်အံၣ်စရ့လးအစီၤပၤတဂၤအသိးလီၤ.