လံာ်စီၤၡမူၤအ့လးအခီၣ်ထံးတဘ့ၣ် 2:36 - Sgaw Karen Common Bible

³⁶ နစၢၤနသွဲၣ်တဂၤလၢ်လၢ်လၢအအိၣ်မူတ့ၢ်ဝဲန့ၣ်ကဘၣ်လဲၤဆူပှၤလုၢ် တၢ်အခိၣ်ဖဲန့ၣ်အအိၣ်ဒီးဃ့အီၤတိၢ်ဒီးတၢ်အီၣ်တၢ်အီ ဒီးဃ့ကညးအီၤလၢအကပျဲအမၤစၢၤ ပှၤလုၢ်တၢ်အခိၣ်တဖၣ်ဒ်သိးအကအီၣ်ဘၣ်တၢ်အီၣ်တမံၤမံၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:36 Iomraidhean Croise

လံာ်စီၤပၤအခီၣ်ထံးတဘ့ၣ် 2:27

အန့ၣ်ဒီးစီၤၡလိၤမိၤဒုးဟးထီၣ်ကွံာ်စီၤအ့ဘယၤသၢ်လၢတၢ်မၤ တၢ်ဒ်ယွၤအပှၤလုၢ်တၢ်အခိၣ်တဂၤအသိး, သတးဒီးအဝဲ မၤလၢထီၣ်ပှဲၤထီၣ်တၢ်လၢယွၤစံးတ့ၢ်ဝဲဖဲဝ့ၢ်ၡံလိၤဘၣ်ထွဲ ဒီးပှၤလုၢ်တၢ်အခိၣ်စီၤဧ့လံၤဒီးအစၢၤအသွဲၣ်တဖၣ်အဂ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:9

ပှၤလုၢ်တၢ်အခိၣ်တဖၣ်အံၤတၢ်တပျဲအမၤတၢ်လၢယွၤအတၢ်လုၢ်ဟံၣ် အပူၤဘၣ်. ဘၣ်ဆၣ်အဝဲသ့ၣ်အီၣ်ကိၣ်တအိၣ်ဘၣ်ဒီးကိၣ်မံၣ်လၢအဘၣ်တၢ်ဟ့ၣ်လီၤ ဆူအဝဲသ့ၣ်အပှၤလုၢ်တၢ်အခိၣ်ကဒဲကဒဲ, သ့ဝဲန့ၣ်လီၤ.

တၢ်ကတိၤဒိ. 14:19

ပှၤအၢပှၤသီတဖၣ်ကဘၣ်သကူးလီၤအသးလၢပှၤတီပှၤလိၤ အမဲာ်ညါဒီးလၢတၢ်ဆီၣ်လီၤသးအပူၤဃ့ကညးအဝဲသ့ၣ် အတၢ်ကွၢ်မဲာ်န့ၣ်လီၤ.

လံာ်မၤလကံ 1:13

သုစံး, ‘တၢ်ဘှံးပသးလၢတၢ်တဖၣ်အံၤအဃိဒိၣ်မးလဲၣ်,’ ဒီးသုတပာ်ကဲဘၣ်ယၤဘၣ်. သုဟဲစိာ်ဆၣ်ဖိကီၢ်ဖိလၢသုဟုၣ် န့ၢ်အီၤမ့ၢ်ဂ့ၤ, ဘၣ်ဆူးဘၣ်ဆါမ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ ဆူယအိၣ်လီၤ. မ့ၢ်သုဆိကမိၣ်လၢယကတူၢ်လိာ်တၢ်ဒ်န့ၣ် အသိးလၢသုအိၣ်ဧါ.

လံာ်ပှၤစံၣ်ညီၣ်ကွီၢ် 17:10

ဒီးစီၤမံၤကါစံး, “အိၣ်ဒီးယၤတက့ၢ်. ကဲနဲပှၤဟ့ၣ်ကူၣ်ဟ့ၣ်ဖးတၢ် ဒီးပှၤလုၢ်တၢ်အခိၣ်လၢယဂီၢ်ဒီးယကဟ့ၣ်နၤစ့နီၢ် တနံၣ်အဘ့ၣ်တဆံ, တၢ်ကူတၢ်သိးတနီၤဒီးတၢ်အီၣ်တၢ်အီလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:1

လၢမုၢ်နံၤတဖၣ်အပူၤ, ဖဲဖိသၣ်စီၤၡမူၤအ့လးမၤယွၤအတၢ်မၤ လၢစီၤဧ့လံၤအတၢ်နဲၣ်ကျဲအဖီလာ်အခါန့ၣ်, တၢ်ကစီၣ်ဟဲလၢယွၤစှၤဒိၣ်မးလီၤ. ဒီးတၢ်ထံၣ်လၢညါခီတဖၣ် လၢအဟဲလၢအအိၣ်န့ၣ်ကၤဒိၣ်မးလီၤ.