လံာ်စီၤၡမူၤအ့လးအခီၣ်ထံးတဘ့ၣ် 2:35 - Sgaw Karen Common Bible

³⁵ ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:35 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:11

ဘၣ်ဆၣ်ဒီးတၢ်အံၤတမၤကဒီးအသးလၢၤဘၣ်. ယအၢၣ်လီၤအီၤလီၤလၢယကကဟုကယာ်နၤလၢနဒုၣ်နဒါခဲလၢာ်, ဒီးဟ့ၣ်လီၤနၤလၢနစၢၤနသွဲၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:27

သ့တၢ်လၢာ်ကစၢ်, အံၣ်စရ့လးအကစၢ်ယွၤဧၢ, ယအိၣ်ဒီးတၢ်သးဒူလၢယကဘါထုကဖၣ်တၢ်ထုကဖၣ်အဝဲအံၤဆူနအိၣ်လီၤ. အဂ့ၢ်ဒ်အံၤ, နလီၣ်ဖျါထီၣ်တ့ၢ်တၢ်ခဲလၢာ်အံၤဆူယၤ, နခ့နပှၤ, ဒီးနတဲဘၣ်တ့ၢ်ယၤလၢနကဒုးကဲထီၣ်ယစၢၤယသွဲၣ်တဖၣ် လၢစီၤပၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:45

ဒီးစီၤစၤဒိးဒီးစီၤနၤသၣ်ဖှူအီၤဒ်စီၤပၤအသိးဖဲကံဃိၣ် အထံထီၣ်ပၢၢ်န့ၣ်လီၤ. အန့ၣ်ဝံၤအဝဲသ့ၣ်လဲၤဆူဝ့ၢ်ပူၤ, ကိးထီၣ်လၢတၢ်သးခုဒီး, ပှၤဂီၢ်မုၢ်သ့ၣ်တဖၣ်ခဲကနံၣ်အံၤ, သီၣ်တထူၣ်ဘးလီန့ၣ်လီၤ. တၢ်အသီၣ်န့ၣ်, မ့ၢ်တၢ်လၢနနၢ်ဟူတ့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:8

မ့မ့ၢ်ပှၤလုၢ်တၢ်အခိၣ်စီၤစၤဒိး, စီၤဘနါယၤလၢအမ့ၢ်စီၤ ယဟိၤယဒါအဖိခွါ, ဝံနၤသၣ်, စီၤၡံမံၤ, စီၤရ့ဧံၤဒီးစီၤဒၤဝံးအပှၤခိးအသးသမူသ့ၣ်တဖၣ်တအိၣ်လၢ စီၤအဒိနံၤယၤအအိၣ်တကပၤဘၣ်.

လံာ်စီၤပၤအခီၣ်ထံးတဘ့ၣ် 11:38

နမ့ၢ်စူၢ်ယၤလၢလၢပှဲၤပှဲၤ, အိၣ်မူလၢယတၢ်သိၣ်တၢ်သီ တဖၣ်အပူၤဒီးမၤန့ၢ်ယတၢ်ဘၣ်သူၣ်ဘၣ်သးနၤခီဖျိမၤတၢ်လၢယမၤ လိာ်နၤ, ဒ်ယခ့ယပှၤစီၤဒၤဝံးမၤတ့ၢ်ဝဲအသိးန့ၣ်ဒီးယကအိၣ်ဒီးနၤထီ ဘိန့ၣ်လီၤ. ယကဒုးကဲထီၣ်နၤလၢကီၢ်အံၣ်စရ့လးအစီပၤ, ဒီးသပှၢ်ကတၢၢ်နစၢၤနသွဲၣ်တဖၣ်ကပၢဘၣ်တၢ်လၢနလီၢ်ခံ, ဒ်ယမၤတ့ၢ်တၢ်လၢစီၤဒၤဝံးအဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:35

စီၤပၤဒုးကဲထီၣ်စီၤဘနါယၤလၢပှၤသုးမုၢ်အသုးခိၣ်ကျၢၢ်လၢ စီၤယိၤအာ်အလီၢ်, ဒီးပာ်စီၤစၤဒိးလၢပှၤလုၢ်တၢ်အခိၣ်, လၢစီၤအ့ဘယၤသၢ်အလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

စံးထီၣ်ပတြၢၤ 18:50

ကစၢ်ယွၤဟ့ၣ်တၢ်မၤနၢၤဖးဒိၣ်တဖၣ်လၢအစီၤပၤ, ပာ်ဖျါထီၣ်အတၢ်အဲၣ်ဂၢၢ်ကျၢၤဆူ အပှၤဒိးဖှူအသး, ဆူစီၤဒၤဝံးဒီးအစၢၤအသွဲၣ်တဖၣ် ထီဘိတဘိယူၢ်ဃီန့ၣ်လီၤ.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 1:21

ဒီးမ့ၢ်လၢပှၤကွၢ်ပဟုးတဖၣ်ပျံၤကစၢ်ယွၤအဃိ, ကစၢ်ယွၤဟ့ၣ်အီၤလၢအဟံၣ်ဖိဃီဖိဒၣ်ဝဲစုာ်စုာ်လီၤ.

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်တၢ်ဂံၢ် 25:13

အဝဲဒီးအစၢၤအသွဲၣ်တဖၣ်န့ၣ်ဘၣ်တၢ်ဒုးကဲထီၣ်ဒီးပာ်ဂၢၢ်ပာ် ကျၢၤအီၤဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီလီၤ. အဂ့ၢ်ဒ်အံၤ, အဝဲဝံသးစူၤပှၤလၢအပြၢတၢ်ထီဒါယၤတကဲ နီတဂၤဘၣ်ဒီးဒုးလီၤဘၣ်တၢ်ပျၢ်တၢ်ဒဲးဘးလၢပှၤဂီၢ်မုၢ်အတၢ် ဒဲးဘးအဂီၢ်လီၤ.”

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:10

ဖဲစီၤစီလူးဒီးအကုၢ်လဲၤတုၤဆူဝ့ၢ်ကံးဘဧၤန့ၣ်, ဝံတဖုဟဲသဂၢၢ်အီၤန့ၣ်လီၤ. သတူၢ်ကလာ်န့ၣ်ကစၢ်ယွၤအသးပၢၤဃာ် အီၤဒီးအဝဲနုာ်လီၤဆူဝံတဖၣ်အတၢ်ဘူၣ်တၢ်ဘါအတၢ်ဂဲၤကလံာ်ဒီး တၢ်ကိးပသူန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:9

ဖဲစီၤစီလူးဃၣ်အသးလၢကဟးထီၣ်လၢစီၤၡမူၤအ့လးအအိၣ်ဒီး ကစၢ်ယွၤဟ့ၣ်စီၤစီလူးအသးအသီတကလုာ်လီၤ. ဒီးတၢ်ကိးမံၤဒဲးလၢစီၤၡမူၤအ့လးစံးတ့ၢ်အီၤန့ၣ်မၤအသး လၢမုၢ်တနံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:3

ကွၢ်ကွၢ်, ယၤလီၤ. ယမ့ၢ်မၤတ့ၢ်တၢ်ကမၣ်တမံၤမံၤဒီး, ဆှိးထီၣ်ယၤခဲအံၤလၢယွၤဒီးစီၤပၤလၢအဝဲဃုထီၣ်အီၤအမဲာ် ညါတက့ၢ်. မ့ၢ်ယဟံးန့ၣ်ပှၤတဂၤဂၤအဂီၤဖံးမိၢ်ဒီးပှၤတဂၤဂၤအကသ့ၣ်ယီၤဧါ. မ့ၢ်ယလီတၢ်ဒီးမၤနးမၤဖှီၣ်ပှၤတဂၤဂၤဧါ. မ့ၢ်ယတူၢ်လိာ်ခိၣ်ဖးလာ်ဆှိးလၢပှၤတဂၤဂၤအအိၣ်ဧါ. ယမ့ၢ်မၤတ့ၢ်တၢ်တမံၤမံၤလၢတၢ်တဖၣ်အံၤအကျါန့ၣ်ယကလိးက့ၤတၢ် လၢယဟံးန့ၢ်တ့ၢ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:36

နစၢၤနသွဲၣ်တဂၤလၢ်လၢ်လၢအအိၣ်မူတ့ၢ်ဝဲန့ၣ်ကဘၣ်လဲၤဆူပှၤလုၢ် တၢ်အခိၣ်ဖဲန့ၣ်အအိၣ်ဒီးဃ့အီၤတိၢ်ဒီးတၢ်အီၣ်တၢ်အီ ဒီးဃ့ကညးအီၤလၢအကပျဲအမၤစၢၤ ပှၤလုၢ်တၢ်အခိၣ်တဖၣ်ဒ်သိးအကအီၣ်ဘၣ်တၢ်အီၣ်တမံၤမံၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:1

လၢမုၢ်နံၤတဖၣ်အပူၤ, ဖဲဖိသၣ်စီၤၡမူၤအ့လးမၤယွၤအတၢ်မၤ လၢစီၤဧ့လံၤအတၢ်နဲၣ်ကျဲအဖီလာ်အခါန့ၣ်, တၢ်ကစီၣ်ဟဲလၢယွၤစှၤဒိၣ်မးလီၤ. ဒီးတၢ်ထံၣ်လၢညါခီတဖၣ် လၢအဟဲလၢအအိၣ်န့ၣ်ကၤဒိၣ်မးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:9

စီၤၡမူၤအ့လးမၤသံသိဖိတဒုဒီးဆူးကဲၤထီၣ်အီၤဒီဒု ဒ်တၢ်လုၢ်တၢ်ပာ်တမံၤဆူယွၤအအိၣ်လီၤ. အန့ၣ်ဝံၤဒီးအဝဲဘါထုကဖၣ်တၢ်ဆူယွၤအအိၣ်ဒ်သိးအကမၤစၢၤကီၢ်အံၣ်စရ့လး, ဒီးယွၤစံးဆၢအဝဲအတၢ်ထုကဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:12

ပိာ်မုၣ်ဖိတဖၣ်စံးဝဲ, “မ့ၢ်, အိၣ်ဝဲဒၣ်လီၤ. နီၢ်နီၢ်န့ၣ်အဝဲအိၣ်ဒၣ်ဖဲသုမဲာ်ညါတစဲးန့ၣ်လီၤ. သုမ့ၢ်လဲၤချ့ချ့ဒီးသုကချုးန့ၢ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:13

သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”