လံာ်စီၤၡမူၤအ့လးအခီၣ်ထံးတဘ့ၣ် 2:34 - Sgaw Karen Common Bible

³⁴ ဖဲနဖိခွါခံဂၤ, စီၤဃၤဖနံဒီးစီၤဖံၤနဃၣ်သံဝဲလၢတနံၤ ဃီအတီၢ်ပူၤန့ၣ်, တၢ်အံၤကဒုးနဲၣ်နၤလၢတၢ်ကိးမံၤဒဲးလၢယတဲ တ့ၢ်န့ၣ်မ့ၢ်ဝဲတီဝဲအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:34 Iomraidhean Croise

လံာ်စီၤပၤအခီၣ်ထံးတဘ့ၣ် 13:3

ဒီးဝံစံးအါထီၣ်ကဒီးဝဲ, “တၢ်လုၢ်လီၢ်အံၤကလီၤပှီၢ်ကွံာ်ဝဲ, ဒီးချါတဖၣ်လၢအအိၣ်လၢအဖီခိၣ်န့ၣ်ကလီၤပြံလီၤပြါကွံာ်ဝဲ ဒၣ်န့ၣ်လီၤ. တုၤနုၤတစု, နကသ့ၣ်ညါလၢယွၤကတိၤတၢ်ခီဖျိယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 14:12

ဒီးစီၤအဃံယၤစံးဘၣ်အါထီၣ်ကဒီးစီၤယၤရၤဘၣ်အမါ, “ခဲကနံၣ်အံၤက့ၤကဒါက့ၤဆူဟံၣ်တက့ၢ်. တစုဃီဖဲနနုာ်လီၤဆူဝ့ၢ်ပူၤန့ၣ်နဖိခွါကသံဝဲန့ၣ်လီၤ.

လံာ်လူၤကၣ် 2:12

ဒီးတၢ်လၢအကဟ့ၣ်သုတၢ်အုၣ်အသးလၢအဂ့ၢ်န့ၣ်မ့ၢ်အအံၤလီၤ. သုကထံၣ်န့ၢ်ဖိသၣ်တဂၤဘၣ်တၢ်ဘိၣ်ဘံဃာ်အီၤလၢတၢ်ကံး ယာ်ဒီးအိၣ်မံလီၤလၢကျီၢ်အီၣ်ဆၣ်အကျိးပူၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:7

ဖဲတၢ်တဖၣ်အံၤမၤအသးန့ၣ်, မၤဒ်ကယဲၢ်တၢ်လၢကစၢ်ယွၤဆှၢနၤလၢ နကမၤအီၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:33

သနာ်က့ဒီးယကပာ်တ့ၢ်ဒုးမူပှၤလီၤစၢၤလီၤသွဲၣ်လၢနၤတဖၣ် အကျါတဂၤလီၤ. အဝဲကမၤယတၢ်မၤဒ်ပှၤလုၢ်တၢ်အခိၣ်တဂၤအသိးလီၤ. ဘၣ်ဆၣ်ဒီးအဝဲဒၣ်အမဲာ်ကဘျီၣ်ဒီးအတၢ်မုၢ်လၢ်ခဲလၢာ်ကလီၤမၢ်ကွံာ် ဒီးကယဲၢ်နစၢၤနသွဲၣ်အဂၤခဲလၢာ်ကသံလၢတၢ်သံဆူၣ်သံစိး တမံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:12

လၢမုၢ်နံၤအဝဲန့ၣ်န့ၣ်ယကမၤကဲထီၣ်ကယဲၢ်တၢ်လၢယကတိၤထီဒါ တ့ၢ်စီၤဧ့လံၤအဟံၣ်ဖိဃီဖိ, စးထီၣ်လၢအခီၣ်ထံးတုၤလၢ အကတၢၢ်တစုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:11

ကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်မၤန့ၢ်အီၤ ဒီးစီၤဧ့လံၤအဖိခွါခံဂၤ, စီၤဃၤဖနံဒီးစီၤဖံနဃၣ်ခံဂၤလိာ်ဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:17

ပှၤစိာ်တၢ်ကစီၣ်စံးဆၢဝဲ, “ပှၤအံၣ်စရ့လးဖိဃ့ၢ်ကွံာ်လၢပှၤဖလ့ၡသးဖိအအိၣ်လံ. မ့ၢ်တၢ်မၤနၢၤကွံာ်ပှၤလီၤပျံၤလီၤဖုးလီၤ. လၢန့ၣ်အမဲာ်ညါန့ၣ်နဖိခွါစီၤဃၤဖနံဒီးစီၤဖံနဃၣ်တဖၣ်ဘၣ် တၢ်မၤသံအီၤဒီးကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ် ဘၣ်တၢ်မၤန့ၢ်အီၤလံ.”

လံာ်စီၤၡမူၤအ့လးအခီၣ်ထံးတဘ့ၣ် 4:21

ပိာ်မုၣ်န့ၣ်ယုၢ်အဖိအမံၤလၢစီၤအံကဘိး, အခီပညီမ့ၢ်ဝဲ, “ကစၢ်ယွၤအလၤကပီၤပာ်တ့ၢ်ကွံာ်ကီၢ်အံၣ်စရ့လးလီၤ.” မ့ၢ်တၢ်ဒုးနဲၣ်လၢတၢ်မၤန့ၢ်ယွၤအတၢ်အၢၣ်လီၤအီလီၤအတလါစီ ဆှံဒီးအမံၤပှၢ်ဒီးအဝၤအတၢ်သံန့ၣ်အပနီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:22

အဝဲဒၣ်စံးဝဲ, “ကစၢ်ယွၤအလၤကပီၤပာ်တ့ၢ်ကွံာ်ကီၢ်အံၣ်စရ့လးလံ. အဂ့ၢ်ဒ်အံၤကစၢ်ယွၤအတၢ်အၢၣ်လီၤအီလီၤအတလါ စီဆှံဘၣ်တၢ်မၤန့ၢ်အီၤလံ.”