လံာ်စီၤၡမူၤအ့လးအခီၣ်ထံးတဘ့ၣ် 2:33 - Sgaw Karen Common Bible

³³ သနာ်က့ဒီးယကပာ်တ့ၢ်ဒုးမူပှၤလီၤစၢၤလီၤသွဲၣ်လၢနၤတဖၣ် အကျါတဂၤလီၤ. အဝဲကမၤယတၢ်မၤဒ်ပှၤလုၢ်တၢ်အခိၣ်တဂၤအသိးလီၤ. ဘၣ်ဆၣ်ဒီးအဝဲဒၣ်အမဲာ်ကဘျီၣ်ဒီးအတၢ်မုၢ်လၢ်ခဲလၢာ်ကလီၤမၢ်ကွံာ် ဒီးကယဲၢ်နစၢၤနသွဲၣ်အဂၤခဲလၢာ်ကသံလၢတၢ်သံဆူၣ်သံစိး တမံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:33 Iomraidhean Croise

လံာ်စီၤပၤအခီၣ်ထံးတဘ့ၣ် 1:19

အဝဲလုၢ်ထီၣ်တ့ၢ်လံတၢ်လုၢ်တၢ်ပာ်လၢအမ့ၢ်ဂီၤဖံးဖါတဖၣ်, သိ, ဂီၤဖံးဖိလၢအဘီၣ်အါအါကလဲာ်, ဒီးအဝဲကွဲဝဲနဖိခွါတ ဖၣ်, ဒီးပှၤလုၢ်တၢ်အခိၣ်စီၤအ့ဘယၤသၢ်, ဒီးနပှၤသုးမုၢ်အခိၣ်စီၤယိၤအာ်ဆူတၢ်အီၣ်အမူး, ဘၣ်ဆၣ်အဝဲတကွဲနဖိခွါစီၤၡလိၤမိၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 1:7

အဝဲကတိၤတၢ်ဒီးစီၤယိၤအာ်လၢအမ့ၢ်နီၢ်စရူၤယၤအဖိခွါ, ဒီးပှၤလုၢ်တၢ်အခိၣ်စီၤအ့ဘယၤသၢ်ဘၣ်ထွဲဒီးတၢ်ဂ့ၢ်န့ၣ်, ဒီးအဝဲသ့ၣ်ဘၣ်သူၣ်ဘၣ်သးလၢကမၤစၢၤအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:16

ယကစံၣ်ညီၣ်သုလီၤ. ယကဟဲစိာ်တၢ်နးတၢ်ဖှီၣ်လၢသုလိၤဒ်တၢ်ဆါလၢအဘျါတသ့, တၢ်လိၤကိၢ်လၢအကမၤဘျီၣ်သုမဲာ်, ဒီးဟံးထီၣ်ကွံာ်သုသးသမူန့ၣ်လီၤ. သုကသူၣ်လီၤဖျးလီၤဘုဧိၤဟုဧိၤဘၣ်ဆၣ်ကကဲထီၣ်တၢ်ကလီကလီလီၤ. အဂ့ၢ်ဒ်အံၤ, သုဒုၣ်သုဒါကမၤနၢၤသုဒီးအီၣ်ကွံာ်တၢ်လၢသုသူၣ်လီၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:32

နကသူၣ်ကိၢ်သးဂီၤဒီးကွၢ်တၢ်လၢတၢ်သးကါဘၣ်ပှၤအဂၤလၢယပာ်တၢ်ဆိၣ်ဂ့ၤတဖၣ် လၢအလိၤလၢကီၢ်အံၣ်စရ့လးအပူၤလီၤ. မ့မ့ၢ်လၢနဟံၣ်ဖိဃီဖိအပူၤန့ၣ်ပှၤကအိၣ်မူဘၣ်ကဒီးတုၤအသး ပှၢ်ထီၣ်န့ၣ်တအိၣ်ဘၣ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:34

ဖဲနဖိခွါခံဂၤ, စီၤဃၤဖနံဒီးစီၤဖံၤနဃၣ်သံဝဲလၢတနံၤ ဃီအတီၢ်ပူၤန့ၣ်, တၢ်အံၤကဒုးနဲၣ်နၤလၢတၢ်ကိးမံၤဒဲးလၢယတဲ တ့ၢ်န့ၣ်မ့ၢ်ဝဲတီဝဲအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:18

မၤသးဒ်န့ၣ်ဒီး, စီၤစီလူးစံးဘၣ်စီၤဒိအ့း, “မၤသံကွံာ်အဝဲသ့ၣ်တဖၣ်, နဲဒၣ်တက့ၢ်.” ဒီးစီၤဒိအ့းမၤသံကွံာ်အဝဲသ့ၣ်ခဲလၢာ်လီၤ. လၢမုၢ်နံၤအဝဲန့ၣ်အပူၤ, အဝဲမၤသံကွံာ်ပှၤလုၢ်တၢ်အခိၣ်တဖၣ်လၢအထီၣ်ဘးဝဲလၢ ကသိးအ့ဖိးတဖၣ်န့ၣ်ခဲလၢာ်ဃိးဆံယဲၢ်ဂၤန့ၣ်လီၤ.