လံာ်စီၤၡမူၤအ့လးအခီၣ်ထံးတဘ့ၣ် 2:31 - Sgaw Karen Common Bible

³¹ ဒိကနၣ်တက့ၢ်. တၢ်ဆၢကတီၢ်လၢယကမၤသံကွံာ်ပှၤသးစၢ်တဖၣ်လၢ နဟံၣ်ဖိဃီဖိ, နဒူၣ်ဖိထၢဖိအပူၤန့ၣ်ဟဲတုၤလံ. မၤသးဒ်န့ၣ်ဒီး, လၢနဒူၣ်ဖိထၢဖိအကျါန့ၣ်ပှၤကအိၣ်မူတုၤအသး ပှၢ်န့ၣ်တအိၣ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:31 Iomraidhean Croise

လံာ်စီၤပၤအခီၣ်ထံးတဘ့ၣ် 2:35

စီၤပၤဒုးကဲထီၣ်စီၤဘနါယၤလၢပှၤသုးမုၢ်အသုးခိၣ်ကျၢၢ်လၢ စီၤယိၤအာ်အလီၢ်, ဒီးပာ်စီၤစၤဒိးလၢပှၤလုၢ်တၢ်အခိၣ်, လၢစီၤအ့ဘယၤသၢ်အလီၢ်န့ၣ်လီၤ.

လံာ်စီၤယိၤဘး 22:9

နဒုးဟးကွံာ်မုၣ်ကမဲတဖၣ်အိၣ်ထဲစုယၢ်ခီ, ဒီးနဂုာ်ဆူၣ်ပျီဆူၣ်ပှၤဖိၣ်ဃဲတဖၣ်ဒီးပျဲအစုကၢ်ခီၣ်ကၢ်န့ၣ်လီၤ.

စံးထီၣ်ပတြၢၤ 37:17

အဂ့ၢ်ဒ်အံၤ, ယွၤကဟံးထီၣ်ကွံာ်ပှၤအၢပှၤသီအဂံၢ်အဘါ, ဘၣ်ဆၣ်မၤစၢၤပှၤအဂ့ၤအဝါန့ၣ်လီၤ.

လံာ်ယဃ့းစက့လး 44:10

ယွၤစံးဘၣ်ယၤ, “ယစံၣ်ညီၣ်ပှၤလ့ၤဝံဖိတဖၣ်န့ၣ်လၢအဟးသဒၣ် ကွံာ်ယၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဃုာ်ဒီး ကီၢ်အံၣ်စရ့လးအပှၤဂီၢ်မုၢ်အဂၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:3

(ပှၤလုၢ်တၢ်အခိၣ်လၢသိးဝဲဒီးအ့ဖိးန့ၣ်မ့ၢ်ဝဲယွၤအပှၤလုၢ် တၢ်အခိၣ်လၢဝ့ၢ်ၡံလိၤအပူၤ, စီၤဧ့လံၤအလံၤခွါဒီးစီၤအဃံးတူာ်အဒီပုၢ်ဝဲၢ်စီၤအံကဘိး အဖိခွါစီၤအဃံယၤန့ၣ်လီၤ.) စီၤယိနၤသၣ်ဟးထီၣ်န့ၣ်ပှၤတဖၣ်တသ့ၣ်ညါဘၣ်ဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 3:12

လၢမုၢ်နံၤအဝဲန့ၣ်န့ၣ်ယကမၤကဲထီၣ်ကယဲၢ်တၢ်လၢယကတိၤထီဒါ တ့ၢ်စီၤဧ့လံၤအဟံၣ်ဖိဃီဖိ, စးထီၣ်လၢအခီၣ်ထံးတုၤလၢ အကတၢၢ်တစုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:2

ပှၤဖလ့ၡသးဖိတဖၣ်ဒုးတၢ်ဒီးတၢ်ဒုးဆူၣ်ဝဲဝံၤအလီၢ်ခံအဝဲ သ့ၣ်မၤနၢၤကွံာ်ပှၤအံၣ်စရ့လးဖိတဖၣ်ဒီးမၤသံကွံာ်ပှၤလွံၢ် ကထိလၢတၢ်ဒုးပျီပူၤန့ၣ်လီၤ.