လံာ်စီၤၡမူၤအ့လးအခီၣ်ထံးတဘ့ၣ် 2:29 - Sgaw Karen Common Bible

²⁹ မၤသးဒ်န့ၣ်ဒီး, ဘၣ်မနုၤအဃိသုကွၢ်ဃီၤတၢ်လုၢ်တၢ်ပာ်တဖၣ်ဒီး တၢ်လုၢ်မၤဘူၣ်တဖၣ်လၢယဃ့အီၤလၢယပှၤဂီၢ်မုၢ်အအိၣ်န့ၣ် လၢတၢ်သူၣ်လီသးကွံအပူၤန့ၣ်လဲၣ်. စီၤဧ့လံၤဧၢ, နမၤလၤကပီၤနဖိခွါတဖၣ်ဒိၣ်န့ၢ်အါန့ၢ်ယၤခီဖျိနပျဲ အဝဲသ့ၣ်မၤဘီၣ်ထီၣ်အသးလၢတၢ်အဂ့ၤကတၢၢ်တဖၣ်လၢတၢ်လုၢ်တၢ် ပာ်လၢယပှၤဂီၢ်မုၢ်မၤဘူၣ်ဆူယအိၣ်န့ၣ်မ့ၢ်အဘၣ်မနုၤလဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:29 Iomraidhean Croise

လံာ်စီၤပၤခံဘ့ၣ်တဘ့ၣ် 12:6

ဘၣ်ဆၣ်တုၤလီၤလၢစီၤယိၤအၣ်ပၢတၢ်ခံဆံသၢနံၣ်ဒၣ်လဲာ်န့ၣ်ပှၤ လုၢ်တၢ်အခိၣ်တဖၣ်တမၤဂ့ၤထီၣ်က့ၤဘၣ်ဒံးယွၤအတၢ်လုၢ်ဟံၣ်နီ တစဲးဘၣ်န့ၣ်လီၤ.

စံးထီၣ်ပတြၢၤ 26:8

ယွၤဧၢ, ယအဲၣ်ဟံၣ်လၢနအိၣ်နဆိး, တၢ်လီၢ်လၢနလၤကပီၤအိၣ်ဝဲအလီၢ်န့ၣ်လီၤ.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.

လံာ်ဟိၤၡ့ 4:8

သုကဲဒိၣ်ထီၣ်လၢယပှၤဂီၢ်မုၢ်အတၢ်ဒဲးဘးတဖၣ်အဃိ, ဒီးလၢတၢ်န့ၣ်အဃိသုအဲၣ်ဒိးလၢအဝဲသ့ၣ်ကမၤတၢ်ဒဲးဘးအါထီၣ်အါ ထီၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:15

လၢတၢ်စံၣ်ညီၣ်အပူၤန့ၣ်မၤတၢ်တတီတလိၤတဂ့ၤ. ကွၢ်မဲာ်ပှၤဖှီၣ်ဖိဒီးပျံၤပှၤထူးပှၤတီၤတဂ့ၤ. သုဘၣ်စံၣ်ညီၣ်ပှၤလၢသုဃၢၤတီတီလိၤလိၤလီၤ.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 33:9

အဝဲသ့ၣ်ဒုးနဲၣ်အတၢ်သးတီဒိၣ်ထီၣ်ဒီးနၤဒိၣ်န့ၢ်ဒံးအတၢ်သးတီဒီးအမိၢ်အပၢ်တဖၣ်, အဒီပုၢ်ဝဲၢ်ခွါတဖၣ်ဒီးအဖိတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စူၢ်တ့ၢ်နတၢ်မၤလိာ်တဖၣ်, ဒီးအိၣ်ဒီးတၢ်သူၣ်တီသးရၤဒီးနတၢ်အၢၣ်လီၤအီလီၤန့ၣ်လီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.