လံာ်စီၤၡမူၤအ့လးအခီၣ်ထံးတဘ့ၣ် 2:28 - Sgaw Karen Common Bible

²⁸ လၢပှၤအံၣ်စရ့လးဖိအဒူၣ်ခဲလၢာ်အကျါန့ၣ်, ယဃုထၢထီၣ်အဟံၣ်ဖိဃီဖိလၢကကဲထီၣ်ယပှၤလုၢ်တၢ်အခိၣ်တဖၣ်ဒီး မၤယတၢ်မၤလၢတၢ်လုၢ်လီၢ်, လၢကဆူးကဲၤတၢ်နၢမူ, ဒီးကသိးထီၣ်အ့ဖိးဒီးကူၣ်လိာ်တၢ်ဒီး ယၤအဂီၢ်လီၤ. ဒီးယဟ့ၣ်အဝဲသ့ၣ်လၢတၢ်အခွဲးအယာ်တမံၤ လၢအကမၤန့ၢ်အတၢ်နီၤဖးလၢအဂီၢ်တမံၤ လၢတၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤထီၣ်အီၤ လၢတၢ်လုၢ်လီၢ်ဖီခိၣ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:7

စီၤနၤသၣ်စံးဘၣ်စီၤဒၤဝံး, “နမ့ၢ်ပှၤအဝဲန့ၣ်လီၤ. ဒီးတၢ်အံၤ, မ့ၢ်တၢ်လၢယွၤ, ကီၢ်အံၣ်စရ့လးအကစၢ်ယွၤစံးဝဲဒၣ်လီၤ. ယဒုးကဲထီၣ်နၤကီၢ်အံၣ်စရ့လးအစီၤပၤဒီးမၤပူၤဖျဲးနၤလၢ စီၤစီလူးအစုပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 28:4

တဲဘၣ်အဝဲသ့ၣ်လၢကမၤန့ၢ်ပှၤလုၢ်တၢ်အခိၣ်သဃိးတဘ့ၣ်, အ့ဖိးတဘ့ၣ်, ဆ့ကၤဖးထီတဘ့ၣ်, ဆ့ကၤဆးကံၣ်အသးတဘ့ၣ်, ခိၣ်ဖၢၣ်တဘ့ၣ်, ဒီးယီၢ်တကိးတဘိတက့ၢ်. အဝဲသ့ၣ်ကဘၣ်မၤပှၤလုၢ်တၢ်အခိၣ်အကူအသိးတဖၣ်အံၤလၢနဒီပုၢ် ဝဲၢ်ခွါစီၤအၤဟရိၣ်ဒီးအဖိခွါတဖၣ်အဂီၢ်ဒ်သိးအဝဲသ့ၣ်မၤ ယတၢ်မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်လီၤ.

လံာ်တၢ်ဟးထီၣ်ကွံာ် 30:7

ကိးမုၢ်ဂီၤဒဲးဖဲစီၤအၤဟရိၣ်ဟဲလၢကကတဲာ်ကတီၤမ့ၣ်အူဒၢတဖၣ်န့ၣ်, အဝဲကဘၣ်ဆိၣ်ကဲၤတၢ်နၢမူလၢတၢ်လုၢ်လီၢ်အံၤအဖီခိၣ်လီၤ.

လံာ်တၢ်ဟးထီၣ်ကွံာ် 30:8

အဝဲကဘၣ်မၤဝဲဒ်န့ၣ်အသိးဖဲအဒွဲၣ်ကပီၤထီၣ်မ့ၣ်အူဒၢတဖၣ်လၢမုၢ်ဟါလီၤအကတီၢ်န့ၣ်လီၤ. တၢ်လုၢ်ထီၣ်တၢ်နၢမူအံၤကဘၣ်တၢ်မၤထွဲအီၤတဘိယူၢ်ဃီဒီးတၢ် မၤတံာ်တာ်အီၤတဘၣ်အိၣ်ဝဲနီတစုဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:10

ဒီးတၢ်အိၣ်လီၤတဲာ်လၢတၢ်လုၢ်မၤဘူၣ်န့ၣ်ဘၣ်ဃးဒီးပှၤလုၢ်တၢ် အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီတၢ်ဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤဆူယွၤ အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:3

တၢ်အိၣ်လီၤတဲာ်လၢတၢ်လုၢ်ဘုဧိၤဟုဧိၤန့ၣ်ဘၣ်ဃးဒီးပှၤလုၢ် တၢ်အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤအကျါ အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:16

ဒီးတၢ်အိၣ်လီၤတဲာ်တဖၣ်န့ၣ်ပှၤလုၢ်တၢ်အခိၣ်တဖၣ်ကအီၣ်ဝဲလီၤ. ကဘၣ်ကုၢ်ဝဲကိၣ်လၢတအိၣ်ဘၣ်ဒီးကိၣ်မံၣ်ဒီးကဘၣ်အီၣ်ဝဲလၢတၢ် လီၢ်စီဆှံ, လၢအမ့ၢ်တၢ်ဘူၣ်ထီၣ်ဘါထီၣ်ယွၤအဒဲအဂၢၤပူၤလီၤ.

လံာ်တၢ်ဘူၣ်ထီၣ်ဘါထီၣ် 7:32

အကံၣ်ဒုၣ်အထွဲတခီန့ၣ်, ကဘၣ်တၢ်ဟ့ၣ်အီၤဒ်တၢ်ဟ့ၣ်လီၤဆီတမံၤအသိး,

လံာ်တၢ်ဘူၣ်ထီၣ်ဘါထီၣ် 7:36

မုၢ်တနံၤလၢအဝဲသ့ၣ်တဖၣ်ဘၣ်တၢ်ဖှူအီၤန့ၣ်ယွၤမၤလိာ်ပှၤအံၣ် စရ့လးဖိတဖၣ်လၢကဘၣ်ဟ့ၣ်အဝဲသ့ၣ်တၢ်လၢတၢ်လုၢ်မ့ၣ်အူ အကျါတနီၤအံၤန့ၣ်လီၤ. တၢ်အံၤမ့ၢ်တၢ်သိၣ်တၢ်ဘျၢလၢပှၤအံၣ် စရ့လးဖိတဖၣ်ကဘၣ်စူၢ်အီၤတဘိယူၢ်ဃီန့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 18:19

ကယဲၢ်တၢ်မၤဘူၣ်လီၤဆီလၢပှၤအံၣ်စရ့လးဖိတဖၣ်ဟ့ၣ်ထီၣ်ဆူ ယအိၣ်န့ၣ်ယဟ့ၣ်လီၤနၤ, နဖိခွါတဖၣ်ဒီးနဖိမုၣ်တဖၣ်အစိၤစိၤ အဃၣ်ဃၣ်လီၤ. တၢ်အံၤမ့ၢ်တၢ်အၢၣ်လီၤအီလီၤတမံၤလၢ တၢ်မၤဟးဂီၤကွံာ်အီၤတသ့ဘၣ်လၢယမၤတ့ၢ်ဒီးနစၢၤနသွဲၣ်တဖၣ် န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:3

(ပှၤလုၢ်တၢ်အခိၣ်လၢသိးဝဲဒီးအ့ဖိးန့ၣ်မ့ၢ်ဝဲယွၤအပှၤလုၢ် တၢ်အခိၣ်လၢဝ့ၢ်ၡံလိၤအပူၤ, စီၤဧ့လံၤအလံၤခွါဒီးစီၤအဃံးတူာ်အဒီပုၢ်ဝဲၢ်စီၤအံကဘိး အဖိခွါစီၤအဃံယၤန့ၣ်လီၤ.) စီၤယိနၤသၣ်ဟးထီၣ်န့ၣ်ပှၤတဖၣ်တသ့ၣ်ညါဘၣ်ဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.