လံာ်စီၤၡမူၤအ့လးအခီၣ်ထံးတဘ့ၣ် 2:22 - Sgaw Karen Common Bible

²² ခဲအံၤစီၤဧ့လံၤအသးပှၢ်လံ. အဝဲနၢ်ဟူဘၣ်တၢ်ဂ့ၢ်ကိးမံၤဒဲး ဘၣ်ဃးအဖိခွါတဖၣ်မၤပှၤအံၣ်စရ့လးဖိတဖၣ်ဒီးအဝဲသ့ၣ်မံ ဃုာ်ဂဲၤဃုာ်ဒၣ်လဲာ်ဒီးပှၤပိာ်မုၣ်တဖၣ်လၢအမၤတၢ်လၢ တၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:22 Iomraidhean Croise

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:2

ဒီးအအံၤမ့ၢ်တၢ်စံၣ်စိၤတဲစိၤဘၣ်ထွဲဒီးစီၤယၤကိာ်အဒူၣ်ဖိ ထၢဖိန့ၣ်လီၤ. စီၤယိၤသး, ပှၤသးစၢ်လၢအသးအိၣ်တဆံနွံနံၣ်တဂၤဒီးအဒီပုၢ် ဝဲၢ်ခွါလၢအမ့ၢ်အပၢ်သံၣ်မါနီၢ်ဘံၤလဟၤဒီးနီၢ်စံလပၤအဖိ ခွါသ့ၣ်တဖၣ်န့ၣ်ကွၢ်ထွဲသိဒီးမဲာ်တဲးလဲးတဖၣ်န့ၣ်လီၤ. အဝဲဟဲက့ၤစိာ်တၢ်ကစီၣ်အအၢအသီလၢအဒီပုၢ်ဝဲၢ်ခွါတဖၣ်မၤတ့ၢ် ဝဲဆူအပၢ်အအိၣ်န့ၣ်လီၤ.

လံာ်တၢ်ဟးထီၣ်ကွံာ် 38:8

အဝဲမၤသရာ်ဒီးအခီၣ်လၢတိၢ်ဘီဖဲမဲာ်ထံကလၤတဖၣ်လၢအဘၣ်ဃး ဒီးပိာ်မုၣ်တဖၣ်လၢအမၤတၢ်ဖဲယွၤအိၣ်ဝဲဆိးဝဲအဒဲစီဆှံ အကျဲစၢၤထံးအချၢန့ၣ်လီၤ.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:23

မၤသးဒ်န့ၣ်ဒီးစီၤဧ့လံၤစံးဘၣ်အဝဲသ့ၣ်, “ဘၣ်မနုၤလၢသုမၤတၢ်တဖၣ်အံၤန့ၣ်လဲၣ်. ပှၤကိးဂၤဒဲးတဲဘၣ်ယၤတၢ်အၢတၢ်သီလၢသုမၤအီၤအဂ့ၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 8:1

ဒီးတုၤစီၤၡမူၤအ့လးအသးပှၢ်ထီၣ်န့ၣ်, အဝဲဒုးကဲထီၣ်အဖိခွါတဖၣ် လၢပှၤစံၣ်ညီၣ်ကွီၢ်တဖၣ်လၢကီၢ်အံၣ်စရ့လးအပူၤလီၤ.