လံာ်စီၤၡမူၤအ့လးအခီၣ်ထံးတဘ့ၣ် 2:18 - Sgaw Karen Common Bible

¹⁸ အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:27

စီၤဒၤဝံးသိးဆ့ကၤဖးထီတဘ့ၣ်လၢတၢ်ဆးအီၤလၢဖှီဝါကဆှၣ် အဂ့ၤကတၢၢ်, ဒီးပှၤသးဝံၣ်တၢ်ဖိတဖၣ်, ဒီးအဝဲသ့ၣ်အပှၤအခိၣ်စီၤကနၤနယၤဒီးပှၤလ့ၤဝံဖိတဖၣ်လၢအစိာ် တလါစီဆှံသိးစ့ၢ်ကီးဆ့ဒ်န့ၣ်တဖၣ်လီၤ. စီၤဒၤဝံးသိးစ့ၢ်ကီးဝဲအ့ဖိးဖှီဝါကဆှၣ်တဘ့ၣ်န့ၣ်လီၤ.

လံာ်တၢ်ဟးထီၣ်ကွံာ် 28:4

တဲဘၣ်အဝဲသ့ၣ်လၢကမၤန့ၢ်ပှၤလုၢ်တၢ်အခိၣ်သဃိးတဘ့ၣ်, အ့ဖိးတဘ့ၣ်, ဆ့ကၤဖးထီတဘ့ၣ်, ဆ့ကၤဆးကံၣ်အသးတဘ့ၣ်, ခိၣ်ဖၢၣ်တဘ့ၣ်, ဒီးယီၢ်တကိးတဘိတက့ၢ်. အဝဲသ့ၣ်ကဘၣ်မၤပှၤလုၢ်တၢ်အခိၣ်အကူအသိးတဖၣ်အံၤလၢနဒီပုၢ် ဝဲၢ်ခွါစီၤအၤဟရိၣ်ဒီးအဖိခွါတဖၣ်အဂီၢ်ဒ်သိးအဝဲသ့ၣ်မၤ ယတၢ်မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:7

ဒီးဒုးသိးထီၣ်စီၤအၤဟရိၣ်လၢဆ့ကၤဖိ, ဆ့ကၤဖးထီ, ဒီးယီၢ်တကိးဖးဒိၣ်ဝးတရံးအယီၢ်ဒ့, ဝံၤဒီးပာ်ထီၣ်အ့ဖိးလၢအလိၤဒီးစၢဃံးအီၤလၢယီၢ်တကိးဖိ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:3

(ပှၤလုၢ်တၢ်အခိၣ်လၢသိးဝဲဒီးအ့ဖိးန့ၣ်မ့ၢ်ဝဲယွၤအပှၤလုၢ် တၢ်အခိၣ်လၢဝ့ၢ်ၡံလိၤအပူၤ, စီၤဧ့လံၤအလံၤခွါဒီးစီၤအဃံးတူာ်အဒီပုၢ်ဝဲၢ်စီၤအံကဘိး အဖိခွါစီၤအဃံယၤန့ၣ်လီၤ.) စီၤယိနၤသၣ်ဟးထီၣ်န့ၣ်ပှၤတဖၣ်တသ့ၣ်ညါဘၣ်ဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:11

ဒီးစီၤအ့လကါနၤက့ၤကဒါက့ၤဆူအဟံၣ်လၢဝ့ၢ်ရၤမါလီၤ. မ့မ့ၢ်စီၤၡမူၤအ့လးအိၣ်တ့ၢ်ဝဲလၢဝ့ၢ်ၡံလိၤဒီးမၤယွၤ အတၢ်မၤလၢစီၤဧ့လံၤအဖီလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:28

လၢပှၤအံၣ်စရ့လးဖိအဒူၣ်ခဲလၢာ်အကျါန့ၣ်, ယဃုထၢထီၣ်အဟံၣ်ဖိဃီဖိလၢကကဲထီၣ်ယပှၤလုၢ်တၢ်အခိၣ်တဖၣ်ဒီး မၤယတၢ်မၤလၢတၢ်လုၢ်လီၢ်, လၢကဆူးကဲၤတၢ်နၢမူ, ဒီးကသိးထီၣ်အ့ဖိးဒီးကူၣ်လိာ်တၢ်ဒီး ယၤအဂီၢ်လီၤ. ဒီးယဟ့ၣ်အဝဲသ့ၣ်လၢတၢ်အခွဲးအယာ်တမံၤ လၢအကမၤန့ၢ်အတၢ်နီၤဖးလၢအဂီၢ်တမံၤ လၢတၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤထီၣ်အီၤ လၢတၢ်လုၢ်လီၢ်ဖီခိၣ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:18

မၤသးဒ်န့ၣ်ဒီး, စီၤစီလူးစံးဘၣ်စီၤဒိအ့း, “မၤသံကွံာ်အဝဲသ့ၣ်တဖၣ်, နဲဒၣ်တက့ၢ်.” ဒီးစီၤဒိအ့းမၤသံကွံာ်အဝဲသ့ၣ်ခဲလၢာ်လီၤ. လၢမုၢ်နံၤအဝဲန့ၣ်အပူၤ, အဝဲမၤသံကွံာ်ပှၤလုၢ်တၢ်အခိၣ်တဖၣ်လၢအထီၣ်ဘးဝဲလၢ ကသိးအ့ဖိးတဖၣ်န့ၣ်ခဲလၢာ်ဃိးဆံယဲၢ်ဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:1

လၢမုၢ်နံၤတဖၣ်အပူၤ, ဖဲဖိသၣ်စီၤၡမူၤအ့လးမၤယွၤအတၢ်မၤ လၢစီၤဧ့လံၤအတၢ်နဲၣ်ကျဲအဖီလာ်အခါန့ၣ်, တၢ်ကစီၣ်ဟဲလၢယွၤစှၤဒိၣ်မးလီၤ. ဒီးတၢ်ထံၣ်လၢညါခီတဖၣ် လၢအဟဲလၢအအိၣ်န့ၣ်ကၤဒိၣ်မးလီၤ.