လံာ်စီၤၡမူၤအ့လးအခီၣ်ထံးတဘ့ၣ် 2:15 - Sgaw Karen Common Bible

¹⁵ လၢတၢ်န့ၣ်အမဲာ်ညါ, တချုးဒၣ်လဲာ်လၢတၢ်အသိဘၣ်တၢ်ထုးထီၣ်ဒီး ဆူးကဲၤထီၣ်အီၤန့ၣ်, ပှၤလုၢ်တၢ်အခိၣ်အခ့အပှၤကဟဲဝဲဒီးစံးဘၣ်ပှၤလၢအမၤဘူၣ် တၢ်လုၢ်တၢ်ပာ်တဖၣ်န့ၣ်, “ဟ့ၣ်ယၤတၢ်ဖံးတၢ်ညၣ်တနီၤလၢပှၤလုၢ်တၢ်အခိၣ်ကဖီအီၣ်ကၣ်အီၣ် အဂီၢ်တက့ၢ်. အဝဲတတူၢ်လိာ်တၢ်ညၣ်ချီအသးလၢနအိၣ်, တၢ်ညၣ်သံကစဲာ်န့ၣ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 2:15 Iomraidhean Croise

လံာ်တၢ်ဟးထီၣ်ကွံာ် 12:9

အီၣ်သံကစဲာ်အီၤမ့တမ့ၢ်ချီအီၣ်အီၤတစဲးတဂ့ၤ. မ့မ့ၢ်ကၣ်မံအီၤလၢမ့ၣ်အူဒီဒုဃုာ်ဒီးအခိၣ်, အခီၣ်ဒီးတၢ်အိၣ်လၢအလဲပူၤတဖၣ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 3:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်လၢအမၤမုာ်ယွၤအသးအသိးန့ၣ်လီၤ. တၢ်အသိခဲလၢာ်န့ၣ်မ့ၢ်ယွၤအတၢ်န့ၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:14

အဝဲကဘျုးလီၤအနီၣ်ကွးဆူသပၢၤဖီတၢ်အပူၤဒီးတၢ်တမံၤလၢ်လၢ် လၢနီၣ်ကွးထုးထီၣ်ဝဲန့ၣ်ဘၣ်ဃးဒီးပှၤလုၢ်တၢ်အခိၣ်လီၤ. ကယဲၢ်ပှၤအံၣ်စရ့လးဖိလၢအဟဲဆူဝ့ၢ်ၡံလိၤဒ်သိးကမၤဘူၣ်တၢ်လုၢ်တၢ်ပာ်တဖၣ်န့ၣ် ဘၣ်တၢ်မၤအီၤဒ်န့ၣ်အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:16

ပှၤတဂၤန့ၣ်မ့ၢ်စံးဆၢ, “ပျဲပမၤတၢ်အဘၣ်ဒီးဆူးကဲၤထီၣ်တၢ် အသိလၢညါတက့ၢ်. အန့ၣ်ဝံၤဒီးဟံးန့ၢ်တၢ်လၢနသးလီအီၤတက့ၢ်,” ဒီးပှၤလုၢ်တၢ်အခိၣ်အခ့အပှၤန့ၣ်ကစံးဝဲဒၣ်, “တသ့ဘၣ်. ဟ့ၣ်ယၤတၢ်န့ၣ်ခဲအံၤတက့ၢ်. နမ့ၢ်တဟ့ၣ်ယၤဘၣ်ဒီး ယကဟံးန့ၢ်ဆူၣ်အီၤလီၤ.”