လံာ်စီၤၡမူၤအ့လးအခီၣ်ထံးတဘ့ၣ် 2:14 - Sgaw Karen Common Bible

¹⁴ အဝဲကဘျုးလီၤအနီၣ်ကွးဆူသပၢၤဖီတၢ်အပူၤဒီးတၢ်တမံၤလၢ်လၢ် လၢနီၣ်ကွးထုးထီၣ်ဝဲန့ၣ်ဘၣ်ဃးဒီးပှၤလုၢ်တၢ်အခိၣ်လီၤ. ကယဲၢ်ပှၤအံၣ်စရ့လးဖိလၢအဟဲဆူဝ့ၢ်ၡံလိၤဒ်သိးကမၤဘူၣ်တၢ်လုၢ်တၢ်ပာ်တဖၣ်န့ၣ် ဘၣ်တၢ်မၤအီၤဒ်န့ၣ်အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:14 Iomraidhean Croise

လံာ်ယၡါယၤ 56:11

အဝဲသ့ၣ်လီၤဂာ်ဒီးထွံၣ်တဖၣ်လၢသးကွံတၢ်အီၣ်ဒီးအီၣ်တၢ် တလၢအီၣ်နီတစုဘၣ်န့ၣ်လီၤ. ခိၣ်နၢ်တဖၣ်အံၤအတၢ်သ့ၣ်ညါ နၢ်ပၢၢ်တအိၣ်ဘၣ်. အဝဲသ့ၣ်ကိးဂၤဒဲးမၤတၢ်ဒ်တၢ်သးအိၣ် ဒၣ်ဝဲအသိးဒီးဃုအဘျုးဒၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:34

ဆၣ်ဖိကီၢ်ဖိအသးနါပှၢ်ဒီးအကံၣ်ဒုၣ်အထွဲတခီန့ၣ်, မ့ၢ်တၢ်ဟ့ၣ်လီၤဆီလၢယွၤဟံးန့ၢ်အီၤလၢပှၤအံၣ်စရ့လးဖိတဖၣ် အအိၣ်ဒီးဟ့ၣ်လီၤဝဲဆူပှၤလုၢ်တၢ်အခိၣ်တဖၣ်အအိၣ်န့ၣ်လီၤ. တၢ်အံၤမ့ၢ်တၢ်လၢပှၤအံၣ်စရ့လးဖိတဖၣ်ကဘၣ်ဟ့ၣ်ပှၤလုၢ်တၢ်အခိၣ် တဖၣ်တဘိယူာ်ဃီန့ၣ်လီၤ.

လံာ်မံကၤ 3:3

သုအီၣ်ကွံာ်ယပှၤဂီၢ်မုၢ်, အုၣ်ကွံာ်အဖံး, မၤကၢ်ကွံာ်အဃံတဖၣ်, ဒီးကျီပြံအီၤဒ်တၢ်ညၣ်လၢသပၢၤအဂီၢ်အသိးန့ၣ်လီၤ.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:13

တၢ်သိၣ်တၢ်သီဘၣ်ဃးဒီးပှၤလုၢ်တၢ်အခိၣ်တဖၣ်ကဘၣ်ဃ့တၢ်လၢပှၤ ဂီၢ်မုၢ်အအိၣ်မ့ၢ်ဂ့ၤန့ၣ်ဘၣ်. အခိၣ်တလိာ်, ဖဲပှၤတဂၤမၤဘူၣ်တၢ်လုၢ်တၢ်ပာ်န့ၣ်ပှၤလုၢ်တၢ်အခိၣ် အခ့အပှၤတဖၣ်ကဟဲလၢနီၣ်ကွးအကနၣ်အိၣ်သၢဘ့ၣ်ဒီး ဖဲတၢ်ဖံးတၢ်ညၣ်ဘၣ်တၢ်ဖီအီၤအဖၢမုၢ်န့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 2:15

လၢတၢ်န့ၣ်အမဲာ်ညါ, တချုးဒၣ်လဲာ်လၢတၢ်အသိဘၣ်တၢ်ထုးထီၣ်ဒီး ဆူးကဲၤထီၣ်အီၤန့ၣ်, ပှၤလုၢ်တၢ်အခိၣ်အခ့အပှၤကဟဲဝဲဒီးစံးဘၣ်ပှၤလၢအမၤဘူၣ် တၢ်လုၢ်တၢ်ပာ်တဖၣ်န့ၣ်, “ဟ့ၣ်ယၤတၢ်ဖံးတၢ်ညၣ်တနီၤလၢပှၤလုၢ်တၢ်အခိၣ်ကဖီအီၣ်ကၣ်အီၣ် အဂီၢ်တက့ၢ်. အဝဲတတူၢ်လိာ်တၢ်ညၣ်ချီအသးလၢနအိၣ်, တၢ်ညၣ်သံကစဲာ်န့ၣ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 2:29

မၤသးဒ်န့ၣ်ဒီး, ဘၣ်မနုၤအဃိသုကွၢ်ဃီၤတၢ်လုၢ်တၢ်ပာ်တဖၣ်ဒီး တၢ်လုၢ်မၤဘူၣ်တဖၣ်လၢယဃ့အီၤလၢယပှၤဂီၢ်မုၢ်အအိၣ်န့ၣ် လၢတၢ်သူၣ်လီသးကွံအပူၤန့ၣ်လဲၣ်. စီၤဧ့လံၤဧၢ, နမၤလၤကပီၤနဖိခွါတဖၣ်ဒိၣ်န့ၢ်အါန့ၢ်ယၤခီဖျိနပျဲ အဝဲသ့ၣ်မၤဘီၣ်ထီၣ်အသးလၢတၢ်အဂ့ၤကတၢၢ်တဖၣ်လၢတၢ်လုၢ်တၢ် ပာ်လၢယပှၤဂီၢ်မုၢ်မၤဘူၣ်ဆူယအိၣ်န့ၣ်မ့ၢ်အဘၣ်မနုၤလဲၣ်.