လံာ်စီၤၡမူၤအ့လးအခီၣ်ထံးတဘ့ၣ် 2:11 - Sgaw Karen Common Bible

¹¹ ဒီးစီၤအ့လကါနၤက့ၤကဒါက့ၤဆူအဟံၣ်လၢဝ့ၢ်ရၤမါလီၤ. မ့မ့ၢ်စီၤၡမူၤအ့လးအိၣ်တ့ၢ်ဝဲလၢဝ့ၢ်ၡံလိၤဒီးမၤယွၤ အတၢ်မၤလၢစီၤဧ့လံၤအဖီလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:11 Iomraidhean Croise

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:19

မုၢ်ဆ့ၣ်ထီၣ်တနံၤန့ၣ်, စီၤအ့လကါနၤဒီးအဟံၣ်ဖိဃီဖိပၢၢ်ထီၣ်ဂီၤဂီၤဒီးဘူၣ်ထီၣ်ဘါထီၣ်ယွၤဝံၤ, အဝဲသ့ၣ်က့ၤကဒါက့ၤဆူဝ့ၢ်ရၤမါလီၤ. စီၤအ့လကါနၤမံဃုာ်ဒီးအမါနီၢ်ဃးနၤဒီး ယွၤစံးဆၢပိာ်မုၣ်န့ၣ်အတၢ်ထုကဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:28

မၤသးဒ်န့ၣ်ဒီး, ယပာ်စီဆှံအီၤဆူယွၤအအိၣ်လီၤ. အသးသမူတစိၤဒၣ်အီၤန့ၣ်ကဘၣ်ဃးဒီးယွၤလီၤ.” အန့ၣ်ဝံၤဒီးအဝဲသ့ၣ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:1

လၢမုၢ်နံၤတဖၣ်အပူၤ, ဖဲဖိသၣ်စီၤၡမူၤအ့လးမၤယွၤအတၢ်မၤ လၢစီၤဧ့လံၤအတၢ်နဲၣ်ကျဲအဖီလာ်အခါန့ၣ်, တၢ်ကစီၣ်ဟဲလၢယွၤစှၤဒိၣ်မးလီၤ. ဒီးတၢ်ထံၣ်လၢညါခီတဖၣ် လၢအဟဲလၢအအိၣ်န့ၣ်ကၤဒိၣ်မးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:15

စီၤၡမူၤအ့လးအိၣ်လၢလီၢ်မံခိၣ်တုၤလၢမုၢ်ဆ့ၣ်ဝါလီၤ. ဝံၤဒီးဂဲၤဆၢထၢၣ်ဝဲဒီးအိးထီၣ်ယွၤအဟံၣ်အတြဲၤတဖၣ်လီၤ. အဝဲပျံၤတၢ်လၢကတဲစီၤဧ့လံၤဘၣ်ဃးဒီးတၢ်ထံၣ်လၢညါခီအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.