လံာ်စီၤၡမူၤအ့လးအခီၣ်ထံးတဘ့ၣ် 19:23 - Sgaw Karen Common Bible

²³ ဖဲအဝဲလဲၤဆူန့ၣ်အခါန့ၣ်, ကစၢ်ယွၤအသးဟံးဃာ်အီၤစ့ၢ်ကီး, ဒီးအဝဲဒၣ်ဂဲၤကလံာ်ဒီးကိးပသူလၢကျဲဒီဘိညါဆူနၤဝိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:23 Iomraidhean Croise

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်တၢ်ဂံၢ် 23:5

ယွၤတဲဘၣ်စီၤဘံးလၣ်တၢ်လၢကဘၣ်တဲဝဲ, ဒီးဆှၢလီၤကဒါက့ၤ အီၤဆူစီၤဘၤလးအအိၣ်လၢကဟ့ၣ်လီၤအီၤအဝဲအတၢ်ကစီၣ်န့ၣ်လီၤ.

လံာ်တၢ်ဂံၢ် 24:2

အဝဲကွၢ်ဃီၤတၢ်လိၤလိၤဆူမဲးမုၢ်ခိၣ်ဒီးထံၣ်ဘၣ်ကီၢ်အံၣ်စရ့လး အပှၤဂီၢ်မုၢ်သူၣ်ဒဲတဒူၣ်ဘၣ်တဒူၣ်န့ၣ်လီၤ. ကစၢ်ယွၤအသးလီၤ ဘၣ်လၢအလိၤ,

လံာ်မးသဲ 7:22

ဖဲယွၤစံၣ်ညီၣ်တၢ်အမုၢ်တနံၤတုၤဝဲန့ၣ်ပှၤအါဂၤကစံးဘၣ်ယၤ, ‘ကစၢ်ဧၢ, ကစၢ်ဧၢ, လၢနမံၤန့ၣ်ပစံၣ်တဲၤတဲလီၤကစၢ်ယွၤအတၢ်ကစီၣ်, လၢနမံၤန့ၣ်ပဟီထီၣ်ကွံာ်တၢ်နါအါဒုဒီးမၤတၢ်လီၤလးအါမံၤလီၤ.’

လံာ်ယိၤဟၣ် 11:51

ဘၣ်ဆၣ်ဒီးတၢ်အံၤတမ့ၢ်စီၤကၤယါဖၤအတၢ်ကတိၤဒၣ်ဝဲဘၣ်. မ့ၢ်လၢအဝဲမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢနံၣ်အဝဲန့ၣ် အဂီၢ်အဃိ, အဝဲကတိၤဆိပာ်တၢ်ဒ်ဝံတဂၤအသိး လၢယ့ၣ်ၡူးကသံလၢပှၤယူဒၤဖိအဂီၢ်,

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:10

ဖဲစီၤစီလူးဒီးအကုၢ်လဲၤတုၤဆူဝ့ၢ်ကံးဘဧၤန့ၣ်, ဝံတဖုဟဲသဂၢၢ်အီၤန့ၣ်လီၤ. သတူၢ်ကလာ်န့ၣ်ကစၢ်ယွၤအသးပၢၤဃာ် အီၤဒီးအဝဲနုာ်လီၤဆူဝံတဖၣ်အတၢ်ဘူၣ်တၢ်ဘါအတၢ်ဂဲၤကလံာ်ဒီး တၢ်ကိးပသူန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:12

ပှၤအိၣ်ဖဲန့ၣ်တဂၤသံကွၢ်ဝဲ, “ဝံအဂၤတဖၣ်အံၤမ့ၢ်တၢ်ဒ်လဲၣ်. သုဆိကမိၣ်အဝဲသ့ၣ်အပၢ်မ့ၢ်မတၤတဖၣ်န့ၣ်ဒ်လဲၣ်.” တၢ်အံၤန့ၣ်မ့ၢ်တၢ်ကတိၤ, “စီၤစီလူးဒၣ်လဲာ်ကဲထီၣ်ဝံတဂၤ လံဧါ,” အိၣ်ထီၣ်အခီၣ်ထံးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:6

သတူၢ်ကလာ်န့ၣ်ယွၤအသးကဟဲလီၤလၢနလိၤဒီးပၢၤနၤဒီးနကဂဲၤ ကလံာ်ဃုာ်လၢအဝဲသ့ၣ်အတၢ်ဘူၣ်တၢ်ဘါအတၢ်ဂဲၤကလံာ်အပူၤဒီးကိး ပသူထီၣ်ဒီးနကကဲထီၣ်ပှၤလီၤဆီတဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:10

လၢမုၢ်ဆ့ၣ်ထီၣ်တနံၤန့ၣ်, သးအအၢအသီတဖျၢၣ်လၢအဟဲလၢကစၢ်ယွၤ ဟဲလီၤဒီးပၢၤဃာ်စီၤစီလူးသတူၢ်ကလာ်လီၤ. ဒီးအဝဲဒၣ်ကတိၤကလီကလီတၢ်ဒ်တၢ်ပျုၢ်တဂၤအသိးလၢအဟံၣ်ပူၤ န့ၣ်လီၤ. စီၤဒၤဝံးတခီဒ့တနၢ်ဒ်ညီနုၢ်မၤဝဲကိးမုၢ်နံၤအသိးန့ၣ် လီၤ. စီၤစီလူးဟံးဃးဘီတဘ့ၣ်လၢအစုပူၤ,

လံာ်စီၤၡမူၤအ့လးအခီၣ်ထံးတဘ့ၣ် 19:18

စီၤဒၤဝံးပူၤဖျဲးဒီးလဲၤဝဲဆူစီၤၡမူၤအ့လးအအိၣ်လၢဝ့ၢ် ရၤမါအပူၤဒီးတဲဘၣ်အီၤတၢ်ကိးမံၤဒဲးလၢစီၤစီလူးမၤတ့ၢ်အီၤန့ၣ်လီၤ. အန့ၣ်ဝံၤဒီး, အဝဲဒၣ်ဒီးစီၤၡမူၤအ့လးလဲၤဆူဝ့ၢ်နၤပိး ဒီးအိၣ်ဝဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:20

လၢတၢ်န့ၣ်အဃိ, အဝဲမၢလီၤပှၤတနီၤလၢကလဲၤဖီၣ်န့ၢ်အီၤန့ၣ် လီၤ. အဝဲသ့ၣ်ထံၣ်ဝံတဖုဂဲၤကလံာ်ဒီးကိးပသူတၢ်ဃုာ်ဒီး စီၤၡမူၤအ့လးဒ်အခိၣ်အနၢ်အသိးန့ၣ်လီၤ. တုၤနုၤတစု, ယွၤအသးဟံးဃာ်စီၤစီလူးအပှၤတဖၣ်ဒီးအဝဲသ့ၣ် စးထီၣ်ဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:22

တုၤနုၤတစုစီၤစီလူးအနီၢ်ကစၢ်ဒၣ်ဝဲလဲၤဆူဝ့ၢ်ရၤမါလီၤ. ဖဲအတုၤဃီၤလၢထံပူၤဖးဒိၣ်စ့ကူၤန့ၣ်အဝဲသံကွၢ်မ့ၢ်စီၤၡမူၤအ့လး ဒီးစီၤဒၤဝံးအိၣ်ဖဲလဲၣ်အဂ့ၢ်လီၤ. ဒီးဘၣ်တၢ်စံးဆၢအီၤလၢအဝဲသ့ၣ်အိၣ်ဖဲနၤဝိးန့ၣ်လီၤ.