လံာ်စီၤၡမူၤအ့လးအခီၣ်ထံးတဘ့ၣ် 19:18 - Sgaw Karen Common Bible

¹⁸ စီၤဒၤဝံးပူၤဖျဲးဒီးလဲၤဝဲဆူစီၤၡမူၤအ့လးအအိၣ်လၢဝ့ၢ် ရၤမါအပူၤဒီးတဲဘၣ်အီၤတၢ်ကိးမံၤဒဲးလၢစီၤစီလူးမၤတ့ၢ်အီၤန့ၣ်လီၤ. အန့ၣ်ဝံၤဒီး, အဝဲဒၣ်ဒီးစီၤၡမူၤအ့လးလဲၤဆူဝ့ၢ်နၤပိး ဒီးအိၣ်ဝဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:18 Iomraidhean Croise

စံးထီၣ်ပတြၢၤ 116:11

ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:19

မုၢ်ဆ့ၣ်ထီၣ်တနံၤန့ၣ်, စီၤအ့လကါနၤဒီးအဟံၣ်ဖိဃီဖိပၢၢ်ထီၣ်ဂီၤဂီၤဒီးဘူၣ်ထီၣ်ဘါထီၣ်ယွၤဝံၤ, အဝဲသ့ၣ်က့ၤကဒါက့ၤဆူဝ့ၢ်ရၤမါလီၤ. စီၤအ့လကါနၤမံဃုာ်ဒီးအမါနီၢ်ဃးနၤဒီး ယွၤစံးဆၢပိာ်မုၣ်န့ၣ်အတၢ်ထုကဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:34

အန့ၣ်ဝံၤဒီးစီၤၡမူၤအ့လးလဲၤဆူဝ့ၢ်ရၤမါဒီးစီၤပၤစီၤစီလူး က့ၤဆူအဟံၣ်အိၣ်လၢဝ့ၢ်ကံးဘဧၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:19

စီၤစီလူးဘၣ်တၢ်တဲဘၣ်အီၤလၢစီၤဒၤဝံးအိၣ်လၢနၤဝိး, လၢဝ့ၢ်ရၤမါ, အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:22

တုၤနုၤတစုစီၤစီလူးအနီၢ်ကစၢ်ဒၣ်ဝဲလဲၤဆူဝ့ၢ်ရၤမါလီၤ. ဖဲအတုၤဃီၤလၢထံပူၤဖးဒိၣ်စ့ကူၤန့ၣ်အဝဲသံကွၢ်မ့ၢ်စီၤၡမူၤအ့လး ဒီးစီၤဒၤဝံးအိၣ်ဖဲလဲၣ်အဂ့ၢ်လီၤ. ဒီးဘၣ်တၢ်စံးဆၢအီၤလၢအဝဲသ့ၣ်အိၣ်ဖဲနၤဝိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:23

ဖဲအဝဲလဲၤဆူန့ၣ်အခါန့ၣ်, ကစၢ်ယွၤအသးဟံးဃာ်အီၤစ့ၢ်ကီး, ဒီးအဝဲဒၣ်ဂဲၤကလံာ်ဒီးကိးပသူလၢကျဲဒီဘိညါဆူနၤဝိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:1

တုၤနုၤတစုစီၤဒၤဝံးထွးထီၣ်ဃ့ၢ်လၢနၤဝိးလၢဝ့ၢ်ရၤမါ ဒီးလဲၤဆူစီၤယိနၤသၣ်အအိၣ်လီၤ. စီၤဒၤဝံးသံကွၢ်ဝဲ, “မ့ၢ်ယမၤတ့ၢ်တၢ်မနုၤလဲၣ်. ယမၤတ့ၢ်တၢ်ကမၣ်ခီပတာ်တၢ်သိၣ်တၢ် သီမနုၤလဲၣ်. ယမၤကမၣ်ဘၣ်တ့ၢ်နပၢ်တုၤလၢအကဘၣ်အဲၣ်ဒီးမၤသံယၤန့ၣ်လၢမနုၤ တမံၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 21:11

စီၤပၤအသုးခိၣ်သုးနၢ်တဖၣ်တဲဘၣ်စီၤအၤကံၣ်, “တၢ်အံၤတမ့ၢ်စီၤဒၤဝံး, စီၤပၤတဂၤလၢအထံအကီၢ်န့ၣ်ဘၣ်ဧါ. ပှၤတဂၤအံၤမ့ၢ်ပှၤလၢပိာ်မုၣ်တဖၣ်သးဝံၣ်တၢ်လၢအဂ့ၢ်, ဖဲအဂဲၤကလံာ်အခါဒီးစံး, စီၤစီလူးမၤသံတ့ၢ်ပှၤအကထိတဖၣ် လီၤ. မ့မ့ၢ်စီၤဒၤဝံးမၤသံတ့ၢ်ပှၤအကလးတဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:3

ခဲအံၤ, စီၤၡမူၤအ့လးသံဝဲလံ. ဒီးကယဲၢ်ပှၤအံၣ်စရ့လးဖိ ခဲလၢာ်ဟီၣ်တၢ်ယၢၤတၢ်လၢအဂီၢ်ဒီးခူၣ်လီၤကွံာ်အီၤလၢအဟံၣ် အိၣ်အလီၢ်လၢဝ့ၢ်ရၤမါအပူၤလီၤ. စီၤစီလူးမၢဆူၣ်ပှၤဖးတၢ်ဟဲဝံဟဲစိာ်ဒီးပှၤကိးတၢ်အကလၤတဖၣ် လၢကဟးထီၣ်ကွံာ်လၢကီၢ်အံၣ်စရ့လးအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.