လံာ်စီၤၡမူၤအ့လးအခီၣ်ထံးတဘ့ၣ် 19:13 - Sgaw Karen Common Bible

¹³ အန့ၣ်ဝံၤဒီးအဝဲဟံးန့ၣ်အဒူၣ်ဖိထၢဖိအတၢ်ဂီၤသိအသးဒီး ပုာ်မံလီၤအီၤလၢလီၢ်မံခးအဖီခိၣ်, ပာ်ခိၣ်သခၢၣ်လၢတၢ်မၤအီၤလၢမဲာ်တဲးလဲးအဖံးဖဲအခိၣ်န့ၣ်ဒီး လုးဘၢအီၤလၢအဖီခိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:13 Iomraidhean Croise

လံာ်တၢ်ကဲထီၣ်အခီၣ်ထံး 31:19

ဖဲစီၤလၤဘၣ်လဲၤတံာ်အသိးအဆူၣ်န့ၣ်နီၢ်ရၤဃ့လးဟုၣ်န့ၢ်အပၢ် အတၢ်ဂီၤတရၤဖးတဖၣ်န့ၣ်လီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်ပှၤစံၣ်ညီၣ်ကွီၢ် 17:5

ဒီးစီၤမံၤကါအိၣ်ဒီးအတၢ်ဘူၣ်ထီၣ်ဘါထီၣ်အလီၢ်ဒၣ်ဝဲလီၤ. အဝဲမၤတၢ်ဂီၤတနီၤဒီးအ့ဖိးတဘ့ၣ် ဒီးပာ်ထီၣ်အဖိခွါအကျါတဂၤဒ်အပှၤလုၢ်တၢ်အဒိၣ်လီၤ.

လံာ်ပှၤစံၣ်ညီၣ်ကွီၢ် 18:14

တုၤနုၤတစု, ပှၤယဲၢ်ဂၤလၢအလဲၤဃုထံၣ်န့ၢ်ကီၢ်အိၣ်ဝးတရံးဝ့ၢ်လ့ၡ့ၣ်န့ၣ် စံးဘၣ်အတံၤသကိးတဖၣ်, “မ့ၢ်သုသ့ၣ်ညါလၢဟံၣ်ဖဲအံၤတဖၣ်အကျါတဟံၣ်အိၣ်ဒီး တၢ်ဂီၤစိးပျၤအသးလၢသ့ၣ်ဒီးဘၣ်တၢ်ကးဘၢအီၤလၢစ့နီၢ်တခါန့ၣ်ဧါ. တၢ်ဂီၤအဂၤတဖၣ်ဒီးအ့ဖိးတဘ့ၣ်အိၣ်စ့ၢ်ကီးလီၤ. သုဆိကမိၣ်လၢပကြၢးမၤဒ်လဲၣ်.”

လံာ်ပှၤစံၣ်ညီၣ်ကွီၢ် 18:17

ဒီးပှၤကွၢ်ဟုၣ်ကွၢ်စူးတၢ်ယဲၢ်ဂၤန့ၣ်လဲၤဃီၤလိၤလိၤဆူဟံၣ်ပူၤဒီးဟံးန့ၢ် တၢ်ဂီၤစိးပျၤအသးလၢသ့ၣ်ဒီးတၢ်ကးဘၢအီၤလၢစ့နီၢ်, တၢ်ဂီၤအဂၤတဖၣ်ဒီးအ့ဖိးတဘ့ၣ်ဖဲပှၤလုၢ်တၢ်အခိၣ်အိၣ်ဒီး ပှၤစိာ်တၢ်စုကဝဲၤအဂၤဃုကယၤလၢကျဲစၢၤအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:16

အဝဲသ့ၣ်လဲၤနုာ်ဆူဒၢးပူၤဒီးထံၣ်ဝဲဟံၣ်ဖိဃီဖိအတၢ်ဂီၤသိ အသးလၢလီၢ်မံခးအဖီခိၣ်, တခၢၣ်လီၤလၢမဲာ်တဲးလဲးအဖံးခိၣ်သခၢၣ်အလိၤန့ၣ်လီၤ.