လံာ်စီၤၡမူၤအ့လးအခီၣ်ထံးတဘ့ၣ် 19:1 - Sgaw Karen Common Bible

¹ စီၤစီလူးတဲဘၣ်အသုးခိၣ်သုးနၢ်တဖၣ်ဒီးအဖိခွါစီၤယိနၤ သၣ်လၢအဝဲကူၣ်ထီၣ်ကျဲၤလီၤဝဲဒ်သိးကမၤသံစီၤဒၤဝံးလီၤ. ဘၣ်ဆၣ်ဒီးစီၤယိနၤသၣ်အဲၣ်ဘၣ်စီၤဒၤဝံးဒိၣ်မးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:1 Iomraidhean Croise

လံာ်တၢ်ကဲထီၣ်အခီၣ်ထံး 37:18

အဝဲသ့ၣ်ထံၣ်စိဃီၤစီၤယိၤသးလၢတၢ်လီၢ်အယံၤဒီးတချုးအဟဲ တုၤဒံးဘၣ်ဆူအဝဲသ့ၣ်အအိၣ်န့ၣ်, အဝဲသ့ၣ်ကူၣ်ထီၣ်တၢ်အၢထီဒါအီၤဒီးပာ်လီၤအသးလၢကမၤသံအီၤ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:8

အဝဲသ့ၣ်က့ၤဟ့ၣ်ထီၣ်ခိၣ်သၣ်ဃံန့ၣ်ဆူစီၤပၤစီၤဒၤဝံးအအိၣ် ဖဲဝ့ၢ်ဃ့ဘြိၣ်, ဒီးစံးဘၣ်အီၤ, “အအံၤမ့ၢ်, နဒုၣ်နဒါစီၤစီလူးလၢအဃုမၤသံနၤ, အဖိခွါစီၤအံၤၡဘိၡ့း အခိၣ်န့ၣ်လီၤ. တနံၤအံၤယွၤဟ့ၣ်တၢ်ပျဲလၢကစၢ်စီၤပၤကဟ့ၣ်ကၣ် စီၤစီလူးဒီးအစၢၤအသွဲၣ်တဖၣ်အဂီၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:1

စီၤစီလူးဒီးစီၤဒၤဝံးမၤဝံၤအတၢ်ကတိၤသကိးန့ၣ်လီၤ. တၢ်န့ၣ်အလီၢ်ခံစီၤစီလူးအဖိခွါစီၤယိၤနသၣ်ဘၣ်သူၣ်ဘၣ်သး လၢစီၤဒၤဝံးဒိၣ်မးဒီးအဲၣ်ဘၣ်အီၤဒ်အအဲၣ်လီၤအသးဒၣ်ဝဲ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:25

ဒီးစီၤစီလူးမၤလိာ်အဝဲသ့ၣ်လၢကတဲဘၣ်စီၤဒၤဝံး, “ကယဲၢ်တၢ်လၢစီၤပၤသးလီလၢနအိၣ်ဒ်တၢ်အပှ့ၤလၢတလးမူးပိာ် မုၣ်အဂီၢ်န့ၣ်မ့ၢ်ပှၤဖလ့ၡသးဖိအဂၤတကယၤလၢအသံဝဲအတၢ်အခိၣ် ဖံး, လၢတၢ်ဟ့ၣ်ကၣ်က့ၤအဒုၣ်အဒါတဖၣ်အဂီၢ်န့ၣ်လီၤ.” (တၢ်အံၤမ့ၢ်စီၤစီလူးအတၢ်ကူၣ်ကျဲၤလၢစီၤဒၤဝံးကဘၣ်တၢ်မၤ သံအီၤလၢပှၤဖလ့ၡသးဖိတဖၣ်ဒ်လဲၣ်အဂ့ၢ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:8

စီၤစီလူးတဘၣ်အသးလၢတၢ်အံၤဘၣ်. ဒီးအသးဒိၣ်ထီၣ်ဝဲဖးဒိၣ်လီၤ. အဝဲဒၣ်စံး, “လၢစီၤဒၤဝံးအဂီၢ်န့ၣ်အဝဲသ့ၣ်ကိးထီၣ်ဝဲပှၤ အကလးဘၣ်ဆၣ်ဒီးလၢယဂီၢ်န့ၣ်ပှၤအကထိတဖၣ်ဧိၤလီၤ. လၢခံန့ၣ်အဝဲသ့ၣ်ကဒုးကဲထီၣ်အီၤလၢစီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:9

မၤသးဒ်န့ၣ်ဒီး, စးထီၣ်လၢမုၢ်တနံၤန့ၣ်, အဝဲဒၣ်အသးက့ၣ်သးကါဒီးသးဒ့ဒီလၢစီၤဒၤဝံးအဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:2

မၤသးဒ်န့ၣ်ဒီး, စီၤယိနၤသၣ်စံးဘၣ်စီၤဒၤဝံး, “ယပၢ်ကျဲးစၢးဒ်သိးကမၤသံနၤလီၤ. ခဲမုၢ်ဆ့ၣ်တနံၤန့ၣ် ဝံသးစူၤပလီၢ်နသးဂ့ၤဂ့ၤတက့ၢ်. အိၣ်ခူသူၣ်လၢတၢ်လီၢ်ခူသူၣ်တတီၤဒီးအိၣ်ဖဲန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:1

တုၤနုၤတစုစီၤဒၤဝံးထွးထီၣ်ဃ့ၢ်လၢနၤဝိးလၢဝ့ၢ်ရၤမါ ဒီးလဲၤဆူစီၤယိနၤသၣ်အအိၣ်လီၤ. စီၤဒၤဝံးသံကွၢ်ဝဲ, “မ့ၢ်ယမၤတ့ၢ်တၢ်မနုၤလဲၣ်. ယမၤတ့ၢ်တၢ်ကမၣ်ခီပတာ်တၢ်သိၣ်တၢ် သီမနုၤလဲၣ်. ယမၤကမၣ်ဘၣ်တ့ၢ်နပၢ်တုၤလၢအကဘၣ်အဲၣ်ဒီးမၤသံယၤန့ၣ်လၢမနုၤ တမံၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:19

ခဲတဆ့ၣ်တနံၤန့ၣ်ကဘၣ်တၢ်ပာ်သူၣ်ပာ်သးအီၤဒိၣ်န့ၢ်အန့ၣ်တက့ၢ်လီၤ. မၤသးဒ်န့ၣ်ဒီး, လဲၤဆူတၢ်လီၢ်ဖဲနအိၣ်ခူသူၣ်လၢညါတဘျီ အလီၢ်န့ၣ်ဒီးပာ်ခူသူၣ်နသးလၢလၢၢ်အၤစ့းန့ၣ်တက့ၢ်.