လံာ်စီၤၡမူၤအ့လးအခီၣ်ထံးတဘ့ၣ် 18:7 - Sgaw Karen Common Bible

⁷ လၢတၢ်သဂၢၢ်မၤလၤကပီၤအမူးန့ၣ်ပိာ်မုၣ်တဖၣ်သးဝံၣ်ထီၣ်ဝဲ, “စီၤစီလူးမၤသံတ့ၢ်ပှၤအကထိတဖၣ်, မ့မ့ၢ်စီၤဒၤဝံးမၤသံ ပှၤအကလးတဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:3

အဝဲသ့ၣ်စံးဆၢဝဲဒၣ်, “နတဘၣ်လဲၤဃုာ်တၢ်ဒီးပှၤဘၣ်. ပဝဲအကျါတနီၤမ့ၢ်ဃၣ်ကဒါက့ၤအသးဒီးဃ့ၢ်မ့ၢ်ဂ့ၤ, ပဝဲအကျါတဝာ်မ့ၢ်ဘၣ်တၢ်မၤသံကွံာ်အီၤမ့ၢ်ဂ့ၤန့ၣ်တမ့ၢ်ကလီၤ ဆီနီတမံၤလၢပဒုၣ်ပဒါအဂီၢ်ဘၣ်ဆၣ်, နလုၢ်ဒိၣ်ပှ့ၤဒိၣ်ထဲသိးဒီးပဝဲအဂၤတကလးညါန့ၣ်လီၤ. နမ့ၢ်အိၣ်လၢဝ့ၢ်ပူၤဖဲအံၤဒီးဆှၢလီၤန့ၢ်ပှၤတၢ်မၤစၢၤန့ၣ် ဂ့ၤဒိၣ်ဒၣ်တၢ်တက့ၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 23:1

စီၤယံးၡဲအဖိခွါစီၤဒၤဝံးမ့ၢ်တ့ၢ်ပှၤတဂၤလၢကစၢ်ယွၤပာ်ထီၣ်ထီအီၤ, ပှၤတဂၤလၢစီၤယၤကိာ်အကစၢ်ယွၤဃုထၢတ့ၢ်အီၤလၢကကဲထီၣ်စီၤပၤ, ဒီးပှၤတဂၤလၢအထုးထီၣ်တၢ်သးဝံၣ်အမုာ်တဖၣ်လၢကီၢ်အံၣ်စရ့လးအဂီၢ်လီၤ. တၢ်လၢလံာ်အံၤတဖၣ်အံၤမ့ၢ်စီၤဒၤဝံးအတၢ်ကတိၤလၢခံကတၢၢ်တဖၣ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:5

စီၤဒၤဝံးဒီးကယဲၢ်ပှၤအံၣ်စရ့လးဖိတဖၣ်ဂဲၤကလံာ် ဒီးသူၣ်ဝံၣ်သးဆၢလၢာ်ဂံၢ်လၢာ်ဘါဒ်သိးကမၤလၤကပီၤယွၤအဂီၢ်န့ၣ်လီၤ. အဝဲသ့ၣ်ဒ့တနၢ်တဖၣ်, သီတူၢ်တဖၣ်, ဒၢတဖၣ်, ပှ့ၤသၣ်တဖၣ်, ဒီးစှၢၢ်စှံးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 15:21

နီၢ်မံးရယၣ်သးဝံၣ်ထီၣ်တၢ်လၢအဝဲသ့ၣ်အဂီၢ်, “သးဝံၣ်ထီၣ်ယွၤတက့ၢ်. အဂ့ၢ်ဒ်အံၤ, အဝဲမၤနၢၤတ့ၢ်လံ တၢ်မၤနၢၤလီၤကဟုကညီၢ်တမံၤလီၤ. အဝဲကွံာ်လီၤကသ့ၣ်တဖၣ်ဒီးပှၤဒိးအီၤတဖၣ်ဆူ ပီၣ်လဲၣ်အပူၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 21:11

စီၤပၤအသုးခိၣ်သုးနၢ်တဖၣ်တဲဘၣ်စီၤအၤကံၣ်, “တၢ်အံၤတမ့ၢ်စီၤဒၤဝံး, စီၤပၤတဂၤလၢအထံအကီၢ်န့ၣ်ဘၣ်ဧါ. ပှၤတဂၤအံၤမ့ၢ်ပှၤလၢပိာ်မုၣ်တဖၣ်သးဝံၣ်တၢ်လၢအဂ့ၢ်, ဖဲအဂဲၤကလံာ်အခါဒီးစံး, စီၤစီလူးမၤသံတ့ၢ်ပှၤအကထိတဖၣ် လီၤ. မ့မ့ၢ်စီၤဒၤဝံးမၤသံတ့ၢ်ပှၤအကလးတဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 21:12

အဝဲသ့ၣ်အတၢ်ကတိၤအိၣ်စဲထီမးလၢစီၤဒၤဝံးအသးပူၤဒီး အဝဲပျံၤဘၣ်စီၤပၤအၤကံၣ်ဒိၣ်မးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:5

လၢတၢ်ခဲလၢာ်အဖီခိၣ်န့ၣ်, အဝဲအံၤမ့ၢ်စီၤဒၤဝံးလၢပှၤပိာ်မုၣ်တဖၣ်သးဝံၣ်တၢ်လၢအဂ့ၢ် ဖဲအဝဲသ့ၣ်ဂဲၤကလံာ်အဖၢမုၢ်ဒီးစံးဝဲလၢ, စီၤစီလူးမၤသံပှၤအကထိတဖၣ်လီၤ. မ့မ့ၢ်စီၤဒၤဝံးမၤသံပှၤအကလးတဖၣ်န့ၣ်လီၤ.”