လံာ်စီၤၡမူၤအ့လးအခီၣ်ထံးတဘ့ၣ် 18:26 - Sgaw Karen Common Bible

²⁶ စီၤစီလူးအသုးခိၣ်သုးနၢ်တဖၣ်က့ၤတဲဘၣ်စီၤဒၤဝံးတၢ်လၢ စီၤစီလူးစံးတ့ၢ်ဝဲတဖၣ်န့ၣ်လီၤ. ဒီးစီၤဒၤဝံးအသးခုလၢအဆိကမိၣ်ထီၣ်လၢကကဲထီၣ်ဘၣ်စီၤပၤ အမာ်အဃိန့ၣ်လီၤ. တချုးတၢ်သ့ၣ်ပာ်မုၢ်နံၤမုၢ်သီလၢတၢ်တ့တၢ်ဖျီအဂီၢ်န့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 18:26 Iomraidhean Croise

လံာ်တၢ်ကဲထီၣ်အခီၣ်ထံး 19:12

ဒီးပှၤခံဂၤန့ၣ်စံးဘၣ်စီၤလိာ်, “နမ့ၢ်အိၣ်ဒံးဒီးပှၤအဂၤ တဂၤလၢ်လၢ်ဖဲအံၤ, ဒ်နဖိခွါတဖၣ်မ့ၢ်ဂ့ၤနဖိမုၣ်တဖၣ်မ့ၢ်ဂ့ၤ, နမာ်တဖၣ်မ့ၢ်ဂ့ၤနဘူးနတံၢ်အဂုၤအဂၤလၢအအိၣ်လၢဝ့ၢ်အံၤအပူၤ မ့ၢ်ဂ့ၤ, မၢအဟးထီၣ်ကွံာ်ဖဲအံၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 18:21

အဝဲစံးလီၤအသး, “ယကဟ့ၣ်နီၢ်မံကၤလးဆူစီၤဒၤဝံးဒီး ယကသူအီၤဒ်ထုအသိးလၢစီၤဒၤဝံးကဘၣ်တၢ်မၤသံကွံာ်အီၤလၢပှၤ ဖလ့ၡသးဖိတဖၣ်န့ၣ်လီၤ.” မၤသးဒ်န့ၣ်ဒီးစီၤစီလူးစံးဘၣ်စီၤဒၤဝံးခံစုတစု, “နကဘၣ်ကဲထီၣ်ယမာ်လီၤ.”