လံာ်စီၤၡမူၤအ့လးအခီၣ်ထံးတဘ့ၣ် 18:25 - Sgaw Karen Common Bible

²⁵ ဒီးစီၤစီလူးမၤလိာ်အဝဲသ့ၣ်လၢကတဲဘၣ်စီၤဒၤဝံး, “ကယဲၢ်တၢ်လၢစီၤပၤသးလီလၢနအိၣ်ဒ်တၢ်အပှ့ၤလၢတလးမူးပိာ် မုၣ်အဂီၢ်န့ၣ်မ့ၢ်ပှၤဖလ့ၡသးဖိအဂၤတကယၤလၢအသံဝဲအတၢ်အခိၣ် ဖံး, လၢတၢ်ဟ့ၣ်ကၣ်က့ၤအဒုၣ်အဒါတဖၣ်အဂီၢ်န့ၣ်လီၤ.” (တၢ်အံၤမ့ၢ်စီၤစီလူးအတၢ်ကူၣ်ကျဲၤလၢစီၤဒၤဝံးကဘၣ်တၢ်မၤ သံအီၤလၢပှၤဖလ့ၡသးဖိတဖၣ်ဒ်လဲၣ်အဂ့ၢ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:25 Iomraidhean Croise

လံာ်တၢ်ကဲထီၣ်အခီၣ်ထံး 29:18

စီၤယၤကိာ်အဲၣ်ဝဲနီၢ်ရၤဃ့လးအဃိဒီးစံးဝဲ, “နမ့ၢ်ပျဲယဖျီဃုာ်ယသးဒီးနီၢ်ရၤဃ့လၤန့ၣ်ယကမၤတၢ်လၢနဂီၢ် နွံနံၣ်လီၤ.”

လံာ်တၢ်ကဲထီၣ်အခီၣ်ထံး 34:12

သုအဲၣ်ဒိးတၢ်ဟ့ၣ်ကနၢၤမနုၤတဖၣ်လဲၣ်န့ၣ်တဲဘၣ်ယၤတက့ၢ်. ပာ်တလးမူးပိာ်မုၣ်အပှ့ၤဖဲသုအဲၣ်ဒိးဃ့တက့ၢ်. ထဲသုမ့ၢ်ပျဲယဒိးတ့ဒိးဖျီယသးဒီးအီၤန့ၣ်, ယကဟ့ၣ်သုတၢ်တမံၤလၢ်လၢ်လၢသုဃ့န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:14

ဒီးစီၤဒၤဝံးဆှၢလီၤစ့ၢ်ကီးပှၤစိာ်တၢ်ကစီၣ်တဖၣ်ဆူစီၤအံၤ ၡဘိၡ့းအအိၣ်ဒီးစံး, “ဟ့ၣ်က့ၤယၤယမါနီၢ်မံၤကၤလးတက့ၢ်. ယဟ့ၣ်တ့ၢ်ပှၤဖလ့ၡသးဖိအတၢ်ခိၣ်ထိးအဖံးတကယၤဒ်သိးယကဖျီဘၣ် ယသးဒီးအီၤအဂီၢ်လီၤ.”

လံာ်စီၤယိၤၡူ 5:3

အန့ၣ်ဒီး, စီၤယိၤၡူတ့ဒီလၢၢ်တဖၣ်ဒီးကူးတရံးပှၤအံၣ်စရ့လးဖိတဖၣ် ဖဲတၢ်လီၢ်လၢအဘၣ်တၢ်ကိးအီၤလၢတၢ်စိခိၣ်ဧၤရလိးအခီပညီမ့ၢ် တၢ်ကူးတရံးအတၢ်စိခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:17

တုၤနုၤတစု, စီၤစီလူးစံးဘၣ်စီၤဒၤဝံး, “အဝဲအံၤမ့ၢ်ယဖိမုၣ်အဒိၣ်ကတၢၢ်နီၢ်မ့ရ့ာ်လီၤ. ယကဟ့ၣ်အီၤလၢနၤဒ်နမါလၢနမ့ၢ်ယခ့ယပှၤလၢအဒူဒီးပှၤသုးဖိ လၢအသးတီဒီးယၤဒီးဒုးယွၤအတၢ်ဒုးတဖၣ်အဃိန့ၣ်လီၤ.” (စီၤစီလူးဆိကမိၣ်ဝဲလၢ, လၢကျဲဒ်အံၤန့ၣ်ပှၤဖလ့ၡသးဖိတဖၣ် ကမၤသံစီၤဒၤဝံးဒီးအလီၢ်တအိၣ်ဘၣ်လၢအဝဲအနီၢ်ကစၢ်ဒၣ်ဝဲ ကမၤသံဘၣ်စီၤဒၤဝံးဘၣ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:24

သုးခိၣ်သုးနၢ်တဖၣ်တဲဘၣ်စီၤစီလူးလၢတၢ်လၢစီၤဒၤဝံးစံး တ့ၢ်အဝဲသ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:1

စီၤစီလူးတဲဘၣ်အသုးခိၣ်သုးနၢ်တဖၣ်ဒီးအဖိခွါစီၤယိနၤ သၣ်လၢအဝဲကူၣ်ထီၣ်ကျဲၤလီၤဝဲဒ်သိးကမၤသံစီၤဒၤဝံးလီၤ. ဘၣ်ဆၣ်ဒီးစီၤယိနၤသၣ်အဲၣ်ဘၣ်စီၤဒၤဝံးဒိၣ်မးလီၤ.