လံာ်စီၤၡမူၤအ့လးအခီၣ်ထံးတဘ့ၣ် 18:23 - Sgaw Karen Common Bible

²³ မၤသးဒ်န့ၣ်ဒီး, အဝဲသ့ၣ်တဲဘၣ်စီၤဒၤဝံးလၢတၢ်ဂ့ၢ်အံၤဒီးအဝဲ စံးဆၢဝဲဒၣ်, “တၢ်ကဲထီၣ်ဘၣ်စီၤပၤအမာ်န့ၣ်မ့ၢ်တၢ်လၤကပီၤ ဖးဒိၣ်တမံၤ, မ့ၢ်တၢ်ဒိၣ်ကဲာ်ဆိးလၢပှၤဒ်သိးယၤတဂၤလၢအဖှီၣ်ဒီးတလီၤပာ် ဒိၣ်ပာ်ကဲဘၣ်အဂီၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:23 Iomraidhean Croise

လံာ်တၢ်ကဲထီၣ်အခီၣ်ထံး 29:20

စီၤယၤကိာ်မၤတ့ၢ်တၢ်နွံနံၣ်ဒ်သိးကဒိးန့ၢ်ဘၣ်နီၢ်ရၤဃ့လး အဂီၢ်လီၤ. တၢ်ဆၢကတီၢ်မၤအသးဒ်စှၤနံၤစှၤသီအသိးလၢအဂီၢ်လီၤ. အဂ့ၢ်ဒ်အံၤ, အဝဲအဲၣ်ဘၣ်ပိာ်မုၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 34:12

သုအဲၣ်ဒိးတၢ်ဟ့ၣ်ကနၢၤမနုၤတဖၣ်လဲၣ်န့ၣ်တဲဘၣ်ယၤတက့ၢ်. ပာ်တလးမူးပိာ်မုၣ်အပှ့ၤဖဲသုအဲၣ်ဒိးဃ့တက့ၢ်. ထဲသုမ့ၢ်ပျဲယဒိးတ့ဒိးဖျီယသးဒီးအီၤန့ၣ်, ယကဟ့ၣ်သုတၢ်တမံၤလၢ်လၢ်လၢသုဃ့န့ၣ်လီၤ.”

စံးထီၣ်ပတြၢၤ 119:141

ယမ့ၢ်ပှၤအဆံးဒီးပှၤတပာ်ကဲဘၣ်ယၤဘၣ်. ဘၣ်ဆၣ်ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်.

တၢ်ကတိၤဒိ. 14:20

ပှၤဖှီၣ်ဖိယာ်ဖိန့ၣ်ဘၣ်တၢ်သးဟ့အီၤလၢပှၤလၢအဃၢၤ ဒၣ်လဲာ်လီၤ. မ့မ့ၢ်, ပှၤထူးပှၤတီၤအိၣ်ဒီးအတံၤသကိးအါဂၤလီၤ.

တၢ်ကတိၤဒိ. 29:5

နမ့ၢ်ကတိၤပတြၢၤမုာ်နၢ်နတံၤသကိးတဖၣ်ဒီး, နဆဲထီၣ်ထုတခါလၢနဂီၢ်ဒၣ်နဲလီၤ.

၁ ယိၤဟၣ် 3:1

ပၢ်ကစၢ်အဲၣ်တ့ၢ်ပှၤထဲထဲလဲၣ်န့ၣ်, ကွၢ်တက့ၢ်. အတၢ်အဲၣ်အံၤဒိၣ်ဝဲတုၤဒၣ်လဲာ်ပဘၣ်တၢ်ကိးပှၤလၢ ကစၢ်ယွၤအဖိတဖၣ်ဒီးပမ့ၢ်တၢ်အဝဲန့ၣ်န့ၣ်လီၤ. လၢတၢ်အံၤအဃိ, ဟီၣ်ခိၣ်တသ့ၣ်ညါပှၤဘၣ်, အဂ့ၢ်မ့ၢ်လၢတသ့ၣ်ညါကစၢ်ယွၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:18

စီၤဒၤဝံးစံးဆၢဝဲဒၣ်, “ယမ့ၢ်မတၤတဂၤဒီးယဟံၣ်ဖိဃီဖိ မ့ၢ်မတၤလၢယကဘၣ်ကဲထီၣ်စီၤပၤအမာ်တဂၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 18:22

အဝဲမၤလိာ်အသုးခိၣ်သုးနၢ်တဖၣ်လၢကကတိၤခူသူၣ်တၢ်ဒီးစီၤဒၤ ဝံးဒီးစံးဘၣ်အီၤ, “စီၤပၤန့ၣ်ဘၣ်သူၣ်ဘၣ်သးလၢနၤဒီးကယဲၢ်အသုးခိၣ်သုးနၢ်တဖၣ် ဘၣ်သူၣ်ဘၣ်သးနၤလီၤ. ခဲအံၤမ့ၢ်တၢ်ဆၢကတီၢ်အဂ့ၤအဘၣ်လၢနကဖျီနသးဒီးအဖိမုၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:24

သုးခိၣ်သုးနၢ်တဖၣ်တဲဘၣ်စီၤစီလူးလၢတၢ်လၢစီၤဒၤဝံးစံး တ့ၢ်အဝဲသ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:21

စီၤစီလူးစံးဆၢဝဲဒၣ်, “ယဘၣ်ဃးဒီးစီၤဘံၣ်ယၤမံၣ်အဒူၣ် လၢအမ့ၢ်ပှၤအဒူၣ်အဆံးကတၢၢ်လၢကီၢ်အံၣ်စရ့လးအပူၤဒီးယဟံၣ်ဖိဃီဖိန့ၣ် မ့ၢ်ပှၤတၢ်အကါဒိၣ်အစှၤကတၢၢ်လၢဒူၣ်တဒူၣ်အပူၤလီၤ. ဘၣ်မနုၤအဃိနကတိၤတၢ်ဒီးယၤဒ်သိးအံၤန့ၣ်လဲၣ်.”