လံာ်စီၤၡမူၤအ့လးအခီၣ်ထံးတဘ့ၣ် 18:17 - Sgaw Karen Common Bible

¹⁷ တုၤနုၤတစု, စီၤစီလူးစံးဘၣ်စီၤဒၤဝံး, “အဝဲအံၤမ့ၢ်ယဖိမုၣ်အဒိၣ်ကတၢၢ်နီၢ်မ့ရ့ာ်လီၤ. ယကဟ့ၣ်အီၤလၢနၤဒ်နမါလၢနမ့ၢ်ယခ့ယပှၤလၢအဒူဒီးပှၤသုးဖိ လၢအသးတီဒီးယၤဒီးဒုးယွၤအတၢ်ဒုးတဖၣ်အဃိန့ၣ်လီၤ.” (စီၤစီလူးဆိကမိၣ်ဝဲလၢ, လၢကျဲဒ်အံၤန့ၣ်ပှၤဖလ့ၡသးဖိတဖၣ် ကမၤသံစီၤဒၤဝံးဒီးအလီၢ်တအိၣ်ဘၣ်လၢအဝဲအနီၢ်ကစၢ်ဒၣ်ဝဲ ကမၤသံဘၣ်စီၤဒၤဝံးဘၣ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:15

အဝဲကွဲးဝဲဒၣ်, “ပာ်လီၤစီၤအူၤရံယၤလၢတၢ်မဲာ်ညါဖဲတၢ်ဒုးဆူၣ်ကတၢၢ်အလီၢ်, ဒီးဂုၤက့ၤသုဝဲဆူတၢ်လီၢ်ခံဒီးပျဲတၢ်မၤသံကွံာ်အီၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 12:9

မ့မ့ၢ်ဒ်န့ၣ်ဒီးဘၣ်မနုၤအဃိ, နတစူၢ်ဘၣ်ယတၢ်မၤလိာ်တဖၣ်န့ၣ်လဲၣ်. ဘၣ်မနုၤနမၤတၢ်အၢတၢ်သီတမံၤအံၤန့ၣ်လဲၣ်. နပျဲစီၤအူၤရံယၤဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, နပျဲပှၤဧၣ်မိၣ်ဖိတဖၣ်မၤသံကွံာ်အီၤ, အန့ၣ်ဝံၤဒီးနဟံးန့ၢ်ကွံာ်အမါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

တၢ်ကတိၤဒိ. 26:24

ပှၤပာ်မၤအသးတဂၤန့ၣ်ပာ်ခူသူၣ်အတၢ်သးဟ့လၢအတၢ်ကတိၤလွဲန့ၢ် တၢ်တဖၣ်အပူၤလီၤ.

တၢ်ကတိၤဒိ. 26:25

သီၣ်ကမုာ်ဒိၣ်မးလီၤ. ဘၣ်ဆၣ်နာ်အီၤတဂ့ၤ. အဂ့ၢ်ဒ်အံၤ, အသးပူၤပှဲၤဆၢၣ်ကလာ်ဒီးတၢ်သးဟ့န့ၣ်လီၤ.

တၢ်ကတိၤဒိ. 26:26

အဝဲကပျိာ်လီၤဆီအတၢ်သးဟ့, ဘၣ်ဆၣ်ပှၤကိးဂၤဒဲးကထံၣ်တၢ်အၢ တၢ်သီတဖၣ်လၢအမၤဝဲန့ၣ်လီၤ.

လံာ်တၢ်ဂံၢ် 21:14

လၢတၢ်န့ၣ်အဃိယွၤအတၢ်ဒုးတၢ်ယၤတဖၣ်အလံာ်စံးလၢတၢ်န့ၣ် အဂ့ၢ်စံးဝဲ, “ဝ့ၢ်ဝာ်ဟ့ာ်လၢကီၢ်စူာ်အလီၢ်ကဝီၤပူၤဒီးတၢ်တြီၤတဖၣ်, ထံကျိအၢ်နိၣ်,

လံာ်တၢ်ဂံၢ် 32:20

စီၤမိၤၡ့စံးဆၢဝဲ, “သုမ့ၢ်စံးဒ်န့ၣ်သပှၢ်တၢၢ်ဒီးခဲအံၤ လၢယွၤအမဲာ်ညါန့ၣ်ကတဲာ်ကတီၤသုသးလၢသုကလဲၤထီၣ်ဒုးတၢ် အဂီၢ်တက့ၢ်.

လံာ်တၢ်ဂံၢ် 32:27

မ့မ့ၢ်ပဝဲကိးဂၤဒဲးအိၣ်ကတဲာ်ကတီၤအသးလၢကလဲၤထီၣ်ဆူတၢ် ဒုးအပူၤလၢယွၤအတၢ်ပၢဆှၢအဖီလာ်န့ၣ်လီၤ. ပကလဲၤခီဂာ်ထံကျိယၢ်ဒ့ၣ်ဒီးဒုးတၢ်ဒ်နစံးတ့ၢ်နဲအသိးန့ၣ်လီၤ.”

လံာ်တၢ်ဂံၢ် 32:29

“ပှၤလၢကးဒီးရူၤဘ့ၣ်အဒူၣ်တဖၣ်အံၤမ့ၢ်ခီဂာ်ထံကျိယၢ် ဒ့ၣ်, ကတဲာ်ကတီၤအသးလၢတၢ်ဒုးအဂီၢ်လၢယွၤအတၢ်ပၢ ဆှၢအဖီလာ်ဒီးလၢအဝဲသ့ၣ်အတၢ်မၤစၢၤအဃိသုမၤနၢၤကီၢ်န့ၣ်မ့ၢ်သ့ ဒီး, အန့ၣ်တစုဟ့ၣ်လီၤအဝဲသ့ၣ်လၢကီၢ်ကံးလဧးဒ်အတၢ်စုလီၢ် ခီၣ်ခိၣ်အသိးတက့ၢ်.

လံာ်သိၣ်လီၤသီလီၤတၢ် 17:7

ပှၤအုၣ်အသးတဖၣ်ကဘၣ်တၢ်ကွံာ်ဆိအီၤလၢလၢၢ်တဖၣ်ဝံၤဒီးပှၤဂီၢ်မုၢ် အဂၤလၢအအိၣ်လီၤတဲာ်တဖၣ်ကကွံာ်အီၤလၢလၢၢ်န့ၣ်လီၤ. လၢကျဲအံၤန့ၣ်, သုကမၤပူၤဖျဲးသုသးဒီးတၢ်အၢတၢ်သီ တမံၤအံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:49

စီၤစီလူးအဖိခွါတဖၣ်မ့ၢ်ဝဲ, စီၤယိနၤသၣ်, စီၤယံးၡဝံ, ဒီးစီၤမးလကံၡူၤန့ၣ်လီၤ. အဝဲအဖိမုၣ်လၢအဒိၣ်တဂၤန့ၣ်ဘၣ်တၢ်ကိးအမံၤလၢနီၢ်မ့ရ့ာ်, ဒီးအဖိမုၣ်အဆံးတဂၤမ့ၢ်နီၢ်မံၤကၤလးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:25

အဝဲသ့ၣ်စံးလိာ်အသးတဂၤဒီးတဂၤ, “ကွၢ်အီၤတက့ၢ်. ကနၣ်အဝဲတၤတၢ်အတၢ်ကတိၤတက့ၢ်. စီၤပၤစီၤစီလူးအၢၣ်လီၤတၢ်လၢကဟ့ၣ်ခိၣ်ဖးဒိၣ်ဒိၣ်ကလဲာ်ဆူ ပှၤတဂၤလၢအမၤသံအီၤလီၤ. စီၤပၤကဟ့ၣ်အီၤစ့ၢ်ကီးလၢအဖိမုၣ်ဒ်သိးကဖျီအသးဒီးအပၢ် အဒူၣ်ဖိထၢဖိကဘၣ်ဟ့ၣ်တၢ်အခိအသွဲအလီၢ်တအိၣ်ဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:47

ဒီးပှၤအိၣ်ဖဲအံၤကိးဂၤကထံၣ်ဝဲလၢယွၤတလိၣ်ဘၣ်နးတဖၣ်မ့ၢ် ဂ့ၤဘီတဖၣ်မ့ၢ်ဂ့ၤလၢကအုၣ်က့ၤခီၣ်က့ၤအပှၤဂီၢ်မုၢ်အဂီၢ်ဘၣ် န့ၣ်လီၤ. အဝဲမၤန့ၢ်မၤနၢၤတၢ်လၢတၢ်ဒုးတၢ်ယၤအပူၤ, ဒီးအဝဲကပာ်လီၤသုလၢပစိကမီၤအဖီလာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:21

အဝဲစံးလီၤအသး, “ယကဟ့ၣ်နီၢ်မံကၤလးဆူစီၤဒၤဝံးဒီး ယကသူအီၤဒ်ထုအသိးလၢစီၤဒၤဝံးကဘၣ်တၢ်မၤသံကွံာ်အီၤလၢပှၤ ဖလ့ၡသးဖိတဖၣ်န့ၣ်လီၤ.” မၤသးဒ်န့ၣ်ဒီးစီၤစီလူးစံးဘၣ်စီၤဒၤဝံးခံစုတစု, “နကဘၣ်ကဲထီၣ်ယမာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:25

ဒီးစီၤစီလူးမၤလိာ်အဝဲသ့ၣ်လၢကတဲဘၣ်စီၤဒၤဝံး, “ကယဲၢ်တၢ်လၢစီၤပၤသးလီလၢနအိၣ်ဒ်တၢ်အပှ့ၤလၢတလးမူးပိာ် မုၣ်အဂီၢ်န့ၣ်မ့ၢ်ပှၤဖလ့ၡသးဖိအဂၤတကယၤလၢအသံဝဲအတၢ်အခိၣ် ဖံး, လၢတၢ်ဟ့ၣ်ကၣ်က့ၤအဒုၣ်အဒါတဖၣ်အဂီၢ်န့ၣ်လီၤ.” (တၢ်အံၤမ့ၢ်စီၤစီလူးအတၢ်ကူၣ်ကျဲၤလၢစီၤဒၤဝံးကဘၣ်တၢ်မၤ သံအီၤလၢပှၤဖလ့ၡသးဖိတဖၣ်ဒ်လဲၣ်အဂ့ၢ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:27

စီၤဒၤဝံးဒီးအပှၤသုးဖိတဖၣ်လဲၤမၤသံပှၤဖလ့ၡသးဖိအဂၤခံ ကယၤလီၤ. အဝဲဟဲက့ၤစိာ်အတၢ်ခိၣ်ဖံးတဖၣ်ဆူစီၤပၤအအိၣ်ဒီးဂံၢ်အီၤခဲ လၢာ်လၢအမဲာ်ညါဒ်သိးကကဲထီၣ်ဝဲအမာ်န့ၣ်လီၤ. မၤသးဒ်န့ၣ်ဒီး, စီၤစီလူးဘၣ်ဟ့ၣ်လီၤအဖိမုၣ်နီၢ်မံကၤလး ဆူစီၤဒၤဝံးအအိၣ်လၢကတ့ကဖျီအသးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:26

ဖဲစီၤဒၤဝံးဟဲက့ၤဆူဝ့ၢ်စံကလးန့ၣ်အဝဲဆှၢလီၤ, တၢ်ဂုာ်န့ၢ်တနီၤဆူအတံၤသကိးပှၤခိၣ်ပှၤနၢ်တဖၣ်လၢကီၢ်ယူဒၤ အအိၣ်ဃုာ်ဒီးတၢ်ကစီၣ်စံးဝဲ, “အအံၤမ့ၢ်တၢ်ဟ့ၣ်တမံၤလၢသုဂီၢ်လၢပဟဲက့ၤစိာ်အီၤလၢ ယွၤအဒုၣ်အဒါတဖၣ်အအိၣ်န့ၣ်လီၤ.”