လံာ်စီၤၡမူၤအ့လးအခီၣ်ထံးတဘ့ၣ် 18:16 - Sgaw Karen Common Bible

¹⁶ ဘၣ်ဆၣ်ဒီးပှၤကိးဂၤဒဲးလၢကီၢ်အံၣ်စရ့လးဒီးကီၢ်ယူဒၤအပူၤ န့ၣ်အဲၣ်စီၤဒၤဝံးလီၤ. အဂ့ၢ်ဒ်အံၤ, အဝဲမ့ၢ်ခိၣ်နၢ်လၢအမၤန့ၢ်မၤနၢၤတၢ်ဒ်န့ၣ်တဂၤအဃိ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 3:7

အိယွၤ, ကစၢ်ယွၤဧၢ, ယမ့မ့ၢ်ဒံးဒၣ်လဲာ်ပှၤသးစၢ်ဒီးတသ့ၣ်ညါ လၢကဘၣ်ပၢတၢ်ဒ်လဲၣ်ဘၣ်ဆၣ်, နပျဲယကဲထီၣ်စီၤပၤလၢယပၢ်အလီၢ်န့ၣ်လီၤ.

လံာ်နီၢ်အ့ၤစတၢ် 10:3

ပှၤယူဒၤဖိစီၤမၢ်ဒကဲၤအိၣ်လၢလီၢ်လၤခံတီၤတတီၤဖဲ စီၤပၤအဃၤၡဝ့ရိၣ်အကစၢ်ဒၣ်ဝဲအဖီလာ်န့ၣ်လီၤ. အဝဲဘၣ်တၢ်ယူးယီၣ်တ့ၢ်ဒီးဘၣ်သူၣ်ဘၣ်သးတ့ၢ်အီၤလၢအပှၤယူဒၤ ဖိကဒဲကဒဲဒီးအီၤတဖၣ်လီၤ. အဝဲမၤတ့ၢ်တၢ်အဂ့ၤလၢအပှၤဂီၢ်မုၢ်အဂီၢ်ဒီးလၢကယဲၢ်အစၢၤ အသွဲၣ်တဖၣ်အတၢ်ဘံၣ်တၢ်ဘၢအဂီၢ်န့ၣ်လီၤ.

လံာ်တၢ်ဂံၢ် 27:17

ဒီးကဘၣ်မ့ၢ်ဝဲပှၤလၢအပၢဆှၢအဝဲသ့ၣ်လၢတၢ်ဒုးတၢ်ယၤ အပူၤဒ်သိးနပှၤဂီၢ်မုၢ်အသုတကဲထီၣ်ဒ်သိတဖၣ်လၢအပှၤကွၢ်သိ တအိၣ်ဘၣ်ဝဲအသိးန့ၣ်တဂ့ၤ.”

လံာ်လူၤကၣ် 19:48

ဘၣ်ဆၣ်ဒီးအဝဲသ့ၣ်ကဘၣ်မၤဝဲလၢကျဲဒ်လဲၣ်န့ၣ်တသ့ၣ်ညါဝဲဘၣ်. အဂ့ၢ်မ့ၢ်လၢပှၤဂီၢ်မုၢ်ဒိကနၣ်ဒံးအတၢ်စံးတၢ်ကတိၤ, ဒီးတအဲၣ်ဒိးလၢအတၢ်ကတိၤလဲၤပူၤကွံာ်အဝဲသ့ၣ်နီ တထံၣ်ဘၣ်အဃိလီၤ.

လံာ်လူၤကၣ် 20:19

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤလုၢ်တၢ်အခိၣ်အဒိၣ်တဖၣ်ဂုာ်ကျဲးစၢးဟံးဃာ် ယ့ၣ်ၡူးတဘျီဃီဖဲန့ၣ်, အဂ့ၢ်မ့ၢ်လၢအဝဲသ့ၣ်သ့ၣ်ညါလၢ ယ့ၣ်ၡူးကတိၤတၢ်ကတိၤဒိအဝဲအံၤထီဒါအဝဲသ့ၣ်အဃိ န့ၣ်လီၤ. ဘၣ်ဆၣ်ဒီးအဝဲသ့ၣ်ပျံၤပှၤဂီၢ်မုၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:13

မၤသးဒ်န့ၣ်ဒီး, စီၤစီလူးသုးကွံာ်အီၤဆူတၢ်လီၢ်အယံၤဒီး ပာ်အီၤလၢပှၤတကထိအသုးခိၣ်အလီၢ်လီၤ. စီၤဒၤဝံးပၢဆှၢအပှၤတဖၣ်လၢတၢ်ဒုးတၢ်ယၤအပူၤ

လံာ်စီၤၡမူၤအ့လးအခီၣ်ထံးတဘ့ၣ် 18:15

စီၤစီလူးပာ်သူၣ်ပာ်သးလၢစီၤဒၤဝံးအတၢ်မၤနၢၤဒီးကဲထီၣ် ပှၤပျံၤဘၣ်အီၤဒိၣ်န့ၢ်အလီၢ်တက့ၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:5

စီၤဒၤဝံးမၤန့ၢ်မၤနၢၤတၢ်လၢကယဲၢ်တၢ်ဖံးတၢ်မၤတဖၣ်လၢစီၤစီလူး မၢလီၤအီၤန့ၣ်လီၤ. မၤသးဒ်န့ၣ်ဒီး, စီၤစီလူးဒုးကဲထီၣ်အီၤလၢသုးခိၣ်တဂၤလၢ သုးမုၢ်အပူၤန့ၣ်လီၤ. တၢ်အံၤဘၣ်သူၣ်ဘၣ်သးကယဲၢ်စီၤစီလူးအသုးခိၣ်သုးနၢ်တဖၣ်ဒီး ပှၤသုးဖိတဖၣ်န့ၣ်လီၤ.