လံာ်စီၤၡမူၤအ့လးအခီၣ်ထံးတဘ့ၣ် 18:10 - Sgaw Karen Common Bible

¹⁰ လၢမုၢ်ဆ့ၣ်ထီၣ်တနံၤန့ၣ်, သးအအၢအသီတဖျၢၣ်လၢအဟဲလၢကစၢ်ယွၤ ဟဲလီၤဒီးပၢၤဃာ်စီၤစီလူးသတူၢ်ကလာ်လီၤ. ဒီးအဝဲဒၣ်ကတိၤကလီကလီတၢ်ဒ်တၢ်ပျုၢ်တဂၤအသိးလၢအဟံၣ်ပူၤ န့ၣ်လီၤ. စီၤဒၤဝံးတခီဒ့တနၢ်ဒ်ညီနုၢ်မၤဝဲကိးမုၢ်နံၤအသိးန့ၣ် လီၤ. စီၤစီလူးဟံးဃးဘီတဘ့ၣ်လၢအစုပူၤ,

လံာ်စီၤၡမူၤအ့လးအခီၣ်ထံးတဘ့ၣ် 18:10 Iomraidhean Croise

လံာ်စီၤပၤအခီၣ်ထံးတဘ့ၣ် 18:29

အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်, ဘၣ်ဆၣ်တၢ်စံးဆၢတဟဲနီတမံၤဘၣ်, တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.

လံာ်စီၤပၤအခီၣ်ထံးတဘ့ၣ် 22:12

ကယဲၢ်ဝံအဂၤတဖၣ်စံးတၢ်တမံၤဃီန့ၣ်လီၤ. လဲၤထီၣ်ဒုးတၢ်ထီဒါဝ့ၢ်ရၤမိးဒီးနကမၤနၢၤတၢ်န့ၣ်လီၤ. ယွၤကဟ့ၣ်နၤတၢ်မၤနၢၤန့ၣ်လီၤ.

လံာ်ယံးရမံယၤ 28:11

ဒီးစံးတၢ်လၢပှၤဂီၢ်မုၢ်ခဲလၢာ်အမဲာ်ညါဒ်အံၤ, “ယွၤစံးတ့ၢ်ဝဲလၢ အအံၤမ့ၢ်အဝဲကမၤကၢ်ကွံာ်နီၣ်ယိးဘိလၢ စီၤပၤနဘူၤကးန့စၢ် ပာ်ထီၣ်တ့ၢ်အီၤလၢ ပှၤကလုာ်ခဲလၢာ် အကိာ်လိၤဒ်လဲၣ် အဂ့ၢ်န့ၣ်လီၤ. အဝဲကမၤတၢ်အံၤ လၢခံနံၣ်အတီၢ်ပူၤန့ၣ်လီၤ.” အန့ၣ်ဝံၤဒီး, ယဟးထီၣ်ကွံာ်လီၤ.

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

၂ သ့းစၤလနံ 2:11

လၢတၢ်န့ၣ်အဃိ, ယွၤမၢလီၤတၢ်ဆိကမိၣ်လၢအဆှၢ ကမၣ်တၢ်ဆူၣ်ဆူၣ်ကလဲာ်လၢအဝဲသ့ၣ်အပူၤဒ်သိး အဝဲသ့ၣ်ကနာ်တၢ်လၢအတမ့ၢ်တတီဘၣ်,

လံာ်ပှၤစံၣ်ညီၣ်ကွီၢ် 16:20

တုၤနုၤတစု, ပိာ်မုၣ်န့ၣ်ကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” အဝဲပၢၢ်ထီၣ်ဒီးဆိကမိၣ်ဝဲ, “ယကထူၣ်ဖျဲးထီၣ်ဒ်ကိးဘျီဒဲးအသိးန့ၣ်လီၤ.” အဝဲတသ့ၣ်ညါဝဲလၢယွၤလဲၤသဒၣ်ကွံာ်အီၤလံန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 16:23

စးထီၣ်ဖဲန့ၣ်ဒီးဆူညါန့ၣ်, တဘျီလၢ်လၢ်ဖဲသးအၢလၢဘၣ်တၢ် ဆှၢလီၤအီၤလၢကစၢ်ယွၤဟဲလီၤလၢစီၤစီလူးအလိၤန့ၣ်, စီၤဒၤဝံးဟံးထီၣ်အတနၢ်ဒီးဒ့ထီၣ်အီၤလီၤ. သးအၢဟးထီၣ်ကွံာ်ဝဲဒီးစီၤစီလူးအိၣ်မုာ်က့ၤဝဲဒီးဘၣ်လီၢ်ဘၣ်စးက့ၤကဒီးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:9

မၤသးဒ်န့ၣ်ဒီး, စးထီၣ်လၢမုၢ်တနံၤန့ၣ်, အဝဲဒၣ်အသးက့ၣ်သးကါဒီးသးဒ့ဒီလၢစီၤဒၤဝံးအဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:10

စီၤစီလူးကျဲးစၢးဝဲဒ်သိးကဆဲးတံၢ်စီၤဒၤဝံးလၢဂီၤပၤအလိၤလၢ အဘီလီၤ. ဘၣ်ဆၣ်ဒီး, စီၤဒၤဝံးပဒ့ၣ်အသးဒီးဘီန့ၣ်စဲဘူးအသးလၢဂီၤ ပၤလိၤဒီးစီၤဒၤဝံးဃ့ၢ်ထီၣ်ကွံာ်ဝဲဒီးပူၤဖျဲးဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:7

မၤသးဒ်န့ၣ်ဒီး, စီၤယိၤနၤသၣ်ကိးစီၤဒၤဝံးဒီးတဲဘၣ်အီၤ တၢ်ကိးမံၤဒဲးလီၤ. အန့ၣ်ဝံၤဒီးအဝဲလဲၤကိးစီၤဒၤဝံးဆူစီၤစီလူးအအိၣ်, ဒီးစီၤဒၤဝံးမၤတၢ်ခ့တၢ်ပှၤအတၢ်မၤလၢစီၤပၤအဂီၢ်ဒ်အညီ နုၢ်မၤဝဲအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:9

တနံၤန့ၣ်, သးအအၢအသီတဖျၢၣ်လၢအဟဲလၢယွၤဟံးဃာ်စီၤစီလူးလီၤ. အဝဲဆ့ၣ်နီၤလၢအဟံၣ်ပူၤဃုာ်ဒီးအဘီအိၣ်လၢအစုပူၤလီၤ. ဒီးစီၤဒၤဝံးအိၣ်ဖဲန့ၣ်ဒ့တနၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.