လံာ်စီၤၡမူၤအ့လးအခီၣ်ထံးတဘ့ၣ် 18:1 - Sgaw Karen Common Bible

¹ စီၤစီလူးဒီးစီၤဒၤဝံးမၤဝံၤအတၢ်ကတိၤသကိးန့ၣ်လီၤ. တၢ်န့ၣ်အလီၢ်ခံစီၤစီလူးအဖိခွါစီၤယိၤနသၣ်ဘၣ်သူၣ်ဘၣ်သး လၢစီၤဒၤဝံးဒိၣ်မးဒီးအဲၣ်ဘၣ်အီၤဒ်အအဲၣ်လီၤအသးဒၣ်ဝဲ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:1 Iomraidhean Croise

လံာ်တၢ်ကဲထီၣ်အခီၣ်ထံး 44:30

စီၤယူဒၤစံးကဒီးဝဲ, “ကစၢ်ဧၢ, ဒီးခဲကနံၣ်အံၤ, ယမ့ၢ်က့ၤကဒါက့ၤဆူယပၢ်အအိၣ်တအိၣ်ဒီးပိာ်ခွါဖိသၣ်အံၤဘၣ် ဒီး, တစုဃီဖဲအဝဲထံၣ်ဝဲလၢပိာ်ခွါဖိအံၤတအိၣ်ဒီးယၤဘၣ်န့ၣ်, အဝဲကသံလီၤ. အဂ့ၢ်ဒ်အံၤ, အဝဲအသးသမူအိၣ်စၢဘိၣ်ဘံအသးဒီးပိာ်ခွါဖိသၣ် န့ၣ်အသးသမူ,

လံာ်စီၤၡမူၤအ့လးခံဘ့ၣ်တဘ့ၣ် 1:26

ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်. နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:17

စီၤဒၤဝံးလဲၤထီၣ်သဂၢၢ်အဝဲသ့ၣ်ဒီးစံးဝဲ, “သုမ့ၢ်ဟဲဒ်တံၤသကိးတဖၣ်လၢကမၤစၢၤယၤအဂီၢ်န့ၣ်ဒီးယတူၢ် လိာ်မုာ်သုဖဲအံၤလီၤ. အိၣ်သကိးဒီးပှၤတက့ၢ်. ဘၣ်ဆၣ်သုမ့ၢ်ဟဲဒ်သုကဟ့ၣ်လီၤယၤဆူယဒုၣ်ယဒါတဖၣ်အစုပူၤန့ၣ် ဒီးယမ့ၢ်တကျဲးစၢးမၤဆါသုဒၣ်လဲာ်န့ၣ်, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤကသ့ၣ်ညါဝဲဒီးကစံၣ်ညီၣ် သုန့ၣ်လီၤ.”

စံးထီၣ်ပတြၢၤ 86:11

ယွၤဧၢ, နဲၣ်လိယၤလၢနကျဲဒ်သိး ယကလဲၤတၢ်လၢနတၢ်မ့ၢ်တၢ်တီအပူၤ, ဒီးဟ့ၣ်ယၤတၢ်သးစၢၢ်ဆၢပံၢ်ကလာ် လၢယကပျံၤနမံၤအဂီၢ်တက့ၢ်.

တၢ်ကတိၤဒိ. 18:24

တၢ်ရ့တံၤရ့သကိးတနီၤနီၤန့ၣ်တဂၢၢ်တကျၢၤဘၣ်. ဘၣ်ဆၣ်ဒီးတံၤသကိးတနီၤနီၤမ့ၢ်ပှၤသးတီအါန့ၢ်ဒီပုၢ်ဝဲၢ် တဖၣ်တက့ၢ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:11

ပှၤကိးဂၤဒဲးလၢအံၣ်စရ့လးအပူၤပာ်ဖှိၣ်ထီၣ်အသးလၢတၢ်တိာ် တမံၤဃီ, လၢအကဒုးဝ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:45

ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:1

စီၤစီလူးတဲဘၣ်အသုးခိၣ်သုးနၢ်တဖၣ်ဒီးအဖိခွါစီၤယိနၤ သၣ်လၢအဝဲကူၣ်ထီၣ်ကျဲၤလီၤဝဲဒ်သိးကမၤသံစီၤဒၤဝံးလီၤ. ဘၣ်ဆၣ်ဒီးစီၤယိနၤသၣ်အဲၣ်ဘၣ်စီၤဒၤဝံးဒိၣ်မးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:2

မၤသးဒ်န့ၣ်ဒီး, စီၤယိနၤသၣ်စံးဘၣ်စီၤဒၤဝံး, “ယပၢ်ကျဲးစၢးဒ်သိးကမၤသံနၤလီၤ. ခဲမုၢ်ဆ့ၣ်တနံၤန့ၣ် ဝံသးစူၤပလီၢ်နသးဂ့ၤဂ့ၤတက့ၢ်. အိၣ်ခူသူၣ်လၢတၢ်လီၢ်ခူသူၣ်တတီၤဒီးအိၣ်ဖဲန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:17

မၤကဒီးတစု, စီၤယိနၤသၣ်မၢစီၤဒၤဝံးမၤတၢ်အၢၣ်လီၤအီ လီၤလၢကအဲၣ်အီၤလီၤ. အဂ့ၢ်ဒ်အံၤစီၤယိနၤသးအဲၣ်စီၤဒၤဝံးဒ်အအဲၣ်လီၤအသးဒၣ်ဝဲ အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:8

ဝံသးစူၤမၤဘျုးယၤလၢတၢ်တမံၤအံၤဒီးဟံးဃာ်တၢ်အၢၣ်လီၤစီဆှံလၢနမၤအီၤဒီးယၤတက့ၢ်. ဘၣ်ဆၣ်ဒီး, ယတၢ်ကမၣ်မ့ၢ်အိၣ်န့ၣ်မၤသံကွံာ်ယၤလၢနနီၢ်ကစၢ်ဒၣ်နဲတက့ၢ်. ဘၣ်မနုၤနကဘၣ်လဲၤကိးယၤဆူနပၢ်အအိၣ်ဒ်သိးကမၤသံယၤန့ၣ် လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 22:8

တၢ်န့ၣ်မ့ၢ်တၢ်ဂ့ၢ်လၢသုကူၣ်ထီၣ်ဖးလီၤထီဒါယၤန့ၣ်ဧါ. ယဖိခွါဒၣ်ယဲမၤတၢ်ဒီသိၣ်ဒီမှံၤဒီးစီၤဒၤဝံးန့ၣ် သုတတဲဘၣ်ယၤ နီတဂၤဘၣ်. ပှၤတသူၣ်အိၣ်သးအိၣ်ယၤမ့ၢ်ဂ့ၤ, တဲဘၣ်ယၤလၢစီၤဒၤဝံး, ပှၤလၢယပှၤဒၣ်ယဲအကျါတဂၤန့ၣ်ခဲအံၤဃုတၢ်အခွဲးအယာ်ဒ်သိး ကမၤသံယၤဒီးယဖိခွါဟ့ၣ်ဂံၢ်ဟ့ၣ်ဘါအီၤအဂ့ၢ်မ့ၢ်ဂ့ၤန့ၣ် နီတဂၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 23:18

ပှၤခံဂၤန့ၣ်မၤတၢ်ဒီတံၤဒီသကိးလိာ်အတၢ်အၢၣ်လီၤအီလီၤအစီအဆှံတမံၤလီၤ. စီၤဒၤဝံးအိၣ်ဝဲဖဲဃိရဲးဒီးစီၤယိၤနၤသၣ်က့ၤဆူအဟံၣ် လီၤ.