လံာ်စီၤၡမူၤအ့လးအခီၣ်ထံးတဘ့ၣ် 17:58 - Sgaw Karen Common Bible

⁵⁸ စီၤစီလူးသံကွၢ်အီၤ, “ပှၤသးစၢ်ဧၢ, နမ့ၢ်မတၤအဖိခွါ လဲၣ်.” စီၤဒၤဝံးစံးဆၢဝဲဒၣ်, “ယမ့ၢ်နခ့နပှၤစီၤယံးၡဲလၢဝ့ၢ်ဘ့ၤသလ့ဃ့ၣ်တခီအဖိခွါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:58 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:32

စီၤယိၤအာ်ဒီးအပှၤတဖၣ်ဟံးန့ၢ်စီၤဧစၤအ့လးအစိၣ်ဒီးခူၣ်လီၤကွံာ်အီၤ ဖဲအဒူၣ်ဖိထၢဖိအသွၣ်ခိၣ်လၢဝ့ၢ်ဘ့ၤသလ့ဃ့ၣ် အပူၤန့ၣ်လီၤ. အန့ၣ်ဝံၤဒီး, အဝဲသ့ၣ်လဲၤတၢ်သီတနၤကျၢၤဒီးလၢမုၢ်ဆ့ၣ်ထီၣ် ဂီၤဂီၤန့ၣ်ဟဲက့ၤတုၤကဒါက့ၤဆူဝ့ၢ်ဃ့ဘြိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:12

စီၤဒၤဝံးမ့ၢ်, ပှၤအ့ဖရၤသးဖိလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤ, စီၤယံးၡဲအဖိခွါန့ၣ်လီၤ. စီၤယံးၡဲအဖိခွါအိၣ်ဃိးဂၤဒီးဖဲစီၤစီလူးကဲစီၤပၤ န့ၣ်, စီၤယံးၡဲမ့ၢ်ပှၤသးပှၢ်တဂၤလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:6

နပၢ်မ့ၢ်ပာ်သူၣ်ပာ်သးလၢယတအိၣ်လၢစီၢ်နီၤခိၣ်အဃၢၤဘၣ်ဒီးတဲ ဘၣ်အီၤလၢယဃ့နၤတၢ်ပျဲဒ်သိးယကက့ၤဆူဟံၣ်ချ့ချ့လၢ ဝ့ၢ်ဘ့ၤသလ့ဃ့ၣ် န့ၣ်တက့ၢ်. မ့ၢ်ဝဲတၢ်ဆၢကတီၢ်လၢတနံၣ်တဘျီ တၢ်လုၢ်တၢ်ပာ်အကတီၢ်လၢပဝဲဒူၣ်ဖိထၢဖိဒီဒူၣ်ညါအဂီၢ်န့ၣ်လီၤ.