လံာ်စီၤၡမူၤအ့လးအခီၣ်ထံးတဘ့ၣ် 17:53 - Sgaw Karen Common Bible

⁵³ ဖဲပှၤအံၣ်စရ့လးဖိတဖၣ်ဟဲက့ၤလၢအတၢ်လူၤကျီပှၤဖလ့ၡသးဖိ တဖၣ်န့ၣ်, အဝဲသ့ၣ်ဂုာ်န့ၢ်ပှၤဖလ့ၡသးဖိအသူၣ်ဒဲလီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:53 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:10

ဘၣ်ဆၣ်အဝဲဆၢထၢၣ်ဂၢၢ်ကျၢၤဝဲဒီးဒုးပှၤဖလ့ၡသးဖိတဖၣ် တုၤလၢအစုလီၤဘှါဒိၣ်မး, တုၤဒၣ်လဲာ်အစုလၣ်လၢအစှီၤဃးနးန့ၣ်အိၣ်ဃံးတံာ်အသးဒီးသလၣ် ထီၣ်က့ၤဝဲလၢကပျဲကွံာ်နးတန့ၢ်ဘၣ်လီၤ. ယွၤအိၣ်ဒီးတၢ်မၤနၢၤဖးဒိၣ်လၢမုၢ်တနံၤန့ၣ်လီၤ. တၢ်န့ၣ်ဝံၤအလီၢ်ခံ, ပှၤအံၣ်စရ့လးဖိတဖၣ်ဟဲက့ၤကဒါက့ၤဆူ တၢ်လီၢ်ဖဲစီၤအလၤဧစၢ်အိၣ်ဝဲဒီးဟံးန့ၢ်ကွံာ်ပှၤသံတဖၣ်အစုကဝဲၤန့ၣ်လီၤ.

လံာ်ယံးရမံယၤ 30:16

ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:52

ကီၢ်အံၣ်စရ့လးဒီးကီၢ်ယူဒၤအပှၤတဖၣ်ကိးပသူထီၣ်ဒီးလူၤထွဲ အဝဲသ့ၣ်အခံ, ဖီၣ်အီၤမၤဒၢၣ်အီၤလၢကျဲဒီဘိညါဆူဝ့ၢ်ကၤသးဒီး ဆူဝ့ၢ်ဧ့ကြိၣ်အကျဲစၢၤတဖၣ်န့ၣ်လီၤ. ပှၤဖလ့ၡသးဖိတဖၣ်ဘၣ်ဒိဘၣ်ထံးလီၤဃံၤလၢကျဲလဲၤဆူဝ့ၢ်ၡၤရဲၣ်ဒီဘိညါ ဒီးတုၤဒၣ်လဲာ်ဆူဝ့ၢ်ဧ့ကြိၣ်ဒီး ဝ့ၢ်ကၤသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:54

စီၤဒၤဝံးဟံးထီၣ်စီၤကၤလယးအခိၣ်ဒီးဟဲက့ၤစိာ်အီၤဆူဝ့ၢ်ယရူၤၡလ့ၣ်လီၤ. မ့မ့ၢ်စီၤကၤလယးအစုကဝဲၤတဖၣ်န့ၣ်ပာ်ဃးဝဲလၢအဒဲပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”