လံာ်စီၤၡမူၤအ့လးအခီၣ်ထံးတဘ့ၣ် 17:51 - Sgaw Karen Common Bible

⁵¹ အဝဲဃ့ၢ်ဆူစီၤကၤလယးအအိၣ်, ဆၢထၢၣ်လၢအဖီခိၣ်, ဟံးန့ၢ်အနးလၢအတြိးပူၤဒီး ကျီတဲာ်ကွံာ်ဝဲအခိၣ်ဒီးမၤသံကွံာ်အီၤန့ၣ်လီၤ. ဖဲပှၤဖလ့ၡသးဖိတဖၣ်ထံၣ်ဘၣ်ဝဲလၢအဝဲသ့ၣ်အပှၤဒူပှၤဃိၤသံ လံန့ၣ်, ထွးထီၣ်ဃ့ၢ်ကွံာ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:51 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:21

အဝဲမၤသံကွံာ်စ့ၢ်ကီးပှၤအဲၤကူပတူးဖိတဂၤ, လၢအမ့ၢ်ပှၤတဂၤလၢအနီၢ်ကစၢ်ဖးဒိၣ်အိၣ်ဒီးအဘီတဘ့ၣ် လၢအစိာ်ဃးဝဲဒ်အစုကဝဲၤအသိးန့ၣ်လီၤ. စီၤဘနါယၤဒုးအီၤလၢအနီၣ်တီၢ်ဒီးဂုာ်န့ၢ်ဘီတဘ့ၣ်န့ၣ်ချ့သဒံး လၢပှၤအဲၤကူပတူးဖိအစုပူၤဒီးမၤသံကွံာ်အီၤလၢဘီ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:7

တုၤလၢတၢ်အိပူၤတဘျီဃီအဝဲသ့ၣ်လဲၤနုာ်ဆူစီၤအံၤၡဘိၡ့း အမံဒၢးပူၤ, ဖဲအဝဲမံဘၣ်အသးဒီးအနၢ်လီၤဝဲအခါ, ဒီးမၤသံကွံာ်အီၤန့ၣ်လီၤ. အန့ၣ်ဒီးအဝဲသ့ၣ်ကျီတဲာ်ကွံာ်အခိၣ်ဒီး က့ၤစိာ်ဝဲဒီးလဲၤတၢ်သီတနၤကျၢၤလၢထံကျိယၢ်ဒ့ၣ် အတၢ်တြီၤပူၤန့ၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

လံာ်စီၤၡမူၤအ့လးအခီၣ်ထံးတဘ့ၣ် 17:50

မၤသးဒ်န့ၣ်ဒီး, စီၤဒၤဝံးမၤနၢၤဒီးမၤသံကွံာ်စီၤကၤလယး လၢနီၣ်ဘျုးတခါဒီးလၢၢ်တဖျၢၣ်, တအိၣ်ဒီးနးတဘ့ၣ်ဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:10

မၤသးဒ်န့ၣ်ဒီး, စီၤဒၤဝံးထွးထီၣ်ဃ့ၢ်လၢစီၤစီလူးအအိၣ် ဒီးလဲၤဆူဝ့ၢ်ကၤသးအစီၤပၤစီၤအၤကံၣ်အအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:9

စီၤအဃံၤမ့လ့းစံးဆၢဝဲ, “ယအိၣ်ဒီးပှၤဖလ့ၡသးဖိစီၤကၤလယး လၢနမၤသံတ့ၢ်အီၤလၢအ့လၤတၢ်တြီၤန့ၣ်အနးလီၤ. အိၣ်လၢအ့ဖိးအလီၢ်ခံ, တၢ်ဘိၣ်ဘံဃးအီၤလၢတၢ်ကံးယာ်လီၤ. နမ့ၢ်သးလီအီၤဒီးဟံးန့ၢ်တက့ၢ်. တၢ်န့ၣ်မ့ၢ်တၢ်စုကဝဲၤထဲတမံၤဧိၤ လၢအအိၣ်ဖဲအံၤန့ၣ်လီၤ.” စီၤဒၤဝံးစံးဝဲ, “ဟ့ၣ်ယၤတၢ်န့ၣ်တက့ၢ်. နးလၢဂ့ၤဒိၣ်န့ၢ်ဒံးနးအဝဲအံၤတအိၣ်လၢတၢ်လီၢ်နီတပူၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 31:9

အဝဲသ့ၣ်ကူးတဲာ်စီၤစီလူးအခိၣ်ဒီးဘ့ၣ်လီၤကွံာ်ဝဲအသဃိး ဒီးဆှၢလီၤပှၤစိာ်တၢ်ကစီၣ်တဖၣ်သကူၤကီၢ်ဖလ့ၡသးဒ်သိးကတဲ တၢ်သးခုကစီၣ်ဆူအတၢ်ဂီၤတၢ်ဖီၣ်တဖၣ်ဒီးအပှၤဂီၢ်မုၢ်အအိၣ်လီၤ.