လံာ်စီၤၡမူၤအ့လးအခီၣ်ထံးတဘ့ၣ် 17:46 - Sgaw Karen Common Bible

⁴⁶ တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:46 Iomraidhean Croise

လံာ်တၢ်ကဲထီၣ်အခီၣ်ထံး 40:19

လၢသၢသီအတီၢ်ပူၤန့ၣ်, စီၤပၤကမၤထူၣ်ဖျဲးနၤဒီးကဒီၣ်တဲာ် ကွံာ်နခိၣ်လီၤ. ဒီးကဘျးလီၤစဲၤနနီၢ်ခိလၢထူၣ်တထူၣ်အလိၤဒီးထိၣ်တဖၣ်ကအီၣ် ကွံာ်နဖံးနညၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 18:28

စီၤအဃံမ့ၤဧးကိးထီၣ်တၢ်ဆၢဂ့ၤဆၢဝါဆူစီၤပၤအအိၣ်, စုးလီၤအသးလၢဟီၣ်ခိၣ်လိၤလၢစီၤပၤအမဲာ်ညါဒီးစံးဝဲဒၣ်, “စံးထီၣ်ပတြၢၤယွၤ, နကစၢ်ယွၤလၢအဟ့ၣ်လီၤနၤတၢ်မၤနၢၤလၢ ပှၤတဖၣ်လၢအပူထီၣ်ထီဒါနဲဒၣ်တၢ်ဒိၣ်ကစၢ်စီၤပၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 21:10

အန့ၣ်ဝံၤဒီးစီၤစီလူးအသံၣ်မါလၢအမ့ၢ်စီၤအၤယၤအဖိမုၣ် နီၢ်ရံးစဖၤသူဝဲထၢၣ်တၢ်ကံးညာ်ဒ်သိးကမၤတၢ်ဒုးခိၣ်လၢ အနီၢ်ကစၢ်ဒၣ်ဝဲအဂီၢ် လၢလ့အဖီခိၣ်ဖဲတၢ်အခိၣ်တဖၣ်အိၣ်ဝဲအလီၢ် ဒီးအဝဲဒၣ်အိၣ်ဆိးဝဲဖဲန့ၣ်စးထီၣ်လၢတၢ်ကူးဘုအကတီၢ် တုၤလီၤလၢတၢ်စူၤလီၤသီအကတီၢ်တုၤဝဲန့ၣ်လီၤ. လၢမုၢ်ဆါအကတီၢ်န့ၣ်အဝဲကနီၣ်ကွံာ်ထိၣ်ဧိၤလံာ်ဧိၤတဖၣ်လၢတၢ်အစိၣ်တဖၣ် အဖီခိၣ်ဒီးလၢမုၢ်နၤအကတီၢ်န့ၣ်, အဝဲကအံးထွဲကွၢ်ထွဲတၢ်စိၣ်တဖၣ်န့ၣ်, ဒ်သိးဆၣ်ဖိကီၢ်ဖိအမံၤတဖၣ်သုတဟဲတဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:43

ဒိကနၣ်လၢ်အဝဲအတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်နဲဆိးနဲအလီၢ်န့ၣ်, ဒိကနၣ်လၢ်အီၤဒီးမၤတၢ်လၢအဝဲဃ့ဝဲလၢနကမၤန့ၢ်အီၤဒ်သိး ကယဲၢ်ပှၤဂီၢ်မုၢ်အိၣ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးစူၢ်နၤဒ်နပှၤဂီၢ်မုၢ်အံၣ်စရ့လးဖိမၤဝဲအသိး န့ၣ်တက့ၢ်. တုၤနုၤတစု, အဝဲသ့ၣ်ကသ့ၣ်ညါဝဲဒၣ်လၢယွၤအတၢ်လုၢ်ဟံၣ်လၢ ယသူၣ်ထီၣ်တ့ၢ်လံအီၤအံၤမ့ၢ်တၢ်လီၢ်တတီၤလၢနကဘၣ်တၢ်ဘူၣ်ထီၣ် ဘါထီၣ်နၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:60

ဒီးလၢတၢ်န့ၣ်အဃိ, ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ်ညါဝဲ လၢယွၤထဲတဂၤဧိၤအံၤမ့ၢ်ကစၢ်ယွၤ, ဒီးကစၢ်ယွၤအဂုၤအဂၤတအိၣ်ဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:19

ခဲကနံၣ်အံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ် ဖိတဖၣ်အစုပူၤဒ်သိးကယဲၢ်ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ် ညါဝဲလၢထဲနၤတဂၤဧိၤနမ့ၢ်ကစၢ်ယွၤတက့ၢ်, အိယွၤဧၢ.”

လံာ်စီၤပၤခံဘ့ၣ်တဘ့ၣ် 5:15

အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

စံးထီၣ်ပတြၢၤ 31:8

နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်. နဟ့ၣ်ယၤတၢ်သဘျ့လၢ ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

လံာ်တၢ်ဟးထီၣ်ကွံာ် 9:16

ဘၣ်ဆၣ်ယပာ်မူနၤဒ်သိးယကဒုးနဲၣ်နၤလၢယစိယကမီၤဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ယၡါယၤ 56:9

ယွၤစံးဘၣ်တခီဘီမုၢ်အပှၤကလုာ်တဖၣ်လၢ ကဟဲဒ်ဆၣ်ဖိကီၢ်ဖိအမံၤတဖၣ်အသိးဒီးအီၣ်ကွံာ် အပှၤဂီၢ်မုၢ်န့ၣ်လီၤ.

လံာ်ယံးရမံယၤ 19:7

ဖဲတၢ်လီၢ်အံၤအပူၤန့ၣ်, ယကမၤသဘံၣ်ဘုၣ်ကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်အတၢ်ကူၣ်ကျဲၤခဲလၢာ်န့ၣ်လီၤ. ယကပျဲအဝဲသ့ၣ်အဒုၣ်အဒါတဖၣ်မၤနၢၤအဝဲသ့ၣ်ဒီးမၤသံအဝဲသ့ၣ်လၢ တၢ်ဒုးတၢ်ယၤအပူၤန့ၣ်လီၤ. ယကဟ့ၣ်လီၤအဝဲသ့ၣ်အစိၣ်တဖၣ်ဆူ ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်အအိၣ်ဒ်တၢ်အီၣ်အသိးန့ၣ်လီၤ.

လံာ်ယံးရမံယၤ 34:20

ယကဟ့ၣ်လီၤအဝဲသ့ၣ်ဆူ အဒုၣ်အဒါတဖၣ်လၢအသးအိၣ်မၤသံကွံာ် အဝဲသ့ၣ်အစုပူၤ, ဒီးအဝဲသ့ၣ်အစိၣ်တဖၣ်န့ၣ်, ထိၣ်ဒီး ဆၣ်ဖိကီၢ်ဖိ အမံၤတဖၣ်ကအီၣ်ကွံာ်အီၤန့ၣ်လီၤ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်မးသဲ 24:28

တၢ်လီၢ်တပူၤလၢ်လၢ်ဖဲတၢ်သံစိၣ်အိၣ်ဝဲန့ၣ်, လီတာ်ကအိၣ်ဖှိၣ်ဖဲန့ၣ်လီၤ.

လံာ်သိၣ်လီၤသီလီၤတၢ် 28:26

ဖဲသုသံန့ၣ်, ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်ကဟဲဒီးအီၣ် ကွံာ်သုစိၣ်တဖၣ်, ဒီးပှၤတအိၣ်ဘၣ်နီတဂၤလၢကမၤပျံၤမၤဖုးဒီးဃါကွံာ်အဝဲသ့ၣ် န့ၣ်ဘၣ်.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 7:23

ယွၤကဟ့ၣ်လီၤကွံာ်သုဒုၣ်သုဒါတဖၣ်ဆူသုစုပူၤဒီးမၤပျံၤ အီၤဒိၣ်ဒိၣ်ကလဲာ်တုၤလၢအဝဲသ့ၣ်ဘၣ်တၢ်မၤဟးဂီၤကွံာ်အီၤတစု န့ၣ်လီၤ.

လံာ်စီၤယိၤၡူ 10:8

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. ယဟ့ၣ်လီၤတ့ၢ်နၤတၢ်မၤနၢၤလံ. ပှၤလၢအဆၢထၢၣ်ထီဒါနၤသ့တအိၣ်နီတဂၤဘၣ်.”

လံာ်စီၤယိၤၡူ 4:24

လၢတၢ်ဂ့ၢ်အံၤအဃိ, ပှၤအိၣ်လၢဟီၣ်ခိၣ်ချၢခဲလၢာ်ကသ့ၣ် ညါလၢယွၤအစိကမီၤဒိၣ်ဝဲထဲလဲၣ်, ဒီးသုကမၤလၤကပီၤယွၤ သုကစၢ်ယွၤအစိၤစိၤအဃၣ်ဃၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:44

အဝဲတၤစီၤဒၤဝံးစံးဝဲ, “ဟဲဃီၤ, ယကဒုးအီၣ်နညၣ်လၢထိၣ် တဖၣ်ဒီးဆၣ်ဖိကီၢ်ဖိတဖၣ်လီၤ.”