လံာ်စီၤၡမူၤအ့လးအခီၣ်ထံးတဘ့ၣ် 17:4 - Sgaw Karen Common Bible

⁴ ပှၤလၢအမံၤမ့ၢ်စီၤကၤလယးလၢဝ့ၢ်ကၤသးတဂၤန့ၣ်ဟဲထီၣ်လၢပှၤ ဖလ့ၡသးဖိတဖၣ်အသူၣ်ဒဲအလီၢ်ပူၤဒ်သိးကတၤပှၤအံၣ်စရ့လးဖိ တဖၣ်န့ၣ်လီၤ. အဝဲအဂီၤအထီအိၣ်ဝဲဃုပျၢ်အဘျဲၣ်,

လံာ်စီၤၡမူၤအ့လးအခီၣ်ထံးတဘ့ၣ် 17:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 11:23

အဝဲမၤသံကွံာ်စ့ၢ်ကီးပှၤအဲၤကူပတူးဖိတဂၤ, ပှၤဖးဒိၣ်လၢအနီၢ်ထီယဲၢ်ပျၢ်ဒီးဖီၣ်ဃးအဘီဖးဒိၣ်လၢအစု ပူၤန့ၣ်လီၤ. ဘၣ်ဆၣ်စီၤဘနါယၤလဲၤလီၤဆူအအိၣ်ဒီးထီဒါအီၤဒီးနီၣ်တီၢ် တဘိ, ဂုာ်န့ၢ်ဘီလၢပှၤအဲၤကူပတူးဖိအစုပူၤဒီးမၤသံကွံာ်အီၤ လၢဘီအဝဲန့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်စီၤယိၤၡူ 11:22

ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:23

ဖဲအကတိၤတၢ်ဒီးအဝဲသ့ၣ်အဖၢမုၢ်န့ၣ်စီၤကၤလယးဟဲထီၣ်ဆူညါ ဒီးတၤပှၤအံၣ်စရ့လးဖိတဖၣ်ဒ်အမၤတ့ၢ်ဝဲလၢညါအသိးန့ၣ် လီၤ. ဒီးစီၤဒၤဝံးနၢ်ဟူအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:3

ပှၤဖလ့ၡသးဖိတဖၣ်ရဲၣ်လီၤအသးလၢတၢ်လူၢ်တဖျၢၣ်အလိၤ, ဒီးပှၤအံၣ်စရ့လးဖိတဖၣ်လၢတၢ်လူၢ်အဂၤတဖျၢၣ်အလိၤလီၤ. အဝဲသ့ၣ်ခံခီယၢ်ခီအဘၢၣ်စၢၤန့ၣ်တၢ်တြီၤအိၣ်ဝဲဒၣ်တခါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:5

ဒီးသိးဃာ်ဝဲဆ့ကၤဒုးသုးလၢတၢ်ဘှီအီၤလၢတိၢ်ဘီဒီး အတယၢၣ်အိၣ်ဝဲၡက့လးယဲၢ်ကထိဒီးသုးအခိၣ်သလုးတိၢ်ဘီ တဖျၢၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:4

ဖဲစီၤစီလူးနၢ်ဟူလၢစီၤဒၤဝံးဃ့ၢ်ဆူဝ့ၢ်ကၤသးဒီးအဝဲ ဆိကတီၢ်ကွံာ်အတၢ်ဃုစီၤဒၤဝံးန့ၣ်လီၤ.