လံာ်စီၤၡမူၤအ့လးအခီၣ်ထံးတဘ့ၣ် 17:36 - Sgaw Karen Common Bible

³⁶ ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:36 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:17

လံာ်ပရၢလၢစီၤပၤဖးဒိၣ်ကွဲးတ့ၢ်ဝဲန့ၣ်, မ့ၢ်တၢ်တၤတၢ်ဒီးယွၤ, အံၣ်စရ့လးအကစၢ်ယွၤန့ၣ်လီၤ. တၢ်ကွဲးစံးဝဲ, “ပှၤကလုာ်တဖၣ်အကစၢ်တဖၣ်တမၤပူၤမၤဖျဲးအဝဲသ့ၣ်အပှၤဂီၢ်မုၢ် လၢယတၢ်စိတၢ်ကမီၤအဖီလာ်ဘၣ်. ဒီးဒ်န့ၣ်အသိးစီၤဃံးစကံၤယၤမၤပူၤမၤဖျဲးအပှၤဂီၢ်မုၢ်လၢ ယစုပူၤတသ့ဘၣ်.

လံာ်ယၡါယၤ 10:15

ဘၣ်ဆၣ်ဒီးယွၤစံးဝဲဒၣ်, “ကွါတဘ့ၣ်စံးလီၤအသးလၢအ ဒိၣ်န့ၣ်ဒံးပှၤလၢအသူအီၤတဂၤန့ၣ်ကသ့ဧါ. ထးဘူးတဲာ်မ့ၢ် အကါဒိၣ်န့ၣ်ဒံးပှၤလၢအဘူးတဲာ်တၢ်လၢအီၤတဂၤန့ၣ်ဧါ. နီၣ်တီၢ်တယၤထီၣ်ပှၤကညီတဂၤန့ၣ်ဘၣ်. မ့မ့ၢ်, ပှၤကညီယၤထီၣ်နီၣ်တီၢ်တခီန့ၣ်လီၤ.”

လံာ်ယၡါယၤ 36:15

ဒီးပျဲအကတိၤလွဲန့ၢ်သုလၢသုကသန့ၤသုသးလၢယွၤန့ၣ်တဂ့ၤ. ဆိကမိၣ်လၢယွၤကအုၣ်က့ၤခီၣ်က့ၤသုဒီးကဆိကတီၢ်ပကီၢ် အၤၡူၢ်အသုးမုၢ်လၢကမၤန့ၢ်သုဝ့ၢ်အဂီၢ်တဂ့ၤ.

လံာ်ယၡါယၤ 36:18

ပျဲစီၤပၤဃံးစကံယၤလွဲန့ၢ်သုဆူတၢ်ဆိကမိၣ်လၢယွၤကမၤ ပူၤဖျဲးသုန့ၣ်တဂ့ၤ. ပှၤကလုာ်အဂၤအကစၢ်တဖၣ်မ့ၢ်အမၤပူၤဖျဲးတ့ၢ်အထံအကီၢ် တဖၣ်လၢကီၢ်အၤၡူၢ်အစီၤပၤဖးဒိၣ်အစုပူၤန့ၣ်ဧါ.

လံာ်ယဃ့းစက့လး 28:10

နကသံဒ်ထွံၣ်တဒုအသိးလၢပှၤတခီဘီမုၢ်ဖိတဖၣ်လၢ အယွၤတအိၣ်ဘၣ်အစုပူၤန့ၣ်လီၤ. ယၤ, ယွၤပၢဘၣ်တၢ်ခဲလၢာ် ကစၢ်ဟ့ၣ်လီၤအကလုၢ်န့ၣ်လီၤ.”

လံာ်ယဃ့းစက့လး 32:19

စံးဘၣ်အဝဲသ့ၣ်တက့ၢ်. မ့ၢ်သုဆိကမိၣ်လၢသုဃံလၤဒိၣ်န့ၢ် ဒံးပှၤအဂၤတက့ၢ်ဧါ. သုကလဲၤလီၤဆူတၢ်သံအကီၢ် ပူၤဒီးမံလီၤဖဲန့ၣ်လၢပှၤလၢအယွၤတအိၣ်တဖၣ်အကျါန့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:10

ဖဲအံၤယတၤပှၤအံၣ်စရ့လးဖိအသုးမုၢ်ခဲအံၤန့ၣ်လီၤ. သုဃုထၢပှၤတဂၤန့ၣ်ယဒုးအီၤဘူၣ်ယဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:35

ယလူၤထွဲအခံ, ဒုးအီၤ, ဒီးမၤပူၤဖျဲးသိဖိန့ၣ်လီၤ. ဒီးခ့ယုၢ်မ့ၢ်ဂ့ၤတၤသူမ့ၢ်ဂ့ၤမ့ၢ်ဃၣ်အသးလၢကမၤဒၢၣ်ယၤဒီး, ယစှီၤအီၤလၢအကိာ်ယူၢ်ဒီးတီၢ်အီၤတုၤအသံလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:37

ယွၤအုၣ်က့ၤခီၣ်က့ၤတ့ၢ်ယၤလၢခ့ယုၢ်တဖၣ်ဒီးတၤသူတဖၣ်သတးဒီး အဝဲကအုၣ်က့ၤခီၣ်က့ၤယၤလၢပှၤဖလ့ၡသးဖိတဂၤအံၤအစုပူၤ န့ၣ်လီၤ. စီၤစီလူးစံးဝဲဒၣ်, “ဂ့ၤလံ, လဲၤဒီးမ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 18:17

တုၤနုၤတစု, စီၤစီလူးစံးဘၣ်စီၤဒၤဝံး, “အဝဲအံၤမ့ၢ်ယဖိမုၣ်အဒိၣ်ကတၢၢ်နီၢ်မ့ရ့ာ်လီၤ. ယကဟ့ၣ်အီၤလၢနၤဒ်နမါလၢနမ့ၢ်ယခ့ယပှၤလၢအဒူဒီးပှၤသုးဖိ လၢအသးတီဒီးယၤဒီးဒုးယွၤအတၢ်ဒုးတဖၣ်အဃိန့ၣ်လီၤ.” (စီၤစီလူးဆိကမိၣ်ဝဲလၢ, လၢကျဲဒ်အံၤန့ၣ်ပှၤဖလ့ၡသးဖိတဖၣ် ကမၤသံစီၤဒၤဝံးဒီးအလီၢ်တအိၣ်ဘၣ်လၢအဝဲအနီၢ်ကစၢ်ဒၣ်ဝဲ ကမၤသံဘၣ်စီၤဒၤဝံးဘၣ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.