လံာ်စီၤၡမူၤအ့လးအခီၣ်ထံးတဘ့ၣ် 17:20 - Sgaw Karen Common Bible

²⁰ စီၤဒၤဝံးဂဲၤဆၢထၢၣ်လၢမုၢ်ဆ့ၣ်ထီၣ်တနံၤန့ၣ်ဂီၤဂီၤ, ပာ်တ့ၢ်ပှၤတဂၤလၢကဟံးန့ၢ်မူဒါဒီးကွၢ်ထွဲသိတဖၣ်, ဟံးထီၣ်တၢ်အီၣ်တၢ်အီဒီးလဲၤတၢ်ဒ်စီၤယံးၡဲစံးတ့ၢ်အီၤ အသိးလီၤ. အဝဲလဲၤတုၤဆူတၢ်သူၣ်ထီၣ်ဒဲအလီၢ်ဖဲပှၤအံၣ်စရ့လးဖိ တဖၣ်လဲၤထီၣ်ဆူတၢ်ဒုးတၢ်ယၤအလီၢ်, ကိးထီၣ်တၢ်ဒုးတၢ်ယၤ အကလုၢ်အကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:20 Iomraidhean Croise

လံာ်လူၤကၣ် 19:43

မုၢ်နံၤမုၢ်သီတဖၣ်ကဟဲတုၤအိၣ်နၤဖဲနဒုၣ်နဒါတဖၣ်ကကဝီၤဃာ်နၤ, မၤတံာ်တၢၤနကျဲဒီးသုးအသးဘူးထီၣ်ဆူနအိၣ်ကိးကပၤဒဲးလီၤ.

လံာ်စီၤယိၤၡူ 3:1

မုၢ်ဆ့ၣ်ထီၣ်တနံၤန့ၣ်, စီၤယိၤၡူဒီးအပှၤအံၣ်စရ့လးဖိခဲလၢာ်ဂဲၤဆၢထၢၣ်ဂီၤဂီၤ, ဟးထီၣ်ကွံာ်လၢသူၣ်ဒဲလီၢ်ၡံးတံၣ်, ဒီးလဲၤဝဲဆူထံ ကျိယၢ်ဒ့ၣ်ဒီးဖဲန့ၣ်အဝဲသ့ၣ်အိၣ်ခိး တၢ်လၢကခီဂာ်ဝဲအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:12

လၢမုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲလဲၤထီၣ်ဒ်သိးကထံၣ်လိာ် စီၤစီလူးန့ၣ်လီၤ. အဝဲနၢ်ဟူဝဲလၢစီၤစီလူးလဲၤဆူဝ့ၢ်ကၢ်မ့ၤလး, ဖဲအတ့ထီၣ်ကစၢ်ဒၣ်ဝဲအဂီၤလၢလၢၢ်ထူၣ်အလီၢ်န့ၣ်, ဝံၤဒီးလဲၤဝဲဆူဝ့ၢ်ကံးလကၤလးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:19

စီၤပၤစီၤစီလူးဒီးနဝဲၢ်တဖၣ်ဒီးပှၤအံၣ်စရ့လးဖိတဖၣ်အိၣ် လၢတၢ်တြီၤအ့လၤဒီးဒုးပှၤဖလ့ၡသးဖိတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:21

ပှၤဖလ့ၡသးဖိဒီးပှၤအံၣ်စရ့လးဖိအသုးမုၢ်တဖၣ်ဟံးန့ၢ်တၢ်လီၢ်တၢ်ကျဲလၢ ကဒုးတၢ်ယၤတၢ်အဂီၢ်ဒီးကွၢ်ဆၢၣ်မဲာ်လိာ်အသး လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:28

စီၤအ့လံအာ်လၢအမ့ၢ်စီၤဒၤဝံးအဝဲၢ်အဒိၣ်ကတၢၢ်နၢ်ဟူ စီၤဒၤဝံးကတိၤတၢ်ဒီးပှၤတဖၣ်န့ၣ်လီၤ. အဝဲအသးဒိၣ်ထီၣ်ဘၣ်စီၤဒၤဝံးဒီးစံးဝဲ, “နမၤတၢ်မနုၤတမံၤဖဲအံၤန့ၣ်လဲၣ်. မတၤတဂၤအံးထွဲ ကွၢ်ထွဲနသိဖိတဖၣ်လၢပှၢ်မုၢ်ကနၢအပူၤန့ၣ်လဲၣ်. နၤအံၤနမၤသးဒ်ဖိသၣ်လၢတပာ်လ့ၢ်ပာ်ကါတၢ်အသိးလီၤ. နဟဲနဲဒ်သိးနကကွၢ်ကီတၢ်ဒုးတၢ်ယၤတမ့ၢ်ဘၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 26:5

အဝဲလဲၤတဘျီဃီဒီးကွၢ်တၢ်လီၢ်ဖဲစီၤစီလူးဒီးစီၤန့ၢ်အဖိခွါ စီၤအဘံန့ၢ်လၢအမ့ၢ်သုးခိၣ်ကျၢၢ်လၢစီၤစီလူးအသုးမုၢ်အပူၤ, မံဝဲအလီၢ်လီၤတံၢ်လီၤဆဲးန့ၣ်လီၤ. စီၤစီလူးမံလၢဒဲအအိပူၤဒီးအပှၤတဖၣ်သူၣ်ဒဲဝးတရံးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:7

မၤသးဒ်န့ၣ်ဒီး, လၢမုၢ်နၤအဝဲန့ၣ်စီၤဒၤဝံးဒီးစီၤအဘံၡဲၤ လဲၤနုာ်ဆူစီၤစီလူးအဒဲပူၤဒီးထံၣ်ဘၣ်စီၤစီလူးမံလၢတၢ်သူၣ်ဒဲ အလီၢ်အခၢၣ်သးဒီးဃုာ်ဒီးအဘီအိၣ်ဆဲးလီၤအသးလၢဟီၣ်ခိၣ်လိၤ ဘူးဒီးအခိၣ်န့ၣ်လီၤ. စီၤအဘံန့ၢ်ဒီးသုးဖိတဖၣ်မံဝးတရံးအီၤန့ၣ်လီၤ.