လံာ်စီၤၡမူၤအ့လးအခီၣ်ထံးတဘ့ၣ် 17:18 - Sgaw Karen Common Bible

¹⁸ ဒီးလဲၤစိာ်တၢ်နုၢ်ထံလီၤသကၤအလိၣ်တဆံအံၤဆူသုးခိၣ်ဖးဒိၣ် အအိၣ်တက့ၢ်. ဃုသ့ၣ်ညါနဝဲၢ်တဖၣ်မ့ၢ်အအိၣ်မၤသးဒ်လဲၣ်ဒီးဟဲက့ၤစိာ်တၢ် တမံၤလၢကဒုးနဲၣ်တၢ်လၢနထံၣ်တ့ၢ်အဝဲသ့ၣ်ဒီးလၢအဝဲသ့ၣ်အိၣ် ဆူၣ်အိၣ်ချ့အဂ့ၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 17:18 Iomraidhean Croise

လံာ်တၢ်ကဲထီၣ်အခီၣ်ထံး 37:13

စီၤယၤကိာ်စံးဘၣ်စီၤယိၤသး, “ယအဲၣ်ဒိးလၢနကလဲၤဆူ ဝ့ၢ်ၡက့ၣ်ဖဲနဒီပုၢ်ဝဲၢ်ခွါသ့ၣ်တဖၣ်ကွၢ်ထွဲသိတဖၣ်အလီၢ်န့ၣ် လီၤ.” စီၤယိၤသးစံးဆၢဝဲ, “မ့ၢ်, ယကလဲၤလီၤ.”

လံာ်တၢ်ကဲထီၣ်အခီၣ်ထံး 37:14

အပၢ်စံးဘၣ်အီၤ, “လဲၤဒီးကွၢ်မ့ၢ်နဒီပုၢ်ဝဲၢ်ခွါသ့ၣ်တဖၣ် ဒီးသိတဖၣ်အိၣ်ဘၣ်မုာ်မုာ်ခုၣ်ခုၣ်ဂ့ၤဂ့ၤဘၣ်ဘၣ်ကစီဒီဧါ. ဒီးဟဲက့ၤတဲစံးယၤတက့ၢ်.” ဒီးအပၢ်ပျဲလီၤအီၤလၢအတၢ် လဲၤအကျဲလၢဝ့ၢ်ဃ့ဘြိၣ်အတြီၤပူၤန့ၣ်လီၤ. စီၤယိၤသးလဲၤတုၤဝဲဆူၡက့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 17:29

တၢ်အီၣ်တၢ်အီလၢအဝဲသ့ၣ်ဟဲစိာ်န့ၣ်မ့ၢ်ဝဲဘုကၠူၣ်, ဘုမုယီၤ, ဘုဝဲာ်အသး, ပထိး, သဘ့, ကနဲစီ, တၢ်နုၢ်ထံ ကိၢ်လိၣ်, တၢ်နုၢ်ထံလီၤသကၤဒီးသိဖိတနီၤန့ၣ်လီၤ. အဝဲသ့ၣ်, သ့ၣ်ညါဝဲလၢစီၤဒၤဝံးဒီးအပှၤတဖၣ်သၣ်ဝံၤသၣ်စ့ၤ, အသးသူထံဒီးလီၤဘှံးလီၤတီၤဝဲလၢပှၢ်မုၢ်ကနၢအပူၤန့ၣ်လီၤ.

လံာ်နီၢ်အ့ၤစတၢ် 2:11

ကိးမုၢ်နံၤဒဲးစီၤမၢ်ဒကဲၤဟးလ့ၢ်ထီၣ်လ့ၢ်လိၤလၢ ပှၤပိာ်မုၣ်တဖၣ်အိၣ်ဟံၣ်အဂၢၤအမဲာ်ညါဒ်သိးကသ့ၣ်ညါဘၣ် လၢမ့ၢ်နီၢ်အ့ၤစတၢ်အိၣ်မုာ်ဧါ, ဒီးတၢ်ကမၤအသးဒီးအီၤဒ်လဲၣ် အဂ့ၢ်န့ၣ်လီၤ.

လံာ်စီၤယိၤဘး 10:10

နဟ့ၣ်ယပၢ်တၢ်ဂံၢ်တၢ်ဘါလၢကဒုးထီၣ်ဖိယၤ, နဒုးဒိၣ်ထီၣ် ယၤလၢယမိၢ်အဒၢလီၢ်အပူၤန့ၣ်လီၤ.

လံာ်တၢ်ဟးထီၣ်ကွံာ် 18:7

လၢတၢ်န့ၣ်အဃိစီၤမိၤၡ့လဲၤထီၣ်ဒ်သိးကသဂၢၢ်အီၤဒီးဆုးလီၤ အခိၣ်လၢအမဲာ်ညါဒီးနၢမူအီၤန့ၣ်လီၤ. အဝဲသ့ၣ်သံကွၢ်လိာ်သကိးအသးတဂၤဒီးတဂၤလၢအတၢ်အိၣ်ဆူၣ်အိၣ် ချ့အဂ့ၢ်ဝံၤဒီးလဲၤနုာ်ဝဲဆူစီၤမိၤၡ့အဒဲပူၤန့ၣ်လီၤ.

မၤတၢ် 15:36

တၢ်ဆၢကတီၢ်လဲၤပူၤကွံာ်ဝဲစှၤလါဝံၤအလီၢ်ခံန့ၣ်, စီၤပီလူးစံးဘၣ်စီၤဘၢ်နါဘၤ, “မ်ပက့ၤကဒါက့ၤဆူဝ့ၢ်ကိးဝ့ၢ်ဒဲး ဖဲပစံၣ်တဲၤတဲလီၤတ့ၢ်ကစၢ်အကလုၢ်ကထါ, ဒ်သိးပကထံၣ်ဘၣ်အဝဲသ့ၣ်အတၢ်အိၣ်မူလၢတၢ်စူၢ်ယွၤနာ်ယွၤ အပူၤ မ့ၢ်တၢ်ဒ်လဲၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 18:15

မၤသးဒ်န့ၣ်ဒီး, အဝဲသ့ၣ်လဲၤနုာ်ဆူစီၤမံၤကါအဟံၣ်ပူၤ ဖဲပှၤလ့ၤဝံသးစၢ်တဂၤအိၣ်ဝဲဒီးသံကွၢ်ဝဲမ့ၢ်အအိၣ်မူဒ်လဲၣ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:20

စီၤယံးၡဲဆှၢလီၤစီၤဒၤဝံးဆူစီၤစီလူးအအိၣ်ဃုာ်ဒီးမဲာ် တဲးလဲးသးစၢ်ဖိတဒု, ကသ့ၣ်ယီၤတဒုလၢအဘၣ်တၢ်ပဒၢးထီၣ်အီၤဒီးကိၣ်တဖၣ်, ဒီးထၢၣ်တၢ်ဖံးတဖျၢၣ်လၢအပှဲၤဒီးစပံးထံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:19

စီၤပၤစီၤစီလူးဒီးနဝဲၢ်တဖၣ်ဒီးပှၤအံၣ်စရ့လးဖိတဖၣ်အိၣ် လၢတၢ်တြီၤအ့လၤဒီးဒုးပှၤဖလ့ၡသးဖိတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:5

မၤသးဒ်န့ၣ်ဒီးအဝဲဆှၢလီၤပှၤသးစၢ်အဂၤတဆံဃုာ်ဒီးတၢ်ကလုၢ် လၢကလဲၤဆူဝ့ၢ်ကၤမ့လး, ဒီးဃုထံၣ်စီၤနၤဘလးဒီးတဲဘၣ်အီၤလၢအဝဲအတၢ်ဆၢဂ့ၤဆၢဝါ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:21

အန့ၣ်ဝံၤဒီး, စီၤဒၤဝံးက့ၤကဒါက့ၤဆူပှၤအဂၤခံကယၤလၢ အဂံၢ်အဘါစၢ်ဒိၣ်မးလၢအကလဲၤပိာ်အခံအဂီၢ်အဃိ, အိၣ်လီၤတဲာ်လၢထံကျိဖိအကၢၢ်ခိၣ်တဖၣ်အအိၣ်န့ၣ်လီၤ. အဝဲသ့ၣ်ဟဲထီၣ်ဆူညါဒ်သိးကသဂၢၢ်စီၤဒၤဝံးဒီးအပှၤတဖၣ်ဒီး စီၤဒၤဝံးလဲၤဆူအဝဲသ့ၣ်အအိၣ်ဒီးဆၢဂ့ၤဆၢဝါအဝဲသ့ၣ် ပှဲၤဒီးတၢ်သူၣ်အိၣ်သးအိၣ်န့ၣ်လီၤ.