လံာ်စီၤၡမူၤအ့လးအခီၣ်ထံးတဘ့ၣ် 17:10 - Sgaw Karen Common Bible

¹⁰ ဖဲအံၤယတၤပှၤအံၣ်စရ့လးဖိအသုးမုၢ်ခဲအံၤန့ၣ်လီၤ. သုဃုထၢပှၤတဂၤန့ၣ်ယဒုးအီၤဘူၣ်ယဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:21

အဝဲဒုၣ်ဒွဲၣ်ဒီးတၤတၢ်ဒီးပှၤအံၣ်စရ့လးဖိတဖၣ်အဃိ စီၤဒၤဝံးအဒီပုၢ်ဝဲၢ်ခွါစီၤၡံမံၤအဖိခွါစီၤယိနၤသၣ် မၤသံကွံာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:9

ပှၤခံဂၤတဂၤလၢပှၤမံၤဟူသၣ်ဖျါသၢဂၤအကျါန့ၣ်မ့ၢ်ဝဲ စီၤဒိဒိၤအဖိခွါစီၤအလၤဧစၢ်လၢပှၤအဃိဃးဖိအဒူၣ်ထၢတခီန့ၣ်လီၤ. တနံၤန့ၣ်, အဝဲဒီးစီၤဒၤဝံးတၤတၢ်ဒီးပှၤဖလ့ၡသးဖိတဖၣ်လၢ အပာ်ဖှိၣ်ထီၣ်အသးလၢတၢ်ဒုးတၢ်ယၤအဂီၢ်န့ၣ်လီၤ. ပှၤအံၣ်စရ့လးဖိတဖၣ်ဂုၤက့ၤဆူအလီၢ်ခံ,

လံာ်စီၤပၤခံဘ့ၣ်တဘ့ၣ် 19:4

ကီၢ်အၤၡူၢ်အစီၤပၤဖးဒိၣ်ဆှၢလီၤအပှၤသုးခိၣ်ဖးဒိၣ်အဒိၣ် ကတၢၢ်ဒ်သိးကဒုၣ်ဒွဲၣ်ကစၢ်ယွၤလၢအမူဝဲတဂၤန့ၣ်လီၤ. မ်ယွၤ, နကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်ဒီးစံၣ်ညီၣ်ပှၤတဖၣ်လၢ အစံးတ့ၢ်တၢ်န့ၣ်တက့ၢ်. မၤသးဒ်န့ၣ်ဒီး, ဃ့ဘါထုကဖၣ်ဆူယွၤလၢပပှၤဂီၢ်မုၢ်လၢအအိၣ်လီၤတဲာ်ဒံးတဖၣ် အဂီၢ်န့ၣ်တက့ၢ်.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:11

ဖဲစီၤစီလူးဒီးအပှၤတဖၣ်နၢ်ဟူတၢ်အံၤန့ၣ်အဝဲသ့ၣ်ပျံၤတၢ် နးနးကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:45

စီၤဒၤဝံးစံးဆၢဝဲဒၣ်, “နဟဲထီဒါယၤလၢနး, ဘီဒီးဘီဖိတဖၣ်လီၤ. မ့မ့ၢ်ယဟဲထီဒါနၤလၢပှၤအံၣ်စရ့လး ဖိအသုးမုၢ်အကစၢ်ယွၤ, ယွၤသ့တၢ်လၢာ်, လၢနမၤတရီတပါအီၤတဂၤန့ၣ်အမံၤလီၤ.