လံာ်စီၤၡမူၤအ့လးအခီၣ်ထံးတဘ့ၣ် 17:1 - Sgaw Karen Common Bible

¹ ပှၤဖလ့ၡသးဖိတဖၣ်ပာ်ဖှိၣ်ထီၣ်အသးဖဲဝ့ၢ်ၡိကိၤ, ဝ့ၢ်တဝ့ၢ်လၢအအိၣ်လၢကီၢ်ယူဒၤအပူၤန့ၣ်လီၤ. အဝဲသ့ၣ်သူၣ်ထီၣ်အဒဲဖဲတၢ်လီၢ်ကိးဝဲလၢအ့ဖ့းစဒးမံၣ်လၢ အအိၣ်ဖဲၡိကိၤဒီးဝ့ၢ်ဧစ့ကၤအဘၢၣ်စၢၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 11:13

အဝဲဒုးတၢ်လၢစီၤဒၤဝံးအဂီၢ်ထီဒါပှၤဖလ့ၡသးဖိတဖၣ်ဖဲ တၢ်ဒုးလၢပၤစဒၤမံၣ်န့ၣ်လီၤ. ဖဲပှၤအံၣ်စရ့လးဖိစးထီၣ်ဃ့ၢ်ထီၣ်ကွံာ်ဝဲန့ၣ်အဝဲအိၣ်ဝဲဖဲ ဘုမုယီၤအပျီတဘ့ၣ်အပူၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 11:7

ဝ့ၢ်ဘ့ၤသစူၢ်, ဝ့ၢ်ၡိၤကိၤ, ဝ့ၢ်ဧးဒူးလၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 28:18

တကတီၢ်ဃီအံၤန့ၣ်, ပှၤဖလ့ၡသးဖိတဖၣ်ဟဲနုာ်လီၤဒုးဆူၣ်ဝ့ၢ် တဖၣ်လၢအအိၣ်လၢမုၢ်နုာ်ကစၢၢ်တဖၣ်အခီၣ်ထံးဒီးလၢကီၢ်ယူဒၤ အကလံၤထံးန့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်တဖၣ်လၢအမ့ၢ်ဝဲဘ့ၤသၡ့မ့ၣ်, အးယၤလိၣ်, ကဒ့ရိးန့ၣ်လီၤ. အဝဲသ့ၣ်မၤန့ၢ်ကွံာ်စ့ၢ်ကီးဝ့ၢ်တဖၣ်လၢ အမ့ၢ်ဝဲ, ၡိကိး, တံးမနၤကံးမစိၤဒီးသဝီၤတဖၣ်လၢအအိၣ်ဝးတရံးဝ့ၢ် တဖၣ်အံၤ, ဒီးသူၣ်လီၤအတၢ်အိၣ်တၢ်ဆိးအလီၢ်အဂၢၢ်အကျၢၤဖဲန့ၣ်လီၤ.

လံာ်ယံးရမံယၤ 34:7

ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

လံာ်စီၤယိၤၡူ 15:35

ယၢ်မူသး, ဧဒူးလၣ်, စိကိၤ, ဧစ့ကၤ, ၡၤရယံၣ်, ဧဒံသၣ်, ကဒ့ရၤ, ဒီးကဒ့ရိၤသံၣ်န့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:46

တၢ်န့ၣ်အလီၢ်ခံ, စီၤစီလူးဆိကတီၢ်ကွံာ်တၢ်လူၤပှၤဖလ့ၡသးဖိတဖၣ်ဒီး, အဝဲသ့ၣ်က့ၤကဒါက့ၤဆူအလီၢ်ကဝီၤဒၣ်ဝဲအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:52

စီၤစီလူးဘၣ်ဒုးတၢ်ထီဒါပှၤဖလ့ၡသးဖိတဖၣ်ဆူၣ်ဆူၣ်ကလဲာ်လၢ အသးသမူတစိၤန့ၣ်လီၤ. မၤသးဒ်န့ၣ်ဒီးဖဲအထံၣ်န့ၢ်ကယဲၢ်ပှၤတဂၤလၢ်လၢ်လၢအဒူဒီး အဂံၢ်အဘါဆူၣ်န့ၣ်, အဝဲကိးနုာ်အီၤဆူအသုးမုၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:7

ဖဲပှၤဖလ့ၡသးဖိတဖၣ်နၢ်ဟူလၢ ပှၤအံၣ်စရ့လးဖိတဖၣ်ပာ်ဖှိၣ်ထီၣ်အသးလၢဝ့ၢ်မံးစပၤန့ၣ်, ပှၤဖလ့ၡသးဖိအစီၤပၤယဲၢ်ဂၤစးထီၣ်ပာ်ဖှိၣ်အသးဒီးအပှၤတဖၣ် ဒ်သိးအကဒုးအဝဲသ့ၣ်အဂီၢ်န့ၣ်လီၤ. ပှၤအံၣ်စရ့လးဖိတဖၣ်နၢ်ဟူတၢ်ဂ့ၢ်န့ၣ်ဒီးပျံၤတၢ်ဖုးတၢ်လီၤ.