လံာ်စီၤၡမူၤအ့လးအခီၣ်ထံးတဘ့ၣ် 16:6 - Sgaw Karen Common Bible

⁶ ဖဲအဝဲသ့ၣ်ဟဲတုၤဃီၤဝဲန့ၣ်, စီၤၡမူၤအ့လးထံၣ်ဘၣ်စီၤယံးၡဲအဖိခွါစီၤအလံအာ် ဒီးစံးလီၤအသး, “ပှၤတဂၤအံၤလၢအဆၢထၢၣ်ဖဲအံၤလၢယွၤအမဲာ်ညါန့ၣ် မ့ၢ်သပှၢ်ကတၢၢ်ပှၤတဂၤလၢယွၤဃုထၢထီၣ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:6 Iomraidhean Croise

လံာ်စီၤပၤအခီၣ်ထံးတဘ့ၣ် 12:26

စီၤယၤရၤဘၣ်စံးဝဲလၢအသးကံၢ်ပူၤ, “တၢ်မ့ၢ်အိၣ်ဒၣ်ဒ်ခဲ အံၤအသိးန့ၣ်, ဘီမုၢ်ကက့ၤကဒါက့ၤဆူစီၤဒၤဝံးအပှၤဟံၣ်ဖိအအိၣ်လီၤ.

လံာ်စီၤပၤအခီၣ်ထံးတဘ့ၣ် 4:11

စီၤဘံနဒာ်အဖိခွါလၢအဒိးတ့ဒိးဖျီအသးဒီးစီၤၡလိၤမိၤ အဖိမုၣ်နီၢ်တၤဖး, လၢကီၢ်ဒိၢ်, ဒီတကီၢ်အပူၤ,

လံာ်ကွဲးနီၣ်တၢ်အခီၣ်ထံးတဘ့ၣ် 2:13

စီၤယံးၡဲအိၣ်ဒီးအဖိခွါနွံဂၤဒီးဒ်အဝဲသ့ၣ်အသးအနံၣ်အလါ ဒၣ်ဝဲန့ၣ်မ့ၢ်, စီၤအလံအာ်, စီၤအဘံနဒာ်, စီၤၡံမၤ,

လံာ်ကွဲးနီၣ်တၢ်အခီၣ်ထံးတဘ့ၣ် 27:18

စီၤဒၤဝံးအဒီပုၢ်ဝဲၢ်အကျါတဂၤစီၤအလံဟူၤ, လၢပှၤယူဒၤဖိ အဒူၣ်အဖီခိၣ်, စီၤမံၤက့လးအဖိခွါစီၤဧိၣ်ရံ, လၢယံးစၣ်ကၢ်ဖိ အဒူၣ်အဖီခိၣ်

လံာ်ကွဲးနီၣ်တၢ်အခီၣ်ထံးတဘ့ၣ် 28:4

ယွၤ, အံၣ်စရ့လးအကစၢ်ယွၤဃုထၢတ့ၢ်ယၤဒီးယစၢၤယသွဲၣ်တဖၣ်လၢ ကပၢအံၣ်စရ့လးလီၤစိၤလီၤထီန့ၣ်လီၤ. အဝဲဃုထၢတ့ၢ်ပှၤယူဒၤဖိအဒူၣ်လၢကဟ့ၣ်ထီၣ်ခိၣ်နၢ်တဖၣ်, ဒီးလၢယူဒၤအကျါန့ၣ်, အဝဲဃုထၢတ့ၢ်ယပၢ်အပှၤဟံၣ်ဖိ ဃီဖိန့ၣ်လီၤ. လၢကယဲၢ်ပှၤဟံၣ်ဖိဃီဖိခဲလၢာ်အကျါ, အဝဲဘၣ်သူၣ်ဘၣ်သးတ့ၢ်လၢကဃုထၢယၤဒီးဒုးကဲထီၣ်ယၤစီၤပၤ လၢပှၤအံၣ်စရ့လးဖိခဲလၢာ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:18

စီၤရဃၤဘၣ်ဟံးန့ၢ်အမါလၢစီၤဒၤဝံးအဖိခွါစီၤယရံမိးအဖိ မုၣ်နီၢ်မၤဃလ့း, လၢအမိၢ်န့ၣ်မ့ၢ်စီၤယံးၡဲအဖိခွါစီၤအလံအာ်အဖိမုၣ်နီၢ် အဘံဃယ့းလးန့ၣ်လီၤ.

စံးထီၣ်ပတြၢၤ 84:9

ကစၢ်ယွၤဧၢ, ဆိၣ်ဂ့ၤပစီၤပၤ စီၤပၤတဂၤလၢ နဃုထၢတ့ၢ်အီၤန့ၣ်တက့ၢ်.

လံာ်ပှၤစံၣ်ညီၣ်ကွီၢ် 8:18

တုၤနုၤတစု, စီၤကံးဒဧိၣ်သံကွၢ်စီၤစ့ဘၤဒီးစီၤစးလမူနၤ, “ပှၤလၢသုမၤသံကွံာ်အီၤလၢဝ့ၢ်တၤဘိၢ်တဖၣ်န့ၣ်မ့ၢ်ပှၤဒ်လဲၣ်တဖၣ်လဲၣ်.” ဒီးအဝဲသ့ၣ်စံးဆၢဝဲဒၣ်, “အဝဲသ့ၣ်လီၤဂာ်ဒီးသုလီၤ. အဝဲသ့ၣ်ကိးဂၤဒဲးန့ၣ်, လီၤဂာ်ဒီးစီၤပၤအဖိခွါတဖၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:13

အဖိခွါအဒိၣ်ကတၢၢ်သၢဂၤန့ၣ်ပိာ်စီၤစီလူးအခံဆူတၢ်ဒုး အပူၤလီၤ. အဖိခွါအဒိၣ်ကတၢၢ်တဂၤအမံၤမ့ၢ်စီၤအ့လံအာ်, လၢခံတဂၤမ့ၢ်စီၤအဘံနဒာ်ဒီးပှၤသၢဂၤတဂၤမ့ၢ်စီၤၡးမၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:22

စီၤဒၤဝံးပာ်တ့ၢ်တၢ်အီၣ်တၢ်အီတဖၣ်လၢသုးခိၣ်ဘၣ်မူဘၣ်ဒါလၢ အဆှၢထီၣ်တၢ်အီၣ်တၢ်အီတဖၣ်အအိၣ်ဒီး လဲၤဃ့ၢ်ဝဲဆူတၢ်ဒုးတၢ်ယၤအလီၢ်, လဲၤဆူအဝဲၢ်တဖၣ်အအိၣ်, ဒီးသံကွၢ်အဝဲသ့ၣ် မ့ၢ်အအိၣ်မၤသးဒ်လဲၣ်အဂ့ၢ်န့ၣ်လီၤ.