လံာ်စီၤၡမူၤအ့လးအခီၣ်ထံးတဘ့ၣ် 16:3 - Sgaw Karen Common Bible

³ ကွဲမုာ်စီၤယံးၡဲဆူတၢ်လုၢ်တၢ်ပာ်န့ၣ်ဒီးယကတဲနၤတၢ်လၢ နကဘၣ်မၤနဲလီၤ. ပှၤတဂၤလၢယကတဲနၤန့ၣ်နကဘၣ်ဖှူအီၤဒ်စီၤပၤတဂၤအသိးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:11

ပှၤအိၣ်ဝဲဒၣ်အဂၤခံကယၤ, လၢဒ်စီၤအးဘၡါလိၣ်ကွဲမုာ်အီၤအသိးန့ၣ်, ဟးထီၣ်လၢဝ့ၢ်ယရူၤၡလ့ၣ်ဒီးအီၤန့ၣ်လီၤ. အဝဲသ့ၣ်တသ့ၣ်ညါတၢ်ကူၣ်ကျဲၤအအၢအဂ့ၢ်နီတမံၤဘၣ်ဒီး လဲၤဝဲလၢတၢ်သးလိၤသးဘျၢအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 11:3

လၢတၢ်န့ၣ်အဃိ, အံၣ်စရ့လးအပှၤခိၣ်ပှၤနၢ်ခဲလၢာ်, ဟဲဆူစီၤပၤဒၤဝံးအအိၣ်ဖဲဃ့ဘြိၣ်န့ၣ်လီၤ. အဝဲမၤတၢ်အၢၣ်လီၤစီဆှံဒီးအဝဲသ့ၣ်, ဒီးအဝဲသ့ၣ်ဖှူအီၤလၢ စီၤပၤဒီးအဝဲကဲထီၣ်အံၣ်စရ့လးအစီၤပၤဒ်ယွၤအၢၣ်လီၤတ့ၢ် တၢ်, ခီဖျိစီၤၡမူၤအ့လးအသိးန့ၣ်လီၤ.

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”