လံာ်စီၤၡမူၤအ့လးအခီၣ်ထံးတဘ့ၣ် 16:21 - Sgaw Karen Common Bible

²¹ စီၤဒၤဝံးဟဲဆူစီၤစီလူးအအိၣ်ဒီးနုာ်လီၤတၢ်ဖံးတၢ်မၤလၢ အအိၣ်လီၤ. စီၤစီလူးဘၣ်သူၣ်ဘၣ်သးအီၤဒိၣ်မးဒီးဃုထၢအီၤဒ်ပှၤ တဂၤလၢကစိာ်အတၢ်စုကဝဲၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:21 Iomraidhean Croise

လံာ်တၢ်ကဲထီၣ်အခီၣ်ထံး 41:46

စီၤယိၤသးအသးအိၣ်အနံၣ်သၢဆံဖဲအစးထီၣ်မၤတၢ်လၢကီၢ်အဲၤကူ ပတူးအစီၤပၤအဂီၢ်န့ၣ်လီၤ. ဒီးစီၤယိၤသးဟးထီၣ်လၢစီၤပၤအနူၢ်ပူၤစီၤပူၤဒီးလဲၤတၢ် လၢကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:8

နမါတဖၣ်အတၢ်ဘူၣ်တၢ်တီၢ်ဂ့ၤနးလဲၣ်. ဒီးနခ့နပှၤတဖၣ်လၢအအိၣ်လၢနမဲာ်ညါထီဘိဒီးအိၣ်ဒီးတၢ်ခွဲး တၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤတဖၣ်န့ၣ်, အတၢ်ဘူၣ်တၢ်တီၢ်ဂ့ၤနးလဲၣ်.

စံးထီၣ်ပတြၢၤ 118:9

တၢ်ဃ့ၢ်ဆူယွၤအအိၣ်နံၣ်ဂ့ၤန့ၢ်တၢ်သန့ၤပသးလၢပဒိၣ်ဖး ဒိၣ်တက့ၢ်န့ၣ်လီၤ.

စံးထီၣ်ပတြၢၤ 146:3

ပဒိၣ်ဖးဒိၣ်သ့ၣ်တဖၣ်ဒီးပှၤကညီဖိလၢ အမၤစၢၤတၢ်တသ့ဘၣ်တဖၣ်န့ၣ်, သန့ၤသုသးလၢအီၤတဂ့ၤ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

လံာ်သိၣ်လီၤသီလီၤတၢ် 1:38

ဘၣ်ဆၣ်ဒီးဒုးဆူၣ်ထီၣ်ပှၤမၤစၢၤနၤ, စီၤနိၣ်အဖိခွါစီၤယိၤၡူ အတၢ်ပာ်လီၤသးန့ၣ်တက့ၢ်. အဝဲကဆှၢပှၤအံၣ်စရ့လးဖိလၢကလဲၤ မၤန့ၢ်ထံကီၢ်န့ၣ်အဂီၢ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:22

အန့ၣ်ဝံၤဒီးစီၤစီလူးဆှၢလီၤတၢ်ကစီၣ်တမံၤဆူစီၤယံးၡဲအအိၣ်, “ယဘၣ်သူၣ်ဘၣ်သးလၢစီၤဒၤဝံးလီၤ. ပျဲအအိၣ်ဖဲအံၤလၢယတၢ်ဖံးတၢ်မၤအပူၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 17:15

စီၤဒၤဝံးက့ၤဆူဝ့ၢ်ဘ့ၤသလ့ဃ့ၣ်တဘျီတဘျီဒ်သိးအကကွၢ်ထွဲ အပၢ်အသိဖိတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:55

ဖဲစီၤစီလူးထံၣ်စီၤဒၤဝံးလဲၤထီၣ်ဒ်သိးကဒုးစီၤကၤလယး န့ၣ်အဝဲသံကွၢ်အသုးခိၣ်ကျၢၢ်စီၤအဘံန့ၢ်, “စီၤအဘံန့ၢ်ဧၢ, အဝဲမ့ၢ်မတၤအဖိခွါလဲၣ်.” စီၤအဘံန့ၢ်စံးဆၢဝဲ, “တၢ်ဒိၣ်စီၤပၤဖးဒိၣ်ဧၢ, ယတသ့ၣ်ညါဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 19:7

မၤသးဒ်န့ၣ်ဒီး, စီၤယိၤနၤသၣ်ကိးစီၤဒၤဝံးဒီးတဲဘၣ်အီၤ တၢ်ကိးမံၤဒဲးလီၤ. အန့ၣ်ဝံၤဒီးအဝဲလဲၤကိးစီၤဒၤဝံးဆူစီၤစီလူးအအိၣ်, ဒီးစီၤဒၤဝံးမၤတၢ်ခ့တၢ်ပှၤအတၢ်မၤလၢစီၤပၤအဂီၢ်ဒ်အညီ နုၢ်မၤဝဲအသိးန့ၣ်လီၤ.