လံာ်စီၤၡမူၤအ့လးအခီၣ်ထံးတဘ့ၣ် 16:20 - Sgaw Karen Common Bible

²⁰ စီၤယံးၡဲဆှၢလီၤစီၤဒၤဝံးဆူစီၤစီလူးအအိၣ်ဃုာ်ဒီးမဲာ် တဲးလဲးသးစၢ်ဖိတဒု, ကသ့ၣ်ယီၤတဒုလၢအဘၣ်တၢ်ပဒၢးထီၣ်အီၤဒီးကိၣ်တဖၣ်, ဒီးထၢၣ်တၢ်ဖံးတဖျၢၣ်လၢအပှဲၤဒီးစပံးထံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:20 Iomraidhean Croise

လံာ်တၢ်ကဲထီၣ်အခီၣ်ထံး 43:11

အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

တၢ်ကတိၤဒိ. 18:16

နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:4

အဝဲသ့ၣ်ကဟံးစုကွၢ်မဲာ်နၤဒီးဟ့ၣ်နၤလၢကိၣ်ခံလိၣ်လၢနကဘၣ် တူၢ်လိာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:19

မၤသးဒ်န့ၣ်ဒီး, စီၤစီလူးဆှၢလီၤပှၤစိာ်တၢ်ကစီၣ်တဖၣ်ဆူစီၤ ယံးၡဲအအိၣ်လၢကစံးဘၣ်အီၤ, “ဆှၢလီၤန့ၢ်ယၤနဖိခွါစီၤဒၤဝံး, ပှၤတဂၤလၢအကွၢ်သိတဖၣ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 17:18

ဒီးလဲၤစိာ်တၢ်နုၢ်ထံလီၤသကၤအလိၣ်တဆံအံၤဆူသုးခိၣ်ဖးဒိၣ် အအိၣ်တက့ၢ်. ဃုသ့ၣ်ညါနဝဲၢ်တဖၣ်မ့ၢ်အအိၣ်မၤသးဒ်လဲၣ်ဒီးဟဲက့ၤစိာ်တၢ် တမံၤလၢကဒုးနဲၣ်တၢ်လၢနထံၣ်တ့ၢ်အဝဲသ့ၣ်ဒီးလၢအဝဲသ့ၣ်အိၣ် ဆူၣ်အိၣ်ချ့အဂ့ၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:18

နီၢ်အဘံၤကါယံးလးမၤချ့ချ့ဒီးဟံးန့ၢ်ကိၣ်အဖျၢၣ်ခံကယၤ, ထၢၣ်တၢ်ဖံးခံဖျၢၣ်ပှဲၤဒီးစပံးထံ, သိယဲၢ်ဒုအညၣ်ဖီမံတ့ၢ် အသး, ဘုဧိၤဟုဧိၤဝဲာ်မံဃာ်အသးခံနာ်, ဒီးစပံးသၣ်ဆၢအဃ့အကူၤတကယၤဒီး ကိၣ်လၢတၢ်မၤအီၤလၢချၢၣ်ဒၢသၣ်အဃ့အဖျၢၣ်တကယၤ, ဒီးပာ်ထီၣ်အီၤလၢကသ့ၣ်ယီၤတဖၣ်အလိၤန့ၣ်လီၤ.